فرحان (8 ترنيمة )

القرار- كل حد الصبح بدري باصحى وع الكنيسة أجري
وبابا يسوع مالي لي فكري أصلي رايح القداس
1- أوصل الكنيسة وأدخل أرشم الصليب وأسجد
لازم وأنا جوه أسكت أصلي واقف في القداس
2- أقف جوه مغمض عيني وأشكر ربنا اللي حاميني
لأن ما فيش حاجة تأذيني طول ما أنا باحضر القداس
3- التناول مستنيه ربنا وصاني بيه
علشان روحه يحل فيه ودي فايدة القداس
4- أروح لأبونا لفافتي في إيدي أتناول جسد ودم سيدي
وأخرج وأنا جوايا حبيبي بابا يسوع غداني خلاص

1- أفتح كتابي المقدس وأسمع لكلام ربنا
ألقى آياته فيها عجايب بتفرحنا كلنا
باعرف منه الأنبياء اللي كانوا زمان عايشين
زي موسى وإيليا وداود وإرميا
القرار- كتابي المقدس كتابي المقدس
باسمع منه صوت الله
2- ولو كنت حزين محتار مافيش غيرك يرشدني
أفتح إنجيلي وأصلي ووصاياك تساعدني
باعرف منه الرب يسوع وإزاي كانت حياته
لا يصيح ولا يغضب وماحدش يسمع صوته
3- يا ربي خليني دايماً أرجعلك في كل يوم
قد إيه إنت تسامحني حبك ده جوايا يدوم
باعرف منه حنان الله وصبره على الخطاة
زي زكا والسامرية والعشار والابن الضال

القرار- من صغري وكنيستي علمتني إني أصوم
علشان حبي لربي يكبر فيَّ كل يوم
1- الأول صوم الميلاد استنى ميلاده في قلبي
اللي يكون مزود صغير يقدر يبات فيه ربي
2- والتاني صيام يونان اللي صام تلات أيام
لما كان في بطن الحوت وإلهي أنقذه من الموت
3- يجي بعده الصوم الكبير صوم ال 55 يوم
أشوف إلهي على الصليب ومعاه في نهايته أقوم
4- وصيام الرسل كمان فيه باصوم دايماً علشان
أعرف إزاي آبائي وصلوا لنا الغيمان
5- والعدرا مريم أم الله صعد جسدها للسماء
علشان كده إحنا بنصوم قبلها 15 يوم
6- والأربع أنا بارفع صوتي مش عاوز أبقى الإسخريوطي
اللي عشان حبة فضة باع إلهه بأكبر غلطة
7- والجمعة يسوع اللي فداني طلع على الصليب مكاني
وبدمه الغالي الثمين شال الخطية واشتراني

1- أنا في الصبح بدري باصبح على ربي
أقول له بارك يومي دايماً خليك جنبي
القرار- صلاتي ليك توصلني ليك
أعيش ليك وأفرح بيك
2- قبل ما أكل أقول لك قبل إيدينا يا رب إيديك
بارك وقسم وإدينا وبروحك اثبت فينا
3- قبل ما أنام أصلي أطلب سلام في الليل
وأشكر على يوم طويل ببركتك كان جميل

هاحكي لكم حكاية إنما دي حكاية تحير
واحد كان شرير زمان لكن دلوقتي اتغير
كانت حياته كره وشر ماعرفش ولا مرة يحب
ماشي بمزاجه وكيفه إيده ما تفارق سيفه
ماكانش يحب أولاد الله لكن بابا يسوع خلاه
الخاطي شاول معقول يبقى بولس الرسول
أنا كنت في مرة ماشي زمان باجري وراكب على الحصان
فجأة سمعت أنا بوداني صوته الحلو أما ناداني
يسوع قال لي يا شاول بتضطهدني ليه
قلت له يا رب أنا آسف عاوزني أعمل إيه
قال لي حب وإنت تشوف إن القوة مش بسيوف
سامح حب هاتتعلم وباسمي راح تتكلم
المحبة بتتأنى المحبة مابتحسدش
المحبة بتستنا المحبة ماتكدبش
المحبة فيها رجاء المحبة لا تحتد
المحبة لا تحسد ولا أبداً بتزعل حد
المحبة لا تسقط مهما كانت الظروف
المحبة بتفرّح وبتطرد لبره الخوف
يلا كلنا نحاول نتغير زي شاول
نبدأ في عهد جديد حب أقوى من الحديد
ونبص على ربنا لما في مرة قال لينا
نحب من قلبنا تبقى السما ملكنا

أنا آسف آسف آسف لازم كل ما أغلط أقول آسف
أصل أنا ابنك يا ربي وبحبك من قلبي
علمني كل ما أغلط أقول آسف آسف

1- نفسي يا رب أتعلم أسبح وأرنم وأهلل وأتكلم لغة السمائيين
لغة بتنشدها الطيور وترددها مع كل الخليقة من صنعة يديك
لغة يقولها قلبي وتحسها روحي مش بس بشفايفي لغة السمائيين
سبحوا الله في جميع قديسيه الليلويا
سبحوه في جلد قوته الليلويا
سبحوه على مقدرته الليلويا
سبحوه ككثرة عظمته الليلويا
سبحوه بصوت البوق الليلويا
2- نفسي أكون قيثارة تعزف لك بحرارة تهتف مع داود مزمور حمد ليك
وتسبح معانا الشمس والسما والجبال والمية تنطق بالتمجيد
كل نسمة فينا بتسبح فادينا كل مجد لشخصك رب السمائيين
سبحوه بمزمار وقيثارة الليلويا
سبحوه بدفوف وصفوف الليلويا
سبحوه بأوتار وأرغن الليلويا
سبحوه بصنوج حسنة الصوت الليلويا
سبحوه بصنوج التهليل الليلويا
3- يا كل الشعوب يا كل الخليقة يا كل الأرواح مجدوا يسوع
بقلوب نقية محبة حقيقية أعطوا صورة حية لجمال يسوع
علشان يشوفها الكل ويعرفها وينشد معانا لحن السمائيين
كل نسمة فلتسبح اسم الرب إلهنا الليلويا
ذوكسابتري كي إييو كي آجيو إبنفماتي الليلويا
كي نين كي آ إي كي إيستوس إي أو ناس تون إي أوتون آمين الليلويا
ذوكساسي أو ثيؤس إيمون الليلويا
بي أو أووفا بين نوتي بي الليلويا
4- يا يسوع إديني البركة وقويني ارفع قلبي وفكري فوق للسمائيين
هاسبح بالروح مع كل الصفوف ملايكة وقديسين شهدا ومعترفين
وهاتكون حياتي تسبحة حقيقية تمجد فاديَّ رب السمائيين

1- وأنا جوه كنيستنا الجميلة لقيت قدامي مقصورة كبيرة
حواليها كانوا واقفين ناس كتير لكن ساكنين
بيصلوا وهم خاشعين يطلبوا شفاعة القديسين
في المقصورة موجودين وكمان في كنيسة المنتصرين
القرار- أنا ليَّ أصحاب في السما بيصلوا عشاني لربنا
2- شهداء مضحيين للعذابات مستحملين
وفي السما موجودين مسبحين ومهللين
ورهبان وقديسين على الخطية منتصرين
في جهادهم ثابتين في حب إلهنا الأمين
3- في الكنيسة موجودين ولسيرتهم نكون فاكرين
وبإيمانهم إحنا عايشين للسما نكون عايزين
شافهم يوحنا الأمين هدومهم البيضة لابسين
بدم يسوع مفديين في السما الحلوة مبسوطين