فريق ترينتي (30 ترنيمة )

1- (فرحي لما يسوع في المذود مولود
فرحي لما مِشي وسط الناس وبيوت)2
(فرحي لما شفى الأوجاع شبَّع كل فقير وجياع)2
وأما خروفه المية ضاع راح وحماه م الموت
فرحي.. فرحي هو يسوع
2- (فرحي لما يسوع قدِّم نفسه بدالي
فرحي لما دفع تمني بدمه الغالي)2
(واتحمل دق المسمار كل إهانة وظلم وعار)2
حوِّل ليَّ العتمة نهار وبدل فرحي مكان أحزاني
فرحي.. فرحي هو يسوع
3- (فرحي لما يسوع قدِّم لي الملكوت
وأما إداني حياة أبدية أغلب بيها الموت)2
(ووعد إني أكون وياه ويا المنتصرين في سماه)2
فرحي ومجدي لما ألقاه رافع راية المجد عشاني
فرحي.. فرحي هو يسوع

القرار –(واحد إتنين تلاتة بعد تلات أيام
قام يسوع ملكنا وملى الأرض سلام)2
1- (واحد يوم الجمعة حزين أخدوا يسوع صلبوه
قفلوا عليه القبر بصخرة وبخاتم ختموه)2
وجنود كانوا بدرع وحربة وقفوا عليه وحرسوه
2- (وإتنين يوم السبت ارتاحوا بعد ما صلبوا يسوع
ناس بكاهم ألمه جراحه وافتكروا إنه يسوع)2
راح مش راجع لأ بيصارع كل جنود الموت
3- (وتلاتة يوم الحد والناس كانوا نيام
فجر عظيم شق العتمة وهجم كل ظلام)2
قام يسوع غلب الموت بعد تلات أيام

القرار – [(قصاقيص)7.. دي حكاوي جميلة كان حكاها لنا يسوع
يلا تعال وقوم ويانا هات أصحابك يحكوا معانا
قصاقيص نتعلم فيها إن إلهنا يسوع]2

1- يلا تعالى ننط النطة يلا تعالى رحلة عجيبة من غير شنطة يلا تعالى
يلا تعالى ننط النطة رحلة عجيبة من غير شنطة
نلعب ممكن نضحك ممكن ويا تالتنا يسوع
وفي قصقوصة يفتح أعمى ويشوف نور من بعد العتمة
وخروف تايه يرجع تاني لأصحابه الخرفان
2- وأما يونان في بطن الحوت وأما يونان والعشار في أجمل صوت والعشار
وأما يونان في بطن الحوت والعشار في أجمل صوت
لما ينادي ارحمني يا ربي ارحمني يا ملكي يسوع
أو دانيال في جب أسود أو خاطي في مرة يعود
يلقى أبوه فاتح أحضانه يلقى أبوه يسوع

القرار – (أنا قلبي فرحان فرحان لما يسوع قام ونصرني
قام واداني أقوم وياه وأغلب الشر عدوي)2
فرحان فرحان

1- (الشمس الشموسة تدور والقمراية تنَّور نور)2
وأنا قلبي فرحان مسرور لما يسوع قام ونصرني
2- (يا صحابي يا كل الأولاد اليوم ده عيد الأعياد)2
اليوم ده مليان أمجاد لما يسوع قام ونصرني

1-)بيفرحني صوت الغنم وأما بيمشي في شكل طابور
لما يشوف عكاز الراعي وأما بييجي ملاك النور)2
بيفرحني نور الشمس ويفرحني جمال اللبس
ويفرحني لما الكون يعمل حفلة لمجد يسوع
القرار –(لاه لاهلاه المجد لله)2
2- (بيفرحني لما النجم لما النجم ينور نور
لما يشوفوه مجوس ماشيين يمشوا وراه في شكل طابور)2
ويقدم له واحد مر ويقدم له التاني لبان
ويقدم له التالت دهب
حفلة عظيمة لمجد يسوع

القرار – (زي العشار ومش زي الفريسي
أنا قلبي اختار أكون زي العشار)2

1- (وقف العشار في الصف أخير خجلان يترجَّى وبقلب كسير)2
وصرخ بإيمان وبصوته ينادي
ارحمني يا ربي أنا العشار الخاطئ
2- (أما الفريسي وفي أول صف متكبِّر كان واقف يهتف)2
شكراً يا إلهي إني مش جاني
ولا زي التاني ولا زي العشار الخاطئ
3- (الله بمحبة سمع العشار وكتب له نصيبه ويا الأبرار)2
أما الفريسي راح صوته وضاع
مين يوضع نفسه زي العشار؟

[(وما دام اسم يسوع في حياتي
أنا دايماً فرحان
اسمي في اسم يسوع الغالي
أنا دايماً فرحان)2
فرحان بكنيستي و بإيماني
فرحان بالدم اللي فداني
فرحان بيك يا يسوع الغالي
أنا دايماً فرحان
أنا دايماً دايماً فرحان]2

1-كن مستعد (يجي يسوع زي اللصوص
وفي وقت مافهوش انتظار
لو مستعد قدم الكنوز قدم علامة كل بار)2
في ناس هاتخسر وناس تفوز ويكونوا ساعة الانتصار
القرار- كن مستعد
2-كن مستعد (في يوم عظيم يجي العريس
وينادي كل الموجودين
لو مستعد وقت المجيء هاتصير في عرس السهرانين)2
في ناس هاتخسر وناس تفوز ويدخلوا ويا العريس

(ماما عرفت منك حكاية يسوع
وأتعلمت زيك أحب يسوع)2
ترنيمتي وقيثارتي وصلاتي بخشوع
(كنتي يا ماما كنيستي وإنجيلي المسموع)2
(على إيدي اليمين رسمتي صليب
وفي قلبي حفرتي مزود للمسيح)2
صوت الحق منك عاش ينبض في قلبك
(صوت قوي بيطرد كل شر مني)2
(من عيني مسحتي دموعي وتعبي
لما يدق قلبي قلبك بيسمعني)2
وفي لحظة همومي بتشيليها أنتِ
(لما بسند راسي على صدرك يا أمي)2

(حوالين المزود بيدور بطة وفرخة وفوقيها عصفور)2
(البطة جه عليها الدور فرحانة ترنم ليسوع)2
(والبقراية نشيطة وشاطرة والمعزة بتنط النطة)2
وواحد جاي وشايل شنطة مليانة هدايا ليسوع
(وأنا قلبي فرحان وياهم هايسبح ويصلي معاهم)2
(راح أشبك إيدي في إيديهم وأقدم حبي ليسوع)2
(أنا وأصحابي والعصفور وندور وندور
أنا وأصحابي والعصفور حوالين المزود هاندور)2