نتائج البحث (12744 ترنيمة)

1- (قلبي بيفيض بكلام صالح لجلالك
ولساني يرنم يا ملك الملوك)2
ياللي انت أبرع من بني البشر في جمالك
ياللي انت أغلى ما في حياتي يا يسوع

القرار- (جاي باغنيلك وأتمنى تبقى سعيد
بارفع تسبيحك وفرحة قلبي تزيد)2

2- (بيك أنا متهنِّي لأني بافرح قلبك
وأنا هافضل أغني و أقدملك أناشيد)2
اقبلها ترنيمة محبة باهديهالك
هدفي مسرة قلبك انت يا مجيد

1-(ابنك وبنتك .. شايفين أمانتك
طالبين حضورك يملا بيتنا مصدقين
أنت اللي واعد .. فيك نبقى واحد
جمعت أنت يا رب ويفرقنا مين ؟!)2
القرار- (بارك بيتنا .. واضمن كل حياتنا فيك .. وادينا فرحة وسلام
دى طلبتنا : إن عيلتنا تبقى ليك أحلى شهادة مش كلام)2
2-(هافضل أحبك .. هاخضع لحُبك
زى الكنيسة والمسيح عايزين نعيش
مهما يقابلنا .. الله جامعنا
مع بعضنا طول عمرنا .. وفراق مافيش)2

1-غني يا شعب يسوع للي فدانا
غنوا مجدًا مجدًا لاسم يسوع
قدموا له المجد وأعلى مكانة
بالتسبيح علوا الهتاف لشخص يسوع
القرار- غنوا ليه غنوا ليه .. مجدًا لاسم الفادي
سبحيه سبحيه .. كل الأرض ونادي
صوت فرحة وصوت ترنيم .. في خيام الصديقين
والرب بنفسه معانا .. ده ملكنا وليه خاضعين
(وقلوبنا بيه شبعانة .. وبيه فرحانين)2
2-إهتفي له يا كل الأرض وغني
غنوا ليه ملك الملوك هو الإله
هو الرب صانعنا وهو راعينا
واحنا ليه شعبه وليه غنم مرعاه

1- جمعت قلوبنا بيك .. خليتنا واحد فيك
واديتنا الحب يملا القلب .. نفرح نتهنى بيك
بيتنا يبقى ليك .. يبقى محفوظ في أيديك
بيتنا هيغني ليك
القرار- (بيتنا هيغني لك)4 .. وهيرفع لك هتاف
طول حياتنا راعينا .. ماسك أنت أيدينا
وشايلنا على الأكتاف
2- أنت الراعي الأمين .. تشهد كل السنين
عن كل جودك ووعودك .. وحنانك يا معين
بيتنا هاتخليه بيتك .. وتنور فيه
بيتنا هيغني ليك
3- وهتسكن عندنا .. وأولادنا بعدنا
ليك يسجدوا ويعبدوا .. ضامنين فيك سعدنا
تملا البيت أفراح .. تبقى أنت فيه بترتاح
بيتنا هيغني ليك

1- جايين بآلاتنا نهتف .. نشكر من قلبنا
لو كل كلامنا يوصف .. نحتاج ولا 100 سنة
أيوة أنت يا رب رايتنا .. وأبونا وفخرنا
جايبين لك تسبيحتنا .. وتقديرنا وشكرنا
القرار- شكرًا ليك بنعلّيك .. مجدك يرجع ليك مش لينا
كل ما فيك أحلى وأجمل .. من الأوصاف اللي في أغانينا
شكراً ليك بنعليك .. مجدك يرجع ليك مش لينا
كل ما فيك أحلى وأجمل من أغانينا
2- مايهمش كام سنة فاتت .. ولا فيه كام سنة قدام
دي قلوبنا بجد اشتاقت .. تهديك باقي الأيام
راجعين نبقى لجلالك .. قدام رجليك خدام
نفضل باصين لجمالك .. ونعبر بالأنغام

1- كان يوم ما يتنسيش وآلام ما تنتهيش
والتجربة مُرَّة والآهه كانت صعبة
وحبيب جنبي ماليش
وأصرخ وأقول الآه فينك وانت الإله؟
هو انت ناسيني ولا سامع أنيني؟
أرسل طوق النجاة
2- كان يوم مليان نواح والقلب مليان جراح
مين ياخد بإيدي؟ مين هايكون سنيدي؟
وأبكي على اللي راح
ودموع في عينيَّ نار طعم الحياة مرار
و الحيرة وخداني و بنارها كاوياني
وأسأل إيه اللي صار؟
وشُفتك وانت بتمدي لي إيديك سمعتك وانت بتقول عيني عليك
وده اللي صبَّرني وده اللي طمِّني
وده اللي خلاني..أرمي حمولي عليك

1- (نرنم وننغم يارب بجبروتك نهتف ونسبح ونعلَّي في ملكوتك)2

القرار – (بإيديه القوية عدانا في المَيَّه)2 وعناية إلهية وسحابة ومظلَّة

2-(نظر من علاه ومد يداه)2 أخرجنا الإله من أرض العبودية
3-(برقص ودفوف ما عاد فينا خوف)2 ورغم الظروف نهتف للمسيا
4-(برقص وهتاف ما عُدنا نخاف)2 ورغم الجفاف خلّى الصخرة مَيَّه
5-(بإيديه الأمينة بيظلل علينا)2 وماسك إيدينا أيامنا اللي جايه

1-(لما أصرخ تجيني وبتمسك يميني)2
ولحضنك تاخدني وحنانك ماليني
(والموج يبقى عالي و الصرخة تعاني)2
والريح بيحاربني وسلامك ملاني

القرار – (أنا ما ليَّ سواك أنا ما ليَّ غيرك
كل عمري معاك ومكفِّيني خيرك)2

2-(عارفك مش هاتنسى لما الدنيا تقسى)2
حضنك ليَّ مرسى ده أنا ابنك حبيبك
(وفي ساعة الأتون و جوه السجون)2
من غيرك حنون مالقاش حد غيرك
3-(لما أجري عليك ترفعني إيديك)2
مالقاش غير حنانك مالقاش غير إيديك
(تلمسني تداويني وتنهي أنيني)2
من غيرك شايلني من غيرك سنيدي

1- (بحبك يا سيد الأرض وكل ما فيها .. بحبك يا خالق الخلق وفوق أعاليها
بحبك يا مروي الثمرة ومين يكفيها .. بحبك يا مالي حياتي بخيرك فيها)2

القرار – (يا عالي على كل عالي بنخضعلك .. يا باهي فوق كل باهي ومين زيك
يا خالق ده الكل مصنوع من يدك .. يا غالي ع القلب غالي بنحبك) 2.. بحبك

2-(بحبك ودمك يستر كل ماضينا .. بحبك يا فوق العرش وروحك فينا
بحبك يا رجل الحرب و سيفك لينا .. بحبك يا رافع راسنا فوق أعادينا)2
3-(بحبك يا ناقش اسمي على كفك .. بحبك وعايش هنا جوه في سترك
بحبك وكل عيوبي غطاها دمك .. بحبك يا سامع صوتي باندهلك)2

1- (لو مش لاقي حد تفضفض يوم معاه
أو مش لاقي حد في يوم يسمعك
لو كان جرحك صعب إن أنت تلاقي دواه
ولا فيه واحد تحكي معاه ع اللي بيوجعك)2
القرار –(تعالَ إليه تعالَ قوام وارمي عليه كل الأحمال)2
(مين غيره هايسمعك مين غيره يريحك)2
وبلمسة من أيديه يشفي كل الآلالم
2- (لو كان دمعك نازل يجري من العيون
ولا فيه صاحب جنبك كله بيخدعك
لو مسجون أو حتى جوه في الأتون
ومافيش واحد جنبك كله بيتركك)2
القرار –(تعالَ إليه تعالَ قوام وارمي عليه كل الأحمال)2
(مين غيره هايسمعك مين غيره يريحك)2
وهايمشي في الأتون يطفي كل النيران