مش هاعيش مكسور (13 ترنيمة )

خدت القرار إني أعيش معاك وعمري يبقى ليك
وكل يوم هاعيش عشان أرضيك
وياما قلت لو وقعت لازم أقوم من جديد
ومن النهارده مش هارجع أبقى بعيد
لكن ياما وقعت وياما رجعت وفشلت في التغيير
وسجنت نفسي بعيد عن رحمتك
كنت باخذل نفسي وباكسر قلبك من جديد
أنا ماستاهلش يا ربي محبتك

وإزاي أعيش مكسور وإنت رافع راسي؟
إزاي أعيش مهزوم وإنت غلبت العالم؟
إزاي أعيش ضعيف وإنت قوة؟
ده وأنا لسه خاطي اخترت تموت عشان أعيش

إزاي أعيش مكسور ليَّ رجاء
ليَّ فرصة جديدة في حبك كل يوم
بابك مفتوح دايماً عندك ليَّ قبول
وإزاي أعيش مش كابن وأعيش في خوف
زي العبيد إزاي أدين نفسي وأنت غفرت لي
وأنا مهما وقعت ومهما رجعت مصمم ع التغيير
مش هاحرم نفسي تاني من رحمتك
هابص لنفسي بعينك وأقبل حبك من جديد
عشان إنت مصدق فيَّ هامجدك

مش هاعيش مكسور وإنت رافع راسي؟
مش هاعيش مهزوم وإنت غلبت العالم؟
مش هاعيش ضعيف وإنت قوة؟
ده وأنا لسه خاطي اخترت تموت عشان أعيش
مش هاعيش مكسور

١- بالنعمة أنا صرت مخلَّص مابقتش أسير
وبصلبك إنت اتبنيتني خليتني أمير

القرار- دي نعمتك مغطياني كل أيام الحياة
وبصلبك مستورة آثامي شلت عني الآثام
(مديون ليك ربي وحبيبي نجيتني من الموت والهلاك)٢

٢- بالنعمة واقف قدامك يا ملك الملوك
وصوتي رافع لجلالك اديتني قبول

١- (بنغني إلهنا قادر بإيديه حوالينا ساتر
بيقوّم أموات القبور ويهدي أمواج البحور)٢

القرار- (هو ده ملكنا ساكن في وسطنا
يعلى هتافنا إلهنا ملوش مثيل
اسمه عجيب هو المشير
أب ورحيم قادر ع المستحيل)٢

٢- (إلهنا في حبه رائع أنات ولاده سامع
يشفي أوجاع القلوب ويحرر من أسر الذنوب)٢

٣- (بكل أمورنا عارف تفاصيل حياتنا شايف
بيرد الحق للبريء ويشق في البحر طريق)٢

١- ليك بنقدم سجود نرفع لاسمك تسبيحنا
تسجد القلوب ليك وتقول
يا يسوع إحنا ليك على طول
العمر كله هانعيش وهانعلي مجدك
قدام عينينا شايفين ملكك هايعود
بقوة وبسلطان على الكل راح يسود
القرار – شعبك يهتف ليك بنحبك الفخر مالينا ما إحنا شبهك
نفضل نغني للملك ... مستنين
إنك تيجي وتاخدنا على السحاب
نفضل معاك للأبد
ونعيش حياتنا قدام إلهنا في السما

يارب إنت إله جميل-1
رائع فيك كل الصفات
كلك حلو ملكش مثيل
وكريم في الهبات

القرار- جميل ورائع كلك حلو وكريم
مين يشابهك في الجمال
وفي غنى الحب الغزير
ده مافيش زيك في الجلال
نبعك فايض رحمة وخير

2- إزاي أقدر أوصف قلبك
في جمالك مش لاقي كلام
ياللي أسرت قلوبنا بحبك
نرفعلك كل الهتاف

1- تسبيحك خارج من قلبي... مش بس شفايفي ولساني
وكلامي بيعلن عن مجدك... وبيرفع أحلى الأغاني
مش جايلك مرغم باسجدلك... ولا شيء في الكون يجبرني
لكنك حلو وتستاهل.... ومحبة لشخصك وخداني

القرار – تسبيح ليسوع... تسبيح

2- مش قصة أنغام وموسيقى... وكلام مترتب منظوم
ولاهي مشاعر وخلاص... تتغير لحظة ما باقوم
لكن يقيني بوجودك... وحياتي معاك طول اليوم
بيخلوا التسبيح له معنى... ليه قوة في عمري بتدوم

3- قدامك هانسى طلباتي... وهانسى ضعفي ونجاحاتي
تستاهل تملا إنت المشهد... وتملا كل أوقاتي
ولا شيء يمنعني إني أتكلم... وأمجد اسمك وأقول
وإن كنت في زحمة أو لمة... أنا قلبي بشخصك موصول

1- ومين يقول بعد الموجة.. بعد الموجة يسود هدوء
ومين يقول إن العواصف.. في لحظة ممكن تروق
قلبي اللي الفيضان شتاته.. وتوهانه مغرَّقه
قدر في ملامح حبك.. الحب والفرحة يدوق

القرار
إلهي الفرح إنت.. حياتي وأصل النور
بيعدي العمر وبرضه تفضل.. إنت موضوع السرور

2- ومين يقول إن المرار.. مرار ماضيَّ راح يزول
ومين يقول الضحك ممكن.. وسط السواد يكون مقبول
قلبي بعد ما كان في ليله.. من الوجع سايده السكون
قام في نص الليل بيهتف.. وبسلام صارخ يقول
إلهي

1- عبدك سامع جاي وراكع اتكلم ربي وأعلن مجدك افتح سماك
قوي إيماني بحلمك املاني وساعدني أطيع لما أسمع وأعمل رضاك

القرار – (عايز أسمع صوتك وأصلي مشيئتك وكلام من ملكوتك
عايز أسمع صوتك وأشوفك ربي تلمسني بقوة روحك
وتكمل ضعفي وأكون نور يعلن للعالم جودك)2

2- باجي وأتوب بدم المصلوب غطيني واستر إثمي وذنبي أنا ندمان
جاي أستناك عايز أمشي وراك وصاياك محبة وخير وسلام رحمة وغفران

3- سايب همي عارف إنك جنبي وبالإيمان هاتشق البحر وتعديني
يا قوتي حصني وصخرتي أنت خلاصي وفي كلامك نصرتي

1- لو كنت بتسألني أنا إيه رأيي ولا إيه اتجاهي
لو من الآخر عايز تعرف أنا مين إلهي
لو بتدور عالطريق لو بتدور على الحق
ببساطة أنا إلهي خلى البحر ده يتشق
كل الكون ده صنع إيديه
أزلي أبدي والتاريخ قدام عينيه
مهما بعدت عنه هاتلاقي دايمًا بابه مفتوح ليك
لو عايز تعرفه اجري عليه

القرار – هو ده إلهي .... هو ده طريقي
هو ده اللي أنا قلبي اتعلق بيه
هو ده إلهي .... هو ده طريقي
بكل إرادتي أنا باصدق فيه
هو ده إلهي

2- قلت زمان هو فين ومين خلق الوجود
وبصوت عالي قلت لو شكيت أبقى موجود
لحد ما شفت حبه وقد إيه هو رحيم
عرفت إني صغير لكن هو عظيم
هايجي يوم كل ركبة تسجد ليه
هايجي يوم كل لسان يعترف بيه
وأعيش معاه حياة أبدية في السماء
تبتدي من يوم ما أصدق فيه

1- ماكنتش أتحمل جلدة واحدة من جلداتك
ماكنتش أتحمل دقة مسمار
ماكنتش أتحمل تاج الأشواك والتعيير
ماكنتش أتحمل مصير النار
ثبتك الحب على الصليب مت علشاني باختيار
ملك الملوك وإنت قدوس حسبوك يارب من الأشرار

القرار – (دي محبة لا يمكن تتقاس
لا بالعقل ولا بالإحساس
للمنتهى ولكل الناس
محبة قوية حتى الموت )2
محبة قوية حتى الموت

1- في حبك جيت لأرضنا .... وسكنت وسطنا
أخليت نفسك وصرت في شبه الناس
بشرت المساكين ... وشفيت المكسورين
حررت المأسورين واديت حياة

القرار – أنا عايز أكون شبهك يا يسوع
فكرك جوايا وعينيَّ عليك
أتأمل فيك وأتمثل بيك
وجمالك يأسر قلبي وكل حياتي أهديك

2- احتملت كل الآلام ... وشلت عني الآثام
وضعت نفسك حتى موت الصليب
حبيت للمنتهى ... ومحيت كل الأسى
ضحيت عشاني ومُت يا حبيب

القرار - رنموا للربِّ لأنه صنع مفتخراً
احمدوا الربَّ ذكروا بأن اسمه قد تعالى

1- ( ليكن هذا معروفاً في كل الأرض
أنَّ الله هو خلاصي صار قوتي )2

2- ( لا أخاف ولا أرتعب يهوه ترنيمتي
يهوه تعزيتي أهتف قدوس )

1- ( ماستاهلش حنانك ومراحمك ليَّ
ماستاهلش رعايتك وعنايتك بيَّ) 2
إزاي ملك الملوك يرضى بيَّ
وإزاي يرضى يكون أب ليَّ

القرار- هللويا رجايا فيك يا قوتي
هللويا من ضيق ل رحب لا حصر فيه
هللويا نورك يشرق من ضلمتي
هللويا أنا حي بيك يا نصرتي
ماستاهلش يا ربي نعمتك ليَّ

2- ( ماستاهلش صليبك وحبك ليَّ
ماستاهلش روحك اللي ساكن فيَِّ)2
إزاي ملك الملوك يرضى بيَّ
وإزاي يرضى يكون أب ليَّ