جميع الأجيال تطوبك (6 ترنيمة )

١- (شعبي يا رب بينادي .. تعالَ بنهضة في بلادي
تملأ الصحراء والوادي .. ونشوفك أنت يا قدوس)٢

القرار- (يا قدوس يا قدوس .. يا قدوس يا إله الكون)٢

٢- (بالإيمان أنا شايفك .. أكيد سهران على وعدك
هَاتيجي وتفتقد شعبك .. بلمسة ايدك يا قدوس)٢
٣- (هَاتيجي و مش هتتأخر .. و بصلواتنا هَانسهر
وبالخير السما تمطر .. بكلمة منك يا قدوس)٢

القرار- (ملكة علينا وغالية يا أمي .. وسط الضيق بتقودي خُطانا
ماسكة إيدينا يا عدرا تملي .. تشفعي فينا تكوني معانا)2

1- (لما تحوَّط بينا آثام لما العالم يوم ينسانا
لما تزيد في قلوبنا آلام نلقى يا أمي إيدين ترعانا)2
لما الحزن علينا يزيد لما نلاقي الدنيا ظلام
نورك يمحي الحزن أكيد تيجي وتملي قلوبنا سلام
2- (حبك لينا ده رغم شرورنا بس بتبقي يا أمي حزينة
ونلاقي دموعك تندهنا نرجع تاني لحضن فادينا)2
وأنتِ عشان الملكة يا مريم هانرنم لك ليل ونهار
ده احنا ولادك وأنتِ يا عدرا أم وابنك أبونا البار

القرار- (كان نفسي عينيا تشوفك أو أشوف بس نورك
وأعيش لحظة في ظهورك طوباكِ يا عدرا مريم)2

1- يا بخت اللي شافوكِ و بقلوبهم نادوكِ
و إيديهم شاورت عليكِ طوباكِ يا عدرا مريم
(كان نفسي أبقى منهم و أنده بصوتي عليكِ
و تمدّي إيدك يا أمي وتشيلي كل الهموم)2
2- كان فيهم المريض كان فيهم الحزين
لكن لما شافوكِ زالت كل الآلام
(كان نفسي أبقي منهم و أنده بصوتي عليكِ
تيجي بحنانك يا أمي تملي قلبي سلام)2

1- يا حمامة نوح ياللي شايلة غصن الزيتون رمز السلام
أنتِ رمز العذراء مريم حقيقي مش بس كلام
هي برضه حمامة حسنة هي شالت ملك السلام

قرار- يا حمامة نوح
ياللي شايلة غصن الزيتون

2- سلم يعقوب اللي كان م الأرض للسماء طريق
وملايكة طالعة ونازلة بتسبح الرب تصلي
برضه العذراء شالت الفادي اللي كان لآثامنا رافع

1- (بظهورك يظهر صبح جميل وتدوب العتمة جوايا
يتهز القلب كانه طيروأطيرأطير وأنتِ سمايا)2
(وتميل الشمس في كل غروب وأنتِ شمسك مالها نهايا
ويطوب اسمك كل الكون ويكون العالم في ندائه)2
القرار- [(طوباكِ يا عدرا يا أمي)2
على صدرك يرتاح قلبي وبحبك أبقى كإني
نور الشمس وألاقى اليأس وقت نداكِ يهون]2
2- (من حبك أعرف إن الخيروالحب حقيقة بتملاني
وأحب الناس والسماء والكون وأحس يسوع جوه كياني)2
(وألاقي همومي ويأسي وضيقي وأيديكِ بتمسح أحزاني
ويطوب اسمك كل الكون ويكون العالم في ندائه)2

(يا مريم البكر فقت الشمس والقمر
وكل نجم بأفلاك السماء سَرى)2
(سلامنا إليكِ يا أم المعونة
يا طاهرة يا سور الخلاص يا حنونة)2
تملي بيحلى لنا نمدح فضايلك
ونلجأ إليك عشان تنجدينا
مجد مريم يتعظم في المشارق والغروب
كرموها عظموها ملكوها في القلوب
قد تلألأت وتعالت ما لنورها غروب
وهي قالت حين نالت فلتطوبني الشعوب
(مين في البشر قلبه أحنى علينا
عواطفه معانا في جميع خطوينا)2
بيفرح حقيقي إذا فرحنا إحنا
ويحزن إذا الحزن جه نواحينا
(سلامنا إليكِ يا أم المعونة
يا طاهرة يا سور الخلاص يا حنونة)2
تملي بيحلى لنا نمدح فضايلك
ونلجأ إليكِ عشان تنجدينا