رجعني تاني للطريق (8 ترنيمة )

القرار- (تارك العالم كله ورايا وكل خطية من جوايا)2
كل خطية سكنت فيَّ وأخلِت مكانك من جوايا

1- (نسيتك أيام لا تُحصى ودورت على تعبي
بدلت الإيد اللي تعزي بالشر اللي أحزنّي)2
(وباعترف إني تعبت في بُعدك
وأتمنيت أرجع لو أكون عبدك)2
و رجعت لقيتك مستنيني
بدموعي بكيت وقُلت لك:
2- (تركت مصدر حياتي و حفرت آبار للموت
أصبحت عبْد لشَهَواتي اللي أنا بيها باموتْ)2
(مشيت ورا عالم كله ما ينفع
لكن صوتك بالنعمة قال لي ارجَع)2
و رجعت لقيتك مستنيني
بدموعي بكيت وقُلت لك:
3- (رجعت لنفسي وقُلت أنا هاقول لك أخطأت
سامحني يارب وارحمني على كل خطية عملت)2
(نويت برجوع وجاي هنا وباقول لك
عايز أعيش كل أيامي بقربك)2
ياللي فرحت وجيت تناديني
بدموعي بكيت وقُلت لك:

القرار – (كلمة يقولها لك قلبي قبل ما أقولها بلساني
حبيبي يا يسوع
لأنك انت حبيتني حب بكل المعاني
حبيبي يا يسوع)2

1- (حسيت بحُبك ليَّ حتى وأنا في الخطية)2
(كنت خايف عليَّ حبيبي يا يسوع)2
2- (انت اللي رضيت تقبلني بعد العالم ما كرهني)2
(يوم ما طردني استنيتْني حبيبي يا يسوع)2
3- (انت اتحننت عليَّ وأنا عايش في العبودية)2
(ولقيتك فرحان بيَّ حبيبي يا يسوع)2
4- (وشربت الكاس مكاني حملت عاري وأحزاني)2
(ورضيت تموت عشاني حبيبي يا يسوع)2

1- (راجعلك تاني ومش قادر أقول لك
غير إني خاطي ارجوك ارحمني
أيوة أستهنت بآلامك وصلبك
وعملت الشرور اللي نزعتها مني)2

القرار - ياللي قولت اعزل شر أعمالك من قدام عيني
جايلك يا يسوع باعترف ارجوك نقيني ورجعني تاني
(رجعني تاني للطريق أحمل من تاني الصليب)2
وأطرح كل زيغان في حياتي وأعيشلك

2-(بردت محبتي وبعدت وسيبتك
رجعت أحزاني من تاني تجيني
وأفتكرت خروجي وتركي لفرحك
وأشتقت لأفراحك لما شُفت أنيني)2
3-(مالي حاسس إني خلاص نسيتك
ونسيت إنك أسترأفت بحالتي
ده انت لقيتني مش أنا اللي لقيتك
بعد ما كنت شايف للموت نفسي)2
4- (ادِّيني محبة أرجع وأختارك
وأرجع أقول ما أحلى ديارك
اشفيني خدني أحيا تاني بسلامك
خليني أترك اللي حبيتة بدالك)2

القرار – (وحدك يا يسوع انت أعظم رجاء
لأنك الطريق والحق والحياة)2

1- (مراحمك كل يوم جديدة وأنا وياك عايش في أمان
خليت كل أيامي سعيدة ورويت القلب العطشان)2
مين غيرك شافني أتحنن فرَّحني بعد الأحزان؟
2- (كل خطايا يارب غافرها و طارحها في بحر النسيان
وحياتي صليبك ضمنها وأنا ماشي معاك كلي أمان)2
لما بموتك شِلت ذنوبي وشفيت كل جروحي كمان
3- (كل حياتي انت مدبرها طول ما أنا ليك عايش شبعان
قبل ما أخطي الخطوة تقودها ترشدني وبكل حنان)2
لو ضليت انت ترجّعني وتقوِّيني على الشيطان
4- (كل ضيقاتي انت مهوِّنها وانت السيد كل زمان
وصلاتي يا إلهي سامعها عمري معاك ما أكون تعبان)2
حاسس انت بكل حياتي لأنك جيت وبقيت إنسان

القرار – (وفي لحظة هانبقى على السحاب
والفاسد يلبس عدم فساد)2
نتجمع ونعيش في بيت الآب
(ونترك هنا أرض الأتعاب)2

1-(عند سماع البوق الاخير
بوق الله الحي القدير)2
اللي بدمه نُلنا التبرير
وغلبنا إبليس الشرير
هانعيش دايماً على طول معاة
اللي فدانا واحنا خطاة
(واللي بحُب بنستناه
على السحاب احنا هانلقاه)2
على السحاب احنا هانلقاه
2-(يسوع هاينزل من السماء
واحنا هانُخطف ونبقى معاه)2
ونقابل الرب في الهواء
بموكب مجد يا محلاه
اللي في بيته هايهنينا
واللي هايمسح دمع عينينا
(واللي بروحه عايش فينا
أحلى مكان أعده لينا)2
أحلى مكان أعده لينا
3- (ويوم ما نشوف المدينة الجديدة
نازلة من السماء مقدسة ومجيدة)2
كعروس مزينة نفرح بيها
مسكن الله مع الناس فيها
هانكون شعبه وهو إلهنا
نوره وعرشه يكون في وسطنا
(مفتوحة دايماً لينا أبوابها
ويسوع بنفسه ها يكون سراجها)2
ويسوع بنفسه ها يكون سراجها
4-(طوبى للي يصنع وصاياه
يعطيه سلطان على شجرة الحياة)2
بابه مفتوح لكل الخطاة
وحده يسوع مُعطي الحياة)2
قرَّب منه تعيش في أمان
هايكون سلامك كل زمان
(يدِّيك قوة على الشيطان
وحده يسوع يدّيك سلطان)2
وحده يسوع يدّيك سلطان

1- (يا روح الله املُك عليَّ واملاني
يا روح الله سُد على فكري ووجداني)2
(يا روح الله ألهب قلبي وكياني)2
(يا روح الله أمسح إيدي ولساني)2
2- (يا روح الله قدِّس نظري وأوقاتي
يا روح الله حدد انت علاقاتي)2
(يا روح الله احيي عظامي وصلاتي)2
(يا روح الله أظهر ثمرك في حياتي)2
3- (يا روح الله جدد ذهني وأحلامي
يا روح الله قُدني في كل أيامي)2
(يا روح الله اعن ضعف إيماني)2
(يا روح الله أعلن حقك في كلامي)2
4- (يا روح الله زِد حبي للي فداني
يا روح الله جهزني لمجيئه التانِي)2
(يا روح الله فرحني في كل أحزاني)2
(يا روح الله مستنِيك تيجي بأغاني)2
5- (يا روح الله خليني اصبر في ضيقاتي
يا روح الله أشهد عنك في حياتي)2
(يا روح الله خليني ثابت في إيماني)2
(يا روح الله نوَّر انت كل أيامي)2
6- يا روح الله قوِّيني بصليب الفادي
يا روح الله احميني من عالم فاني)2
(يا روح الله يا ضامن دايماً سلامي)2
(يا روح الله تعالَ اسكن في دياري)2

القرار - يامن لا تحجب وجهك عن طالبيك
وكل اللي عايزه مني إني أأمن بيك
إنك تقدر تفعل وبأمرك راح يكون
سيدي سيدي سيدي الحنون

1-راكع قدامك طالب سلامك
عارف حنانك إنه مالوش مثيل
اسمعني صوتك خليني أشوفك
وأسكن حصونك وإيماني يكون دليل
ده أنا ياما هربت منك وأتكلت على نفسي
وحسبت بكره ده ملكي وإني ملك نفسي
وما عملتلكش حسابعِشت الأيام في عذاب
وأنا جاي لك غيَّرني
2-علمني أحبك وأشبع بحُبك
وأكون في قُربك دايماً في طاعة ليك
خليني أكون لك اشبعني منك
أعيش في حضنك وحمايتي تكون فيك
انت تكون إهتمامي وأوهب أنا ليك عمري
املك على كل أيامي وبحقك حررني
ده العالم كله خداع ولكل أحبابه باع
وأنا جايلك غيرني
3-بالروح قوِّيني انزع آنيني
جايلك احميني من كل كبرياء
انت اشفيني وارفع جبيني
وكن مُعيني وانت تبقى الرجاء
علمني أحب غيري زي انت ماحبيتني
ياللي سددت ديني تعالَ واملكني
خليني أعيش مسئول وبكلامك أقول
وأنا جايلك طمني

1- (ما تقولش الوقت عدى والحال بقاله سنين
دي إيدين يسوع بتشفي كل يائس حزين)2
ما هو اللي بيشوفك ويتحنن عليك
الناس يشوفوك يعدوا وهو ينده عليك
ثق فيه وقوم هو بيناديك

قرار –يسوع موجود لشفائك قوم بسرعة انده عليه
(ده مهما كان سيء حالك إيدين يسوع تداويه)2

2- (ماتقولش ظروفي قاسية والكل تركني وحيد
ده إلهك شايف حالتك وصانع لك أمر جديد)2
ماهو اللي عشانك أتنازل عن سماه
علشان يقول قربله منه هو الحياة
ثِق فيه وقوم هو بيناديك
3- (ما تقولش الدنيا ضلمة ومش شايف غير أنين
ده إلهك عندة سعادتك ومنتظرك من سنين)2
اللي ظهر جوه النار وعمره ما ترك ولاده
حتى الدم اللي سال محفوظ عنده في سمائه
ثِق فيه وقوم أتمتع بلقائه
4- (ما تقولش ماليش رجاء وإلهي خلاص نسيني
اللي معاك في كل لحظة بيقول حافظك يميني)2
ده بروحه قريب منك وأقرب منك إليك
وبينزع همومك عنك وبيمسح دمع عينيك
ثِق فيه وقوم هو بيناديك