ربنا موجود - سامح ميخائيل (8 ترنيمة )

القرار - وقت الشدة ووقت الضيق مديت لي إيدك يا يسوع
في العالم ما لقيتش صديق يشبعني من بعد الجوع
(وحدك تشبعني وترويني من أعظم وأطهر ينبوع)2
من أعظم وأطهر ينبوع

1- وسط آلامي لقيتك ربي تحملني وتطيب قلبي
عزيتني في حزني وكربي قويتني في همي وتعبي
(مين غيرك كان واقف جنبي يمسح من عيني الدموع)2
يمسح من عيني الدموع
2- حبك غالي ما أعظم حبك حبيتني يا يسوع من قلبك
وقبلت تطهرني بدمك وآثامي خبيتها في جنبك
(غمرتني حنية قلبك بعد ما كان أملي مقطوع)2
بعد ما كان أملي مقطوع

1- (مديون القلب بيحمِدك مديون الفم يُمجدك)2
[(علشان انت اللي بموتك)2 نجيتني من الخطية]2

القرار
(مديون مديون مديون أنا مديون)2
مديون لك يا حبيبي
مديون أنا مديون
مديون مديون مش قادر أوفي ديوني

2- (انت اللي عينيك عليَّ وقلبك بيحن عليَّ)2
[(اشبعني بيك وارويني)2 واحميني من الخطية]2

3- (أنا اللي بقساوتي صلبتك ربي بإيديَّ)2
[(وانت اللي حبيتني)2 واديتني حياة أبدية]2

4- (مديون لك بكل حياتي اللي وهبتها ليَّ)2
[(مديون لك بتحريري)2 من ذل العبودية]2

القرار- (حبيبي يا يسوعي ما أعظمك يا غالي
حبك غمرني سباني وغيّر لي حالي)2

1-(يا خسارة الأيام اللي مرت من غيرك
يا ريت عرفتك زمان وشبعت من خيرك)2
2-(كل ما في الدنيا باطل مصيره للهلاك
مهما حاولت تجرب يا أخي كله سراب)2
3-(قاعد بتفكر وبتحسب شايل هم الأيام
مش عارف إنه يسوعك من أجلك مات وقام)2
4-(لا تنسى إنك ابنه قوله يا بابا يسوع
ما أعظمك يا غالي حبيبي يا يسوع)2

1-(لما تلقى في عيني دمعة وتلاقيني محتاج إليك
لما تلقى في قلبي أنة وتواسيني وأنا بين إيديك)2

القرار- (حضنك انت مرسى روحي)2
روحي دايماً بتناديك يا يسوع

2-(لما تيجي الموجة تصنع جوه قلبي خوف جديد
وألقى موجة تانية تمنع رنة الأفراح في عيد)2

1- من لي سواك يحميني من كل شرٍ قائمٍ
من لي سواك يرويني من كل نبعٍ فائضٍ

القرار - (أنـت إلـهـي لا سـواك )4

2- من لي سواك سيدي يملأ فراغ وحدتي
من لي سواك مرشدي يهمس لي في خلوتي
3- كيف أخاف في الطريق وأنت لي نبع الرجاء
كيف بدونك أسير في عالمٍ بلا عزاء
4- آتي إليك ضارعاً فأنظر لدمعي من علاك
أنظر إليَّ سانداً حتى أعيش في رضاك
5- أنت معي في غربتي تُحيط بي تمسك يدي
بروحك تعزيني تنجيني من ضيقتي

1-(ماتفكرش كتير ده يسوع مش محتاج تفكير
متقلبش كتير بدموع متقلبش كتير)2

القرار - (ده عارف خباياك ده كاشف نواياك)2
ده قايل في وعوده إني هاكُون وياك
(ماتفكرش كتير ده يسوع)2 مش محتاج تفكير

2-(لما تشوف الدنيا اتقلبت فكّر إنه معاك
بيقول إن الدنيا اتغَلبت لحظة صلبه هناك)2
3-(ماتفكرش في حالتك ديَّ و سيبها في إيد الرب
مهما هاتعمل زي ما هي صليله يقرَّب)2

1-آسف لأني ماقولتش لأ.. على كل مرة أنا بعت الحق
ونسيت مكاني ورجعت تاني.. وللخطيّة أنا قلبي رق

القرار- (رجعني ليك من تاني أختار.. تكون إلهي طول المشوار
واخد قرار من كلمتك.. وأعيش ولو ضد التيار)2

2- آسف لأني عرفت زمان.. إنك شايفني في كل مكان
وكنت باغلَط كتير وألخبَط.. وكأنه كله زي ما كان
3- عايز أعيش لك زي دانيال.. يا ربي وأبقى من الأبطال
وإن كان في ضَلمة أو وسط لمَّة.. واخد قراري ومافيش فصال
4- عايزك تكون انت الأسَاس.. في حياتي يا يسوع والمقياس
في الحكمة أنْمو في النعمة أنْمو.. في القامة عند الله والناس

1-(المؤمن الأمين. يفرح فرح ثمين)2
والخَاطي ظل حزين.. (لما يسوع ييجي)3
والخَاطي ظل حزين.. لما ييجي
2- (يا خاطي توب وارجع.. ولصوت يسوع اسمع)2
تندم ولا ينفع.. (لما يسوع ييجي)3
تندم ولا ينفع.. لما ييجي
3- (لا ينفعك المال.. كلّا ولا الجمال)2
تتغير الأحوال.. (لما يسوع ييجي)3
تتغير الأحوال.. لما ييجي
4- (يسوع قال أنا جاي.. والمؤمن أخدهُ معَاي)2
تعمل يا خاطي إزاي.. (لما يسوع ييجي)3
تعمل يا خاطي إزاي.. لما ييجي؟
5- (يسوع على الأبواب.. افرحوا يا أحباب)2
سَنُخطف ع السحاب.. (لما يسوع ييجي)3
سَنُخطف ع السحاب.. لما ييجي
6- (يسوع على الميناء.. واقف مستنينا)2
نُملك كراسينا.. (لما يسوع ييجي)3
نُملك كراسينا.. لما ييجي
7- (ساعة عشاء الخروف.. نُقف صفوف صفوف)2
بُكرة العيون تشوف.. (لما يسوع ييجي)3
بكرة العيون تشوف.. لما ييجي