فريق أعضاء الجسد الواحد (12 ترنيمة )

القرار- (هنهز عرش إبليس بالصلاة والترنيمات
وهانرفع التقديس ليسوع رب السموات)٢

١- (هانحاربه بالإيمان والآيات الكتابية
وندوس على الشهوات والوعود المغرية)٢
وطول ما الصليب فى إيدينا والرب ساكن فينا)٢)
الضعف البشري هايتبدل لقوة سماوية

٢- (الوعد وعد الرب بيه هانسحق الحيات
إبليس مالوش سلطان لا في ألم ولا في ضيقات)٢
إيمانا هايقهره ورجانا هايكسره)٢)
والدرع اسم الرب يسوع صاحب القوات

٣- (بالدم لينا سلطان والله سلامنا وقوتنا
بهتاف نهدم حصون وعليها نرفع رايتنا)٢
يرجع إبليس يحارب ويزوِّد في التجارب)٢)
بنعلن إنه أكيد مهزوم في الرب نصرتنا

١- (تأمر الرياح تطيعك عمرها ما تقدر تخالفك)٢
(من البداية دي صنع إيدك تُنتهَر بكلمة منك)٢

القرار- (ما أنت مالي الكون بروحك
مافي شيء متداري عنك)٢
كل أمر الكون في إيدك
(وأنت ليك الملك وحدك)٢

٢- (تأمر الأمواج بتهدي لما تسمع صوت نداك)٢
(ويرجع القارب يهدى ويبقى في دايرة حماك)٢

٣- (تأمر الموت ينتهي والحياة ترجع تعود)٢
(وعمر تاني يبتدي ليا ما بين كفيك وعود)٢