سر جمالي (13 ترنيمة )

١- اللي بروحه بتهيم روحي
واللي باسمه باهد حصون
(مهما عدو الخير يحاربني
هاغلب بيه أنا مهما يكون)٢
يقدر يعمل أكتر بيَّ
ومراحمه عمرها ما تزول
(لمسة منه بتديني قوة
وتيجي تبدد كل غيوم)٢

القرار
وما دام روحه مالية كياني
هاقدر تاني أمشي وأقوم
جه واداني خلاص مجاني
وخشع قلبي معاه في سكون
مهما أتكلم مش أوفيه
ولا يوم هاقدر أعيش غير بيه
دي حياتي بتكمل في وجوده
(وبكره الجاي ده مضمون فيه)٢

٢- وهاكون تاني غصن في كرمه
وكيان عامل في البنيان
(أسمع وأخضع للي يقوله
وحبي لشخصه يزيد ويبان)٢
مهما يكون أنا واثق فيه
وكل أموري سايبها عليه
(وعارف إن الجاي من عمري
مصدر فرحه سجودي إليه)٢

١- (بتناديني في وسط حيرتي
وتلاقيني في الطريق
تحتوي التوهة اللي فيَّ
وأرجع أبدء من جديد)٢

القرار
(يمتلي القلب بأغاني
وبهتاف الانتصار
وأبتدي أعرف مكاني
وحضنك يبقي ليَّ دار)٢

٢- (وتبتدي الفكرة اللي كانت
جوه قلبي من سنين
تايهة مش لاقية بدايتها
تقوى وتشوفك يقين)٢

٣- (والجرح اللي في قلبي جوه
من غيرك أنت يداويه
وضعفي يتحول لقوة
وتيجي بروحك وتعزيه)٢

١-(ماشي بقوة مجد الله
رافع راسي في كل صلاة
باشهد عن اللي اداني حياة
وأثر قلبي بسفك دماه)٢

القرار- (قوة روحه بتعمل فيَّ
وتمشيني في خطى سماوية)٢
ويشكّل بإيديه أوانيَّ
ويشجع روحي المطفية

٢- (صوتي العابد يسجد ليه
في ضيقي وألمي أنا باناديه
وفي درب الغربة بالاقيه
أب حنين باجري عليه)٢
٣- (يرجع تاني الفكر يروح
يسبح فيه ويهيم بالروح
ليه سلطان يشفي المجروح
ويردله من تاني الروح)٢

١- (خليني أقدر حبك ليَّ
وأقدر أشوف الجاي بعينيك
يومها الضعف هايصبح قوة
والمجد يعود تاني إليك)٢
(وأتحرر أنا من ضعفاتي
وغروري وحبي لذاتي
وتعود تاني تشكل فيَّ
وأرجع ساجد خاضع ليك)٢

٢- (ترويني من فيض أنهارك
ويفيض زي النهر سلامي
وعدك ليَّ إن انت تجدد
مثل النسر يارب شبابي)٢
(وأرفض ضعفي وأقوم وأتشدد
وأدوس على كل الشهوات
وأكبر تاني وأتقدم وأثبت
بيك تحقيق المستحيلات)٢

٣ – (حتى إن هاج الكون قدامي
أو لو حتي الكل عاداني
عمري ماهابعد يوم عن حضنك
ولا يوم هانسى مين اللي فداني)٢
(كل كلام الشكر ساعتها
عمره ما يقدر يوفي غناك
فرحان بيك صار ليَّ بنوة
وشوق قلبي أعيش وياك)٢

١- (نورت لي سنين الغربة اللي ملاها خوف وأحزان
رجعت لي معاها الفرحة وخليت قلبي يعيش فرحان)٢

القرار- (رديتني بإيدك الحلوة وعليتني رسمت طريق
لحياة كان الموت نهايتها ودلوقتي ليها بريق)٢

٢- (خايف ليه من يومي وبكره وعايش مهموم حيران
ما أنت اديت لحياتي المعنى والجاي معاك في أمان)٢

٣- (وأشكر بسجود وايمان عالحاضر والآتي كمان
وقت الضعف ووقت الضيقة تملاني بخير وسلام)٢

١- (سر جمالي في قربك ليَّ
حتى ولو في إنائي فساد
بتكملني وعودك ليَّ
بقوة في ضعفي بتدي ثبات)٢

القرار- (بتجملني وبتكملني
وتهدي ظلامي بعمود نار
تيجي بروحك وتكلمني
وشايفك رابع في أتون نار)٢

٢- (بتشكلني بإيد الصانع
تروي بمية الأرض البور
ولو جُرِّبت كمحص الفضة
هاخرج زي الطير للنور)٢

٣- (زي الطين في إيدين فخاري
تصنع بيَّ أمر جديد
تحرق كل شوائب فيَّ
وسط العتمة تشق طريق)٢

١- (عمري ما هاقدر أوفيك حقك أصلك فيض نابع فياض
ولا يمكن أوصف مدى حبك اللي حواني وصار لي ميلاد)٢

القرار- (شكراً ليك عالحب الغالي اللي ما عمري في يوم هانساه
شكراً ليك عالدم الغالي اللي سترني وكان لي فداء)٢

٢- (مهما أتكلم ما أقدر أعبر حبك فاق كل الكلمات
اللي نطق وهاينطق بيها قلب حييته بعد ما مات)٢

٣- (خليني أنسى كل ما بيَّ وأفضل ناظر ليك قدام
ويفيض نهر سلامك فيَّ مهما واجهت حروب وآلام)٢

١- دايماً غالي على قلبك
ومكاني محفوظ في عينيك
مش ممكن يتغير حبك
ولا يمكن هاتسيبني إيديك

القرار- طول ما أنا عايش هافضل أغني
ياللي ضمنتلي نجاتي
شايف فيك أملي وغايتي
وحقيقة تكويني وذاتي
طول ما أنا عايش هافضل أغنيلك

٢- دايماً محتاج لك ترفعني من اليأس
وفي ضعفي وعجزي بالاقيك وأنا جنبك جبار البأس
٣- واثق في جلالك واتكالي وأموري عليك
وأنا مسبي ومأسور بجمالك أنسى الكل وأفكر فيك

١- (مش كلمات بيقولها لساني
دي اختبارات برموز ومعاني
واثق فيها هايسطع حقك
بعد الغيمة اللي محوطاني)٢

القرار
(شايف شمس الحب بتشرق
تيجي من تاني وتحيي عظامي
سايب إيدك فيَّ تشكل
تعمل نهضة تهز كياني)٢

٢- (ترعاني ربي بكمال قلبك
وبمهارة تهديني إيديك
وتعرّفني سبل برك
وألقى رجائي بيثبت فيك)٢
٣- (عملك يظهر فيَّ بروحك
اللي بيدي القلب طمان
وألقى مسار العمر اتحول
علشان إنت أمرت فكان)٢

١- مين اللي يقدر يخلق في قلبي
من بعد حيرته إنسان جديد؟
ومين اللي يقدر يشعل بحبه
أشواق لمجده، وأفراح تزيد؟

القرار- مين غيرك أنت؟ مين زيك أنت؟
أنت ومفيش غيرك يصون
مين غيرك أنت؟ مين زيك أنت؟
قادر بكلمة وإله حنون

٢- مين اللي نوّر عينيَّ؟
في ظلامي وأنا عبد وأسير
ومين حررني من العبودية؟
وخلاني أحيا حر وأمير

٣- مين اللي في إيده يملاني أمان؟
وسلامه يبان وسط الأحزان
ومين اللي بلمسة من روحه
يشفي لي جروحي وأعيش فرحان؟

١- (هاصمد رغم الحرب عليَّ
وهاعلن حبك مهما يكون
وأنسى أوجاعي وكل ما بيَّ
وجبل الصعب معاك هايهون)٢

القرار- (في طريق بتكون فيه النعمة
هي السندة وسور من نار
تحاوطني برعايتك ليَّ
وتبقى لي راحة لآخر الدار)٢

٢- (عمري ما هاقدر يوم راح أسييك
حتى ولو إحساسي أنا مات
ده أنت وجودك نوّر عمري
وحيا في قلبي حنين كان مات)٢
٣ (ولما باحس إن أنا مقفول
وصلاتي فاترة وعادية
بادخل مخدع ربي وأقوله
اروي حياتي البور بالمية)٢

١- (هانسى آلامي وكل صراعي
وأسكن حضنك ربي حبيبي
تيجي وتفرد تاني شراعي
تبقى السندة في كل طريقي)٢

القرار- (وأنسى الماضي بكل ما فيه
وأحيا الجاي تاني بإصرار
وأسمع رنة فرح تدوي ً
بعد مرار الحزن ما دار)٢

٢- (وأشهد إنك ربي بتروي
من ينبوع فايض أنهار
وأترك أرض الغربة وأعدي
راجع بيت الآب والدار)٢
٣- (وعدك ليَّ في وقت الضيقة
كلمات نعمة وشمعة مضيئة
بتنور لي غيوم الغربة
وتعيشني إيماني حقيقة)٢

١- (لما باحس بيومي يقرب
وإن لقايا معاك هايكون
قلبي بيفرح شايفك جنبه
أحلى حقيقة لأجمل يوم)٢
(يوم اللقا بعد الأتعاب
وحنين زايد رغم الألمات
جاي خلاص ياخدنا أكيد
وسامع صوته على الأبواب)٢

٢- (ولما الضعف يشدني تاني
أرجع من تاني وأبص ورايا
ألقى صليبك عنوان فرحي
أحلى حقيقة لكل حكاية)٢
(أنا من الفرحة طاير وباغني
مجد سماوي هناك مستني
ناس تضايق وناس بتهني
لكن قلبي ثابت متهني)٢

٣- (وأنا شايفك جاي على السحاب
بقوة تزلزل كل قيود
تيجي وتحررني من الذات
وتملى قلبي بخير وبجود)٢
(أيوه خلاص الغربة دي هانت
شايف الحق وعلامات بانت
والنبوات بدأت تتحقق
وفجر قيامتك واضح ثابت)٢