رجعنى ليك (11 ترنيمة )

1- (آسف لأني ماقولتش لأ.. على كل مرة أنا بعت الحق
ونسيت مكاني ورجعت تاني.. وللخطية أنا قلبي رق)2
القرار- [رجعني ليك من تاني أختار.. تكون إلهي طول المشوار
واخد قرار من كلمتك.. (وأعيش ولو ضد التيار)2]2
2- (آسف لأني عرفت زمان.. إنك شايفني في كل مكان
وكنت بغلط كتير والخبط.. وكأنه كله زي ما كان)2
3- (عايز أعيش لك زي دانيال.. يا ربي وأبقى من الأبطال
وإن كان في ضلمة أو وسط لمة.. واخد قراري ومافيش فصال)2
4- (عايزك تكون أنت الأساس.. في حياتي يا يسوع والمقياس
في الحكمة أنمو في النعمة أنمو.. في القامة عند الله والناس)2

القرار- (أنت لا تنساني وإن نسيوني الناس
أنت أحن عليَّ من كل الأجناس)2

1- (الأيام بتجري والسنين بتدور
وحبيبي يسوعي معايَ علطول )2
2- (باناديك يا ربي تسرع وتجيني
بتطمن لي قلبي وبتمسك بيميني)2
3- (كل الماضي يشهد عن إحسانك ليَّ
بتشبعني بخيرك وعينك عليَّ)2

1- (قد أخطأتُ الي الربِ ويدايَّ تلوثَتَ بالإثم)2

القرار- (ارحمني يا الله)3 حسب رحمتِكَ

2- حَسِِبتُ نفسي طاهراً حكمتُ على غيري بالموتِ
كنت في عينايَّ بريئاً (ولم أعرف خطيتي)2
3- اغسلني كثيراً من إثمي ومن خطيئتي طهرني
لأني عارفٌ بما فعلت (والشرُ قدامك صَنعتُ)2

1- (مين يضمن للعمر بقية مين يعرف أيامي الجايه
كل حياتي سراب في سراب ربي بجيلك وأنت فاديا)2
مهما كنت في أضعف حالة(كان قلبي صديد)2
باب السما مفتوح قدامي (ربي ده عظيم )2
(مهما قولت وكنت بقدم كل عهودي وأرجع أخون
لكن أنا جاي ربي بدموعي مين يقبلني غيرك ويصون)2
2- قدام حبك قلبي بيرجع وألقى بالنعمة لي (ترفعني إليك)2
عمر جديد جوايا بيظهر وأنت (تحضني إيديك)2
(ربي أنا جاي بكل وضوح وبكل عيوبي أكشفها ليك
مين يعرف كل ذنوبي ومين يغفرها غيرك يا مليك)2
3- (مين يضمن للعمر بقية مين يعرف أيامي الجايه
كل حياتي سراب في سراب ربي بجيلك وأنت فاديا )2
تفضل سندي طول أيامي (وأنت مَنّي في الجوع )2
وحدك ربي سحابه تظلل (وأنا ليك يا يسوع)2
(واثق إن حياتي أمامك عينيك سهرانة دايماً ترعاني
ماهي خطة عظيمة أنت رسمها وأنا همشيها دي إيدك ضماني)2
*(مين يضمن للعمر بقية مين يعرف أيامي الجايه
كل حياتي سراب في سراب ربي بجيلك وأنت فاديا )2

القرار – (وقت الشدة ووقت الضيق مديت لي إيدك يا يسوع
في العالم ما لقيتش صديق يشبعني من بعد الجوع)2
(وحدك تشبعني وترويني من أعظم وأطهر ينبوع)2
من أعظم وأطهر ينبوع

1- (وسط آلامي لقيتك ربي تحملني وتطيِّب قلبي
عزيتني في حزني وكربي قويتني في همي وتعبي)2
(مين غيرك كان واقف جنبي يمسح من عيني الدموع)2
يمسح من عيني الدموع
2- (حبك غالي ما أعظم حبك حبيتني يا يسوع من قلبك
وقبلت تطهرني بدمك و آثامي خبيتها في جنبك)2
(غمرتني حنية قلبك بعد ما كان أملي مقطوع)2
بعد ما كان أملي مقطوع

أنت عارف إني تراب
(أنت عارف إني تراب عارف مخلوق من إيه
حاسس بضعفي لامس ألامي شايف دموعي ربي يسوعي
عارف إني تراب)2
[زي ارتفاع السما فوق الأرض تعلى رحمتك عليَّ تعلى رحمتك
وبُعد المشرق عن المغرب (تبعد عني معاصيَّ)3]2
(أنت عارف إني تراب عارف إني مخلوق من إيه
حاسس بضعفي لامس ألامي شايف دموعي ربي يسوعي
عارف إني تراب)2

1- (أمسك بوعده وشدد إيديك صدق كلامه وسط العيان
ده مين هايقدر يكون عليك وأنت في صَفك رب الأمان)2
القرار-(لا يمكن يا مؤمن تجاهد و لسه بترعى في قلبك محبه غريبة
وعرفت أحياناً كتيره تتوه وتنسى اللي حبك محبة عجيبة)2
2- (قوله:ياربي دربني أضحي بكل غالي مهما يكون
وأنا بإجهاد كله هايرخص واثق تعوض ما أنت الحنون)2
3-(جاهد في خدمة موضوعه ليك سيدك واضعها قبل الزمان
نفسه تتمم قصده ومشيئته وسط سلوكك حلاوته تبان)2

1- (يا اللي تعبت من الأوجاع وأتألمت كتير في حياتك
شايل حمل كبير والحزن باين حتى في وقت سكاتك )2
القرار- (أرجع وأرمي الحمل عليه وحده ربكحاسس بيك
أنسى الهم وسلم ليه تلقى هو قريب ليك )2
(قال: أنا هبقى معاك علطول.. قال: أنا هو الرب شافيك )2
قال: أنا هو الرب شافيك
2- (لو حسيت في يوم بالوحدة وإن الناس بتبعد عنك
حتى إن كنت قريب ليهم ومفيش حد قريب منك )2
3- (لو أتعابك زادت يوم أوعى تسلم يوم للحسرة
لو حسيت أنك مظلوم أطلب ربك يديلك نصرة )2

1- (يا اللي بعيد والرحمة قريبة ليه عايش في أرض غريبة
(دي أحضان الرب حبيبك وتداوي جراحك وتطيبك)
وتداوي جراحك وتطيبك
القرار- (صوت الرحمة ينادي إلهي الرحمة يخلص
لأنك ربي الحنان
صوت الرحمة ينادي ولا فيضها راح ينقص
أنت تملى القلب أمان)2
2- (أرجع وأتمسك بمكانك وأفرح ده الرب أمانك)2
(حتى إن يوم ضيعت مكانك هو أبوك ويعيد سلطانك)2
هو أبوك ويعيد سلطانك
3- (قوم قطع قيد الأحزان قوم أفرح بالرب كمان)2
(وأملى إيديك رحمة وغفران وأقبل عمله بالإيمان)2

1- (باعترفلك وبقول لك أهانت اسمك كتير
وجاي أنا بقدم لك طوبى من قلبي المرير)2
القرار- (رافع عَيني عليك وبلهفتي مستنيك)2
(أشبعني ربي بكلامك أشهد وأعلن إحسانك)2
2- (جاي وببكي بعينيَّ اللي سالت بحور دموع
من كسرتي على نفسي لما بعِد عن الينبوع )2
3- (أيوه أنا جاي وبعلنها وبقولها بأعلى صوت
ده يسوع هو اللي قِبلني وحياني من بعد الموت)2

1- (عارفين اللي عمل شمس وقمر وكل الدنيا
واللي نسمة منه تدِّوب كل الكون في ثانية)2
(واللي أنفاسه تزلزل أساس الجبل)2
واللي ما يعرف نهاية وبدايته الأزل

القرار-
(أقدر أقوله يا أبويا و أقدر أقوله حبيبي)2
أقدر أقوله إلهي و أبويا وحبيبي

2- (عارفين اللي كان مع موسى وشعبه في البرية
واللي شق بحر سوف وعدّاهم في المية)2
(يوسف لما كان في سجنه نجاه من الخطر)2
والفتية عبروا في النار و معاهم عبر

3-(عارفين لما كان مصيري موت ونار أبدية
نزل و أتصلب بدالي وسحق رأس الحية)2
(شال عني عار الخطية وناموس العمل)2
وصار ليَّ فيه ضمان وشفاعة وأمل