سامع سكاتى (8 ترنيمة )

1- (ولا تطرح ثقتك يوم لو حتى الظلم بيكتر
لو بِتّ في يوم مظلوم حقك في الصبح هايظهر)2

القرار- خليك واثق .. خليك واثق .. في إلهك الحي
خليك ثابت .. خليك ثابت .. واستناه ده جاي

2- (ولا تطرح ثقتك مَرَّة لو شُفت الشر بعينك
لو مريت في ظروف مُرّة هاتلاقي الرب مُعينك)2

3- ولا تطرح ثقتك أبداً ولا تقلق ولا تحتار
بأفراحك اهتف مجداً لإلهك الجبار)2

1- (كنت ميِّت وأحيتني وبدم صليبك غطيتني)2
والعمر الجديد اديتني
يا أبويا الغالي .. يا أبويا الغالي

القرار- (أنا عمري الجاي باسلم من حبك ربي باتعلم)2
ولا غيرك يا إلهي يسود والمجد والبركة تعود
يا أبويا الغالي .. يا أبويا الغالي

2- (رجّعت لقلبي النبضات ومليت الروح تسبيحات )2
من عندك كل البركات
يا أبويا الغالي .. يا أبويا الغالي
3- (من اللي في ايدك أنا باعطيك وحياتي الجاية باهديك)2
وضمان السما في ايديك
يا أبويا الغالي .. يا أبويا الغالي

1- (انت يا رب ليَّ المن اللي بيشبع ليَّ حياتي
وإن جوايا قلبي أَنّ ألقاك سامع حتى سُكاتي)2

قرار:
(سامع سُكاتي من غير ما اتكلم
حاسس آهاتي في آلامي تتألم)2
(وألقاك حاسسني.. وألقاك لامسني)2
وليك باسلم.. وليك باسلم

2- (انت يا رب ليَّ سروري اللي أنا باعلنه مطرح ما أرسى
وإن سفينتي في وسط بحوري تاهت ألقاك ليَّ انت المرسى)2

3- (انت يا رب ليَّ طريقي لما باضيع أنا بالجأ ليه
مافيش غيرك في وقت ضيقي ستري وحصني أنا باحتمي فيه)2

1- مهما الحال يطول مهما العدو يقول
إيماني فيك ثابت في وقته تيجي بحلول (٢)

القرار- انت عندك حلول انت تؤمر وتقول (٢)
انت امس وانت اليوم وانت بكرة وعلى طول

2- عيني عليك يا بابا ومنتظر خلاصك
مش قادر اعمل حاجة لكن ثقتي في صلاحك (٢)

3- يا إله المعجزات بتغيَّر الأحوال
بكلمة يا ربي منك بتعدل اللي مال (٢)

لما كنت تشوف جموع حيرانة تتحنن وإحنا يا ربي في نفس الحالة
منتظرين رحمتك من تاني وتطمِّن وتشفي جروح جوانا متشالة (٢)

القرار- منتظرين وناظرين
منتظرين يا يسوع وناظرين تحن للحالة

لما كنت تشوف نفوس حزينة مجروحة يسبق حنانك رحمة ممدودة
عايشين نفس الآلام والنفس مطروحة افتح بيبان من الهم مسدودة (٢)

لما كنت تشوف قلوب حيرانة قلقانة وحدك يا ربي تفك قيودها
ومن الخطايا والآثام مذلولة خجلانة بتعيد أملها وتحيي وجودها (٢)

قلي هعوضك وعوضني (٢)
عوضني صبر السنين ورفع عني كل أنين
باشهد إنه إله أمين خيره وجوده عليّ (٢)

القرار- وده وعده المسنود عليه طول الغربة أنا عيني عليه
كل العمر ده ملك إيديه ده أبويا وفاديّ (٢)

قلي ما تخافشي وطمني (٢)
نزع عني كل خوف وعدّاني في بحر سوف
وبعين الإيمان باشوف إيده الصالحة عليّ (٢)

قلي هارعاك ورعاني (٢)
رتب لي مايدة سماوية قدامي وأعدائي حوليّ
وفي وادي الموت هو راعيّ خلّي وسند ليّ (٢)

1- (عايز أرنم لك بالروح وأهتف لك لو فيَّ جروح)2
يملاني فرحك بدل النوح وأغني لرعايتك

القرار- (ما أنت إلهي اللي خالقني بنسمة فيها حياة
روحك فيَّ وبيرشدني يا أعظم إله)2

2- (عايز أعدّي بيك بحور وأهدم يأسي وكل كسور)2
وياك أمشي وأنا مسرور وأغني لأمانتك
3- (عايز أشهد باستمرار لإلهي العالي الجبار)2
و أعاينك في قلب النار وأغني لعجايبك
4- (عايز أشوف إيدك في الصعب تهدي وتشفي كل القلب)2
تمشي معايا طول الدرب وأغني لمجيئك

أوراق شجر وقعت في نهار خريف واتعرى الشجر
بانت فروعها ويبست من غير خضار ولا ثمر (٢)
وليل طويل وظلام مخيف طال السهر
شفنا الحياة من غير نهار من غير قمر (٢)
ويوقع ورق تدبل ثمار
ولا يموت الشجر (٢)
ده الوعد بالبركات مبارك شعبي مصر
ثابت في كل عصر (٢)
ودي محنة يا مصر وهاتعدي
وأكتر من كده هايعدي (٢)
لملم جراحك يا وطن وفوق صعابك عدي
سامع آهات الحزن تتحول أغاني
والصبح جاي جديد ومليان بالأماني (٢)
وأمل جديد جاي بنور رباني
ويتبدل قلب الوحوش لقلوب بشر
وعصافير ترجع وتغرد فوق الشجر (٢)
والبركة ليكي أضعاف
والخير ده جايلك أصناف (٢)