مخلص حياتي (8 ترنيمة )

القرار- اتمنيت الوقت قدامك يطول وحياتي معاك تكون في السماء
اتمنيت النفس الشبعانة تقول قد إيه قدامك غِنى!
ياللي بتشفَى النفس أمامك من كل الأحزان
ياللي معاك أنا بافرح وأشبع عمري ما أكون عطشان

1-اتمنيت أسكن عندك كل أوقاتي وكل ساعات الدنيا ما تكفيني أكون وياك
وأسجد ليك أنا كل أوقاتي وأترك كل الدنيا وأبقى معاك هايم في سماك
أسكن حضنك وأحتمي فيك أسكن حصنك جوة إيديك
اتمنيت
2-اتمنيت أعبد ربي وملكي وسيدي اللي دعاني لمجده وفي الأبدية أكون وياه
واللي بغِنى نعمته أغناني وقوى إيماني بنوره وبالروح برهان الله
أعلن قوة دم الصليب قوة ربي يسوع الحبيب
اتمنيت
3-اتمنيت إنّي أكون خادم لإلهي أشهد بيه للعالم وأعلن حبه للحكماء
إني أكون خادم لإلهي ويحفظني من العالم وأترك كل حياتي معاه
أشكر ربي في كل حين أنادي بربي يسوع الأمين
اتمنيت

1-(تعالى واجعل كلمة في قلبي ليك
أعلن مُلك جلالك تسبيحي يكون إليك)2
اصنع فيَّ أمر سماوي وقدسني بحقك يا مليك

القرار- تعالى تعالى تعالى يا يسوع

2-(تعالى وخلّي نورك يسكن فيَّ
اخرِج من الحبس نفسي أتوب عن الخطية)2
أهتف وأقوى على أعدائي بالكلمة الصادقة القوية
3-(تعالى وانزع كل نفاق جوايا
ياما أتعبتك بيَّ و استخدمتك في خطايايا)2
اجعل فيَّ طريق إليك خلّي كلام الصدق نِدايا
4-(تعالى وامحي كل ذنوب و أأسِرني
اروي قلبي العطشان بسيول النعمة اغمرني)2
ياما كنت عاصي عليك والعالم حرمني منك

القرار- (طلبي الوحيد إنّي أقرب منك
أعبر وادي بُكايا واعيش دايماً في قربك)2
(أذهب من قوة لقوة وأعز بالرب اللي قوَّى)2
وأعز بالرب اللي قوى

1- (كل حياتي باقدِم ليك كل مُنايا إني أرضيك
طول العمر سجودي في بيتك ليك انت وحدك يا مليك)2
وغالب إبليس غالب إبليس وانت طلبي الوحيد
2- (باسم الرب أعلن إيماني لاسم يسوع أسجد من قلبي
هو طريقي وهو حَياتي هو الرب و بيطمني)2
وغالب إبليس غالب إبليس وانت طلبي الوحيد
3- (ولا يوم أطرح ثقتي بعيد طول العمر أثق في إلهي
اللي إدّاني قلب جديد وبَدَل شري خيره جَزاني)2
وأنا مِلك يسوع أنا مِلك يسوع هو طلبي الوحيد

القرار- (لا يطول بعد شيءٌ من كلامي)2
الكلمة التي تكلمت بها تكون يقول السيد الرب

1-(يا من تستحي نفسك وتُميت نفوسٍ لا ينبغي أن تموت)2
(من ينقذك هل الفم الكاذب أمام حق الإله
من ينصفك هل يد الظلم أمام عدل الإله)2
يا من شددت أيدي الشرير حتى لا يرجع عن طريقه
2-(يا من بعنفٍ تتسلط وتُسير قطيعي مأكلاً للجميع)2
أضللت غنمي في كل الجبال ولم تكن راعياً
فها أنا ذا أطلبها من يدك ومن يدك أنقذها
يا من شددت أيدي الشرير حتى لا يرجع عن طريقه
3-(يا من أحزنت المكسورين ولم تقوِّي المريض والمجروح لم تعصبه)2
حيٌ يقول السيد الرب أنا أرعى غنمي
أطلب الضال وأسترد المطرود وأرعاها بعدلي
يا من شددت أيدي الشرير حتى لا يرجع عن طريقه

1-(نفسي يكون مغروس إيماني في عمق صخرة
نفسي يكون كل كياني من حُبك يِروَى)2
(تبقى انت مصدر حياتي تبقى انت كل طِلباتي)2
يا يسوع

القرار- (نفسي أحبك بقلب طفل يحب أبوه
تبقى انت ليه دايماً كل اللي حبوه)2

2-(نفسي يكون عمري وحياتي لمجدك انت
وبكل تواضع أترك مالي واختارك انت)2
(تبقى انت رئيس حياتي وأوهب ليك عمري اللي باقي)2
يا يسوع
3-(نفسي تكون سراج حياتي اللي أسلك بيه
وكلامك يبقى لي طعامي اللي أعيش عليه)2
(أوهب ليك كل طاقاتي أعيش في مخافتك كل أوقاتي)2
يا يسوع
4-(نفسي يكون ليَّ ثِمار أساسها انت
أثبت فيك ولا أنهار حمايتي انت)2
(وأعيش ليك ربي وإلهي أحتمي فيك كل حياتي)2
يا يسوع

القرار- هافرّح قلبك وهاعيش لك على قلبي هارفع رايتك
من قلبي هارنم وأهتف لك غرضي إني أشبع قلبك)2

1-(أنا واثق فيك إنك تسندني وتحميني من أي شرور
أنا واثق فيك وفي روحك اللي يقويني في طريق النور)2
عمري وحياتي ورغباتي انت يا يسوع
أيامي ونفسي وأوقاتي (ملكك يا يسوع)2
2-(أنا عايش ليك انت ربي وكل ما ليَّ باتقدِّس بيك
أنا عايش ليك لا رجوع تاني للخطية وتُكالي عليك)2
أكرس نفسي أعبد ربي ومليكي يسوع
لخدمة ربي نقي قلبي (أعيش لك يا يسوع)2
3-(أنا ملك ليك وقت الحرب انت سلاحي وضمان النصرة
أنا ملك ليك وقت الضعف انت كمالي بتدّيني القوة)2
عايش في مشيئتك وبحبك انت يا يسوع
بابغض الشر وباشهد لك (قدوس يا يسوع)2
4-(أنا ساجد ليك باتواضع دايماً قدامك روحك يملكني
أنا ساجد ليك خاضع لأمانتك وكلامك انت اللي تعينّي)2
(بارتوي من ينابيع حُبك وحدك يا يسوع
بصلاتي قريب من قلبك باحبك يا يسوع)2
باحبك يا يسوع

1-(وعدك ليَّ ده وعد أكيد إنك ترحمني وتقبلني
وإني أكون إنسان جديد بصليبك وبموتك عنّي)2

القرار- (ما أصل دمك عليَّ بإيديك عايش يا فاديَّ)2
(وأبقى إناء مقدس ليك)2

2-(وعدك ليَّ بقوة ونور وبروحك تقود خطواتي
انزع مني كل شرور وتكرّس ليك انت حياتي)2

3-(وعدك ليَّ أعيش في مكاني والأرض اللي تملكني
ولا مهما تعبوني أعدائي انت للأرض تجهزني)2

4-(وعدك ليَّ أدوس على الماضي أخرج من بيت العبودية
وأعيش ليك انت يا إلهي وأتغيَّر بحُبك ليَّ)2

5-(وعدك ليَّ يكون لي آلامك اللي بيها أفراح أبدية
وأثبت تحت إيديك وأمامك أتشكل وأكون لفاديَّ)2

القرار –(أنا باقبلك مخلص لحياتي وفادي عظيم ليَّ
لأنك انت الطريق لحياتي وغافر كل خطية)2

1-(وحدك صالحتني مع الله أبيك
بذبيحتك انت على الصليب
حملت كل اثامي عليك
عرفتني بالله بيك)2
أنا باقبلك مخلص لحياتي
2-(انت اللي جيت شُفتني تعبان
دعيتني أعيش أفضل حياة
حررتني من سجن الشيطان
وفتحت لي باب السماء)2
أنا باقبلك مخلص لحياتي
3- (ياما عشت في تديُّنواخدني
ومالي علاقة حيّة بيك
الوقت نورك بيمتعني
وكل حياتي عايشها ليك)2
أنا باقبلك مخلص لحياتي
4- (قولت لي المسيحية أعظم
حياة إعلان محبة لكل الناس
إعلان رحمة من الله
ويسوع هو طريق الخلاص)2
أنا باقبلك مخلص لحياتي