فرحك جوه القلب (11 ترنيمة )

1-ياللي ليك كل السلطان
في الأرض وفي البحر كمان
جايين لك بخشوع ساجدين
بمحبة وشكر وعرفان
بنقدم كلمات الحب
مش بشفاهنا لكن بالقلب
لو نقدر العمر بطوله
نهتف لاسمك أنت يا رب

القرار- (ده مافيش حد في حبك أبدًا
وأمانتك وصلاحك لينا
نعمة تكفي تقودنا دايمًا
مين زيك أنت يا فادينا)2

2-مين غيرك جانا وأنقذنا
من سلطان وقيود الشر
لما بذنوبنا أتقيدنا
أتعذبنا ودُقنا المُرّ
جيت أنت اتقيدت بدالنا
وأخدت مكان الأشرار
وقبلت إنك تاخد عارنا
علشان تطلقنا أحرار
3-مين غيرك قائد رحلتنا
ماشي معانا في كل مكان
بمسيرك نتميز احنا
ده معانا رب الأكوان
الناس بتئن وتتحيَّر
لكن احنا معاك مش خايفين
تفضل أمين مهما بنتغيَّر
أصلك أنت يا رب معين

1- (ياللي تعبت من الاحزان ارجع ليسوع الحنان
تعال إليه بكل إيمان تلقى عنده كل أمان)2

القرار- ده يسوع واقف مستنيك على باب قلبك واقف ليك
افتح قلبك يسكن فيك تفرح بيه ويفرح بيك

2- حتى إن كان الذنب كبير حتى إن كان قلبك شرير
أو إن كان الجُرم خطير تعالَ يسوع عنده التبرير
3- متأجلش لبكرة يا غالي بكرة في إيدك مش مضمون
تعال اليوم لرب الكون وهو يسدد كل ديون

1-(من فضلك ربي ارحمني طهرني من الخطية
من فضلك سامح جهلي حررني من العبودية)2
إن كان إبليس قيدني وخطايَ كتير شدتني
أنا واثق ربي في حبك تقبلني وتتوبني

القرار- [(أنا راجع)3 بالإيمان
(أنا راجع)2 قبل فوات الأوان]2
أنا راجع للحنان عشمان في الغفران
(أنا راجع بالإيمان)2

2-(شايف إيدك ممدودة لواحد زيي أثيم
مع إني كلي خطية وأنت رب عظيم)2
ياما ندهت لي بحُبك وماكنتش عايز أسمع
لكن من قلبي باقول لك الليلة أنا عايز أرجع

1- (ياللي مليت حياتي أفراح بعد ما كنت بعيد
خليت حُزني ماضي وراح وابتدت الأناشيد)2

القرار- (فرحك جوه القلب يا سيدي
هو سروري ومصدر عيدي)2
(ولا يتأثر باللي بيحصل أو إيه مهما إن كان)2

2- (وارتوى قلبي بغمر كلامك اللي يرد الروح
كلمة تداوي وكلمة تعزّي وكلمة تشيل النوح)2
3- (املأ حياتي بثمر الخدمة ناس تتعرَّف بيك
فأشارِك السما أفراحها بخاطي بيرجع ليك)2
4- (مستنيك يوم لما تجيني تكتمل الأفراح
يوم عُرس الخروف نتهلل ونشوف الجراح)2

1- (جايين نقول أغانينا لمسيحنا الرب فادينا)2
حبه جوه قلوبنا فتّح لينا عينينا

القرار- (يلا نسبح ربنا ونهتف له كلنا)2
(هو مالك عمرنا بنعظِّمه من قلبنا)2

2- (أصواتنا بتهتف ليه بنباركُه ونعلّيه)2
بنمجِّد شخصه الغالي وقلوبنا هاتفرح بيه

1-(بنحزن ونخاف ربما والشر يسود إنما
أفراحنا بطعم السما وثِمار الفرح هتطرح)2
(نفرح بالضال الراجع بدموع التوبة وراكع)2
مرمى في الحضن الواسع والسما بالتايب نفرح

القرار- وهانفرح برضو هنفرح ونرنم لك ونسبح
ومعاك يا حبيبنا هنفرح ونرم لك ونسبح
وبرغم الغيمة السودا (ده مسير الصبح يصبّح)2

2- (لما الأتعاب توجعنا نطلب وأنت بتسمعنا
بالروح تيجي تجمّعنا وقصدك هيتم وينجح)2
(بصلاة ومعاها أصوامنا ورجاء حي مصبرنا)2
في البرية تسيرنا وفي البحر طريق راح تفتح
3- (مع دمعة بتملا عينيا أفراح الروح تسبينا
لو حتى الكل علينا وكلاب الشر بتنبح)2
(وصياك بتفرَّح شعبك وأهو جاي بخضوع يسمع لك)2
مهما بعصيان كان تاعبك بطاعته بترتاح وبتفرح
4- (في كتير أفراح وهمية خدعة وزيف مية المية
يا شباب خدوا بالكم دية نعمة وفي الآخر تجرح)2
(يا تعيش ولا يوم هتنولها يا تموت برضو هتخسرها)2
احذر ياللي مكبرها دي جهنم أسوأ مطرح

1- (يا حنانك يا محبة قلبك مالي حياتي بالإحسان
في طريقي أنا شايف شخصك ماشي معايا في كل مكان)2
(الموجة العالية تهديها وظروفي الصعبة تعديها)2
(ترفع من قلبي الأحزان)2
2- (يا صلاحك ياما انت أمين رغم آثامي وشري وعاري
ألقاك ربي ليَّ معين كل خطية في قلبي تداري)2
(ودماك تسترني تغطيني جواك ربي بتخبيني)2
(تضمن لحياتي الغفران)2

القرار- (وعرفنا معاك معنى الفرحة ونسيتنا أيامنا الجارحة
لما قبلتنا بعد ضلالنا ومليت قلوبنا بالبهجة)2

1- (فرحتنا إنك في حياتنا بالرغم من كل آلامنا
والأفراح بتزيد قوتنا ونتغلِّب على كل أحزاننا)2
2- (فرّحنا بنفوس راجعة لك زي الخصي وزكا ما جالك
ارسل أفراحك وكلامك فيهلّل شعبك لجلالك)2
3- (جددت من تاني رجاءنا اننا راجعين تاني لوطننا
وهناك هاتدوم لينا أفراحنا لما في سماك هاتسكِننا)2

القرار- (انهضنا يا رب واحيينا واتمجد أنت في وسطينا
أشتقنا لعملك تاني فينا تبرئنا وتبرئ أراضينا)2

1-(أنكرنا وجودك في حياتنا وأهانّا مجدك بسلوكنا)2
(عايزين نشهد لك بقلوبنا وأعمالنا تسبق كلماتنا)2
2-(قاصد بالضيق من حوالينا علشان نمنا أسترخينا)2
(جايين نصرخ لك: ارحمنا واشفق واتحنن علينا)2
3-(حولنا عينينا وأنظارنّا عنك واخترنا لأنفسنا)2
(جايين لك نحوك أعيننا أعبر إلينا وأعننا)2
4- (بنتوب لك عن كل شرورنا إليك يا رب أخطأنا)2
(تعود يا إلهنا وترحمنا وتدوس على كل آثامنا)2

القرار- (حبيتني وأنا ماتحبش وقبلت إنك تلقاني
وأتغير حالي وقلبي وبقيت سكني وعنواني)2

1-(بالنعمة أنا متخلص بمحبة كبيرة قوية)2
(ولشخصك أنا متخصص تعمل ما بدالك بيَّ)2
2-(في العالم كنت أنا عايش متاخد في الدوامة)2
(وأما أحب إني أصرخ إبليس حاطط كمامة)2
3- (قُلت لك ابعد عني وطريقك مش عايز أمشيه)2
(لقيتك جيت وناديتي وصليبك ضماني فيه)2
4- (بعد ما غيرت لي قلبي هاشهد لك إنك ربي)2
(قلبك طيب وبيساع مهما إن كان كبير ذنبي)2

1-(باصدق وعودك إلهي البار
هاتكون معايا في أتون النار)2
وفي المرض تحفظني وتنجي في الأخطار
يملا سلامك قلبي ويحفظ الأفكار

القرار – (هللويا أنا في حِماك مش خايف وأنا وياك)2
وأنا وياك

2-( باصدق وعودك انت الأمين
إنك ضماني طول السنين)2
مهما الظروف تتغير ويملاني الأنين
دايماً بتثبت إنك إله قدير ومعين
3-(باصدق وعودك ربي الحبيب
إنك هاتيجي ولابد قريب)2
ياريت أعيشلك دايماً هنا نزيل وغريب
عشان أتمم سعيي عشانك أبقى سكيب