مايكل نادي (12 ترنيمة )

1- واثق إنك عايز كل حاجة حلوة ليَّ
مش بس عايز لأ وتقدر قدرة مش عادية
وعندك حكمة كبيرة تنفذ بيها مشيئتك فيّ
وبرغم كل اللي عندك برضو سايبلي الحرية

القرار - (وانا بحريتي مش هاحتار وانا بحريتي مش هاختار
غير إن تبقى حياتي ليك)2..وتحقق ملكك فيَّ

2- خبرتي في الدنيا مهما كبرت وحدها مش كفاية
مستني تكون انت إلهي البداية والنهاية
خليني أعرف أميز صوتك وسط الدوشة دي
وأصدق وأعرف أحفظ وعودك دي فيها الأبدية

1- أول ما أفتح عيني الصبحية على شروق الشمس
قبل ما أشوف النور من الشبابيك
تشغلني إشتياقاتي إني أشوفك إنت
وأحلى ما في حياتي .. أبتدي يومي بيك
القرار- ( ضيك يشرق في القلوب ويشهد عنك
نورك دفا لكل النفوس وبكلمتك
تملا الدنيا فرح وده هدفك ليَّ
أنا باشكرك على كل يوم منك هدية ) 2
2- إديني يا ربي في كل يوم ألمس وجودك
علمني في يومي في وسط الزحمة أسمع لصوتك
خليني أدوق المتعة في الحياة معاك
وكل يوم جديد جدد جوايا روحك