نتائج البحث (12744 ترنيمة)

القرار – (أبرع جمال من كل أبناء البشر
فين الجمال فوق الصليب؟ عنّي انكسر
بكل حب فارد إيديه وده كله لأجل يرد لي
قلبي اللي خان باعه زمان كان التمن وهم الأمان)2

1- ولمّا ضاع مني الطريق و أتغير القلب البريء
و جروحي من شوك المسير جعلت شفايا مستحيل
اخترت انت تمر بيَّ وتطيب الجرح اللي فيَّ
أخدت شوكي فوق الجبين وصليب خطايا ع المنكبين
2- قالت عينيك أقوى كلام شاورت لي ع الجرح اللي فيك
قابل بدالي كاس الآلام باب الحياة مفتوح لي بيك
قدمت نفسك يا حبيب برضاك على عود الصليب
آسير بحبك أخترت أكون أنا حر بيك والدين رهيب

1- مستني نسمة حرية تملا قلوعي وسفينتي
مستني صوت الاغنية يعلى في قلبي و مدينتي
مستني قطرات المطر تروي أراضي منسية
مستني تيجي بالأفراح تعلن بدايتي الحقيقية
القرار-(ومهما طال الليل وزاد صابر ومستني وصولك
وحتى لو حواليَّ سواد قلبي وروحي ينادولك)2
2- هافضل في وسط الشر ثابت يكفيني وعد انتصاري فيك
أمين أنت وعودك ماخابت ولا يوم وقعت من أيديك
صياد وصِدت م الفخ نفسي حررتني والمجد ليك
وزي ما شكلت أمسي بالحب تضمن نجاتي بيك

1- (ليك يا رب أنا باغنِّي بارفع نغم التمجيد
وسط العالم مستني تاخدني لبيتي الجديد)2

القرار – (نصرتي في إلهي أكيدة لو كل ظروفي عنيدة
شايف مسيحي قدامي وألحاني أنغامها سعيدة)2

2- (لما غفرانك غطّاني غيرتني وياك بتمام
صرت لي وطني وعنواني وأب مدى الأيام)2
3- (طول ما أنا وياك طريقي مليان فرحة وسلام
وأما ييجي ضيق يشيلني حضنك فيه الأمان)2

1- إلهنا حاضر وسطنا فارد أيديه بيضمنا
يمنح سلامه بغنى ويمحي عن شعبه العناء
يحرر القلب السجين يكسر قيود دابت سنين
وترتوي أرواحنا بيك تشهد لشخصك الأمين
ويفيض معاه نهر الفرح يداوي كل المجروحين
وتعلى أصوات الهتاف من بعد أحزان وأنين
2- حاضر هنا في وسطنا بالحب أيده تضُمنا
إلهنا فوق الكل قادر ووعده ضامن فرحنا
إلهي كل المجد ليك ياللي قابل ضعفي يناديك
غلبك حنانك لما سال دمع العيون يصرخ إليك
جيت لي في مكاني يا حبيب وصرت بالحب قريب
شفيت سقام نفسي بحنان ردتني تاني ابن ليك
3- إلهنا حاضر وسطنا بالحب ساتر إثمنا
المجد ليه رب الحياه فادي نفوسنا وعزنا
يحرر القلب السجين يكسر قيود دابت سنين
وترتوي أرواحنا بيك تشهد لشخصك الأمين
ويفيض معاه نهر الفرح يداوي كل المجروحين
وتعلى أصوات الهتاف من بعد أحزان وأنين

1-(شاعر بإن جوايا عبد إحساسي مُر
كل الي شايفه فيَّ ضعف مش شخص حر)2
(وأسمع يقولوا إنك عايزني إنك قابلني
و ف كل حاله أنت برضه راضي تعاملني)2
2-(محتاج أصدق إني ليك وريني شخصك
ضعفي أمتلكني وخوف يزيد قربني جنبك)2
(سمّعني كلمة إني ابنك إنك حاببني
وريني قلبك خليني أشوف جواه شايلني)2
3-(مش لاقي شيء جوايا ينفع كلي وجع
والجوع لأي حب صادق ومفيش شَبَع)2
(عايزك حقيقي محتاج حياة ينفع تجيلي
ينفع يا رب النور يهل من وسط ليلي)2

القرار- ( أنا طالب حضورك .. ولذة رضاك
تملاني بنورك .. بالقـــرب معــــــاك ) 2
1- أنا طالب أتغير .. لشخصك أتغير
وإن كان حبي صغير .. لمستك ترويه
قلبي هيستناك .. طلبه يكون معاك
حبك لا سواك .. هو اللي هيشفيه
2- قربك مجد تاني .. في عشرتك أغاني
حبك ليه معاني .. قلبي بيتهجاه
جلسة بين إيديك .. وسجودي لديك
نظرة من عينيك .. كل ما أتمناه
3- يا أبرع جمال .. ليك مجد وجلال
حبك فاق الخيال .. عنوانه الصليب
ما لم تري عين .. أو تسمع بيه آذان
أو يخطر ببال .. حبك يا حبيب
4- يا نهر سباحة .. بيت خمر وراحة
يا محول المناحة .. في قلبي بإيديك
لا للركـــبتين .. ولا للحقـــــوين
بل بقرب قلبك .. عبَّرني إليك

القرار - اللي صنعني هو - واللي جابلني هو - واللي حاميني هو بستر جناحيه واللي عاطيني قوة - كالصوان من جوه - حتي في وسط النوة قلبي واثق فيه 1- في وسط الاتون بتجيني وتسيج علي وفي وجه الريح بتعديني ماسك بايدي رب المجد بنفسه حاميني عمانوئيل راعي 2- من قوة لارتفاع دايما بتهديني وان يوم قلبي مال وباع ترجع وتنجيني وترد كل اللي ضاع وتشدد يميني 3- قلبي مصدق انك تقدر تآمر كن فيكون وبقوة اسمك انا اقدر اهدم كل حصون مين ربي عليك هيقدر وانت ملك الكون

القرار- ( دايب قلبي دايب .. في العشرة معاك
جاي لك ربي جايب .. طيبي وباترجاك ) 2
1- ( شايفك يا خلاصي .. بتملا بخمر كاسي
فكري واحساسي .. دايب أنا فيك
سامعك بتناديني .. فرفعت عيني
أنظرك تعطيني .. أسرار خائفيك ) 2
2- ( قلبي بيك مفتون .. بيك ربي مفتون
وبحبك مديون .. نفسي أرد الدين
علمتني هواك .. توعد واستناك
أنسى الكل معاك .. بس إحنا الإتنين ) 2
3- ( ها عمري قارورة .. طيب بيك مأسورة
قدمتها مكسورة .. عند قدميك
ليتك ترضي بيَّ .. بالروح تسكن فيَّ
وتملك عليَّ .. رائحتي تفوح بيك ) 2

1- داخلين قدامك بنصلي وانت الطلبات بنسبح اسمك ونعلي ليك أغنيات نحكي عنك فى وسطينا عن عملك الصالح فينا القرار - أنا قلبي مريض بحب يسوع .. ودوايا أكيد قربك يا يسوع 2- قلبي مفتون بجمال حبك ما بيشبع بيك مهما ببقي معاك وبقربك أشتاق تاني ليك ودوايا شمالك تعانقني ويمينك فوقي تحاوطني 3- في عيني قشور أكشفها لي أنا طلبي أراك في العمق معاك أنزعها لي أنا هاستناك وان طال الوقت لشفائي حبك مرضي وهو دوائي