انت الدار (15 ترنيمة )

١- (بابعد وتقرب لي زيادة
وتسامح وكتير باتمادى
مش باعرف أعيشلك يا إلهي
وأنا باهرب منك واتدارى)٢

القرار- (واتعجب إزاي حبيتني
وأنا بانكر وكتير باتقاسى
أبعد أنا وإنت بتندهلي
وبتغفر ليَّ وتتناسى)٢

٢- (للخوف إنت ما بتسبنيش
في الضيقة غيرك ما يجيش
ولو مرة القلب بعد عنك
لسه يا رب حاببني أعيش)٢

٣- (بتدور عاللي يفرحني
لما أغلط ألاقيك تسامحني
دايماً على طول واقف جنبي
وترتب اللي في مصلحتي)٢

٤- (وأتوه وإنت اللي ترجعني
وأندهلك على طول تسمعني
ده إنت الحب ويعجز وصفه
والحضن اللي كتير بيساعني)٢

القرار- (استنارة بنور وضي
فجر نوَّر ليل زمان
للي تايه واللي ضل
وكل شيء وله أوان)٢

١-( ده زمن للافتقاد
يرجع الخير والحصاد
ولو سنين كلها الجراد
قلبي من إحسانه داب)٢
٢- (شق فجر في القبور
حوَّل العتمة لنور
جه يجبّر الكسور
وفي حنانه ماله زي)٢
٣- (نور بيشرق له بريق
جاي يرسملك طريق
حتى لو في بكره ضيق
واثقين إن إلهنا حي)٢

١- اشتاق إليك حبيبي وأتوق اليك إلهي
وأعود لك بحبٍّ جارفٍ يملأ كل فؤادي
سأطوي كل الماضي والجراح
جراح العمر وآتي إليك
لتمسح كل دموعي
وتعطي جمال بدل الرماد

القرار- (فتعود البسمة لقلبي ويعم الفرح كياني
وأراك خلف الغيمة تثبّت إيماني)٢

٢- فشكراً لك يا إله الحب
يا من فدى نفسي
من الحفرة وأزال آلامي
وسحق كل أعدائي
أملي أن ألقاك عن قريب
سأحيا لك أنت ذا الحبيب
أنت أمسي ويومي وغدي
لك كل اشتياقاتي

١- (باتحرك وأنا شايف إيدك
جنبي بترسم لي المشوار
وطريقي اللي بديته معايا
وجماله إنك أنت الدار)٢

القرار- حضن حنين باجري عليه
وأنسى آلامي وأحتمي فيه
أصلك إنت الحضن الدافي
مهما أوصف حبك مش كافي
بتقويني وتعزيني وتخليني مصدق فيك
ده أنت إلهي اللي بتحميني
ومستنيني وعيني عليك

٢- (مها أكون في الدنيا أنا تايه
حبك هو اللي بيهديني
بانسى آلامي وباعرف قيمتي
لما إيديك تمسك بيميني)٢
٣- (بتاكدلًي إزاي في حياتي
إني أنا مش متساب وحديَّ
خطوة بخطوة معايا ساندني
وهاتمشيني معاك عالمية)٢

١- باعترفلك بخطيتي اللي كاتمها جوايا
سنين عدت ساكنة ضلوعي لحد ما تيبس حشايا

القرار- انت ستر لي من الضيق بتحفظني
قلت إن عينك عليَّ في طريقي بترشدني

٢- طوبى للي اتغفر ذنبه واتسترت خطايا شبابه
وما يكون زي فرس جامح لأن الله ماسك لجامه

٣- اتكل على إلهك رحمته واسعة وبتفيض
افرح بيه في كل يومك ولا تصير للخطايا مريض

القرار- (بالتسبيح والترنيم
قلبي بيفرّح قلبه
بالهتافات والتهليل
أيوه بتغنّى بحبه)٢

١- (روحي فرحانة وياه
متطمن وأنا ماشي معاه)٢
كل حمولي شالتها إيديه
ده يسوعي أعظم إله
٢- (بينوَّر عقلي المحدود
وحنانه على قلبي يسود)٢
ماليني وحضوره عظيم
سلطانه على طول موجود
٣- (نفسي بتتلذذ ببهاه
وعينيَّ على طول شايفاه)٢
بيحضن قلبي ويعزيني
ويدخلني في عمق معاه

١- (باستمد القوة منك
وأسترد ثقتي بيك
لما أشوف بالحب يدك
ممدودة لي في الطريق)٢

القرار- (بانسى ذاتي ومافتكرش بس غير لمسة إيديك
اللي بيها بديت حياتي تسمو بالحب اللي فيك)٢

٢- (نعمة فاضت وبغناها انتفض ضعف السنين
بالإيمان اللي بيقدر تنقلب بيه الموازين)٢
٣- (والحقيقة الغايبة عني والتقيتها بس فيك
إنك أنت أب ليَّ وإني ابن وعالي بيك)٢

١- زي ما إيدك بدأت فيَّ
تيجي بروحك تعمل بيَّ
وتكمل عملك يا راعيَّ
اللي وعدت إنك تجريه

القرار
جاي بضعفي وكل فتوري
بابدأ عهد جديد وياك
عالم إن آلام الحاضر
بتعدّني للمجد معاك

٢- أيوه بديت أتعلم أسلم
وأرجع أثبت نظري عليك
عمري ما هاقدر أمشي وأكمل
غير وأنا حاطط إيدي في إيديك

٣- بارفض كل حنين للماضي
وأرفض ضعف ملاني سنين
راجع أكمل بيك أحلامي
وأعلن حبك للملايين

١- (جيت وسبيتني بنعمة غنية
جيت ومليت القلب سلام
مهما عدوي يجرَّح فيَّ
وسط الحرب أنا ليَّ ضمان)٢

القرار- (إيد ممدودة وسندة قوية
ووعد في وسط الخوف ما هاخاف
مش متساب أنا وسط المية
لاء متشال على الأكتاف)٢

٢- (مستنيك بايمان باتعلم
شايفك وقت الضيقة أمين
مهما يكون في طريقي هاسلّم
وأحيا الوعد بكل يقين)٢
٣- (رغم عنادي وخوفي ويأسي
إنت إلهي اللي بتحميني
رافع راسي وساند ضعفي
وإيديك ماسكة بحب يميني)٢

١- (عالأبواب أهو جاي أكيد
والعلامات ما بقتش بعيد
بكره إن طال اهو جاي اكيد
حق وباين في المواعيد)٢

القرار- (جاي ياخدنا زي ما وعدنا
وفرحنا يكمل وإحنا معاه
يسكن فينا ويسبي عينينا
بأجمل حلم بنتمناه)٢

٢- (شايف الغيمة أهي بتنزاح
جاي وراها سنين أفراح
وإيد ممدودة بتشفي جراح
ننسى تعبنا معاه ونرتاح)٢

٣- (عايشين بس عشان نلقاه
وكل هدفنا نكون في رضاه
ده اللي وعدنا نعيش في حماه
فوق في سحاب المجد معاه)٢

القرار- علّمت القلب يحبك خليته يعيش في النور
دايس على صوت أناته بيرفرف بره السور

١- ووضعت الحكمة في فمه واديته القوة يسامح
وغمرته ببركة ونعمة نسيته حزن امبارح
٢ مهما العالم يتحدى أنا عارف محمي في مين
غلب العالم واتحدى وكلامي ده ليه براهين
٣ ضميته بكل أبوة وحنان هز الوجدان
حولت الضعف لقوة بيرنم بيك فرحان

١- (احتملت بقلب راضي
وجيت عشان تفدي الخطاة
واترفضت من البداية
وأنت قصدك كان حياة)٢

القرار- (كل ده بحبك يا غالي
كان عشاني كان بدالي
وكان في قلبك ليَّ حب
عمره ما خطر ببالي)٢

٢- (جايز أخجل من حنانك
ويمكن أبعد وجهي عنك
لكن اللي جوه قلبي
إني مهما بعدت ابنك)٢

٣- (ده اللي شالني في يوم هواني
يوم ما كل الناس سابوني
شال وجيعي وشال آثامي
واحتضني في يوم رجوعي)٢

١- (لما الصعب بيصبح هيّن
لما خيوط الصبح تبيّن
باعرف إنك ماسك الدفة
وإنك ليَّ اب حنين)٢

القرار- خوفى بيسيبني ويروح
يملاني حبك بالروح
وأقوم وفي ضعفي باتقوى
متعزي ولو فيَّ جروح

٢- (حتى إن شفت في يومي أنين
تاهت البسمة أيام وسنين
واثق إنك ماسك الدفة
وإنك ليَّ أب معين)٢
٣- (أيوه راح أشهد بين الناس
إنك ربي ورافع الراس
وإنت إلهي ماسك الدفة
أيوه حقيقة ده مش إحساس)٢
٤- (وتعوَّض فرحة أيامي
تديني تحقيق أحلامي
تفضل ربي ماسك الدفة
ضامن لي أماني وسلامي)٢

القرار- هاسكت علشان يتكلم جوايا بأمر جديد
وأسجد من قلبي وأسلم وهاعيش تاني المواعيد

١ - حى وقادر بالكلمة يحيي القلب المكسور
ويجي ويرفع بالنعمة ويجبر كل كسور
٢ صوت صارخ في البرية يشهد عن مجد الله
راح أنادي بعز ما فيَّ عن رب اداني حياة
٣ الخير في وجودي معاه والموت علشانه حياة
طول عمري هاعيش مديونله والغالي يرخص لبهاه