عهد الحب (11 ترنيمة )

١- (أدنو أليك سيدي لدفء حبك الغني)٢
فاملك حياتي مرشدي لتسمو أنت داخلي

القرار- (آياتك تحيط بي وحضنك يضمني
ونورك يضيء لي أمسي ويومي وغدي)٢

٢- (إلهي منك قوتي في ضيقي لي تعزيتي)٢
ففيك ألقى راحتي ملاذي كل مُنيتي
٣- (يمينك تردني في رحلتي وغربتي)٢
وصوتك يعزيني في وحدتي لسلوتي

القرار – (أنا جــاي أرنم لحبيبي
لإلهي الحي اللي فداني
اللي بحبه غطى عيوبي
واللي بثوب البر كساني)٢

١- (وإداني اعيش حر في شخصه
ومنحني الحق أكون ابنه)٢
(وغمرني سلام وإداني سلطان)٢
(وهارنم طول عمري لحبه)٢

٢- (دُقت معاه طعم الحرية
ومنحني سعادة أبدية)٢
(نِلت الغفران وبقيت فرحان)٢
(وباهلل لإلـــــــهى فاديَّ)٢
٣- (هافضل عمري الجاي أشهد له
وبــــــنور إعلانه هاعيش وعده)٢
(هاسكن في حماه وهافوز برضاه)٢
(وهاعلّي في وسط الكون مجده)٢

١- (حاسس بوجودك في حياتي
شاعــــر بحنانك يا يسوع
حُبك يروي عطش أيامي
ويشبعني من بعد الجوع)٢

القرار– (واثــــق فيك خـــاضع ليك
كل حياتي دي ملك إيديك
بانـشد ليك وأهــــتف ليك
طول أيامي مجداً ليك)٢

٢- (بالمس فيك فرحةأيامي
وأرمـي بكل حمولي عليك
ألـقى في حضنك كل ضماني
ياللي ناقشني على كفيك)٢
٣- (سامع صوت الحق في وعدك
قوة بـــتدّي القلب ثبات
تـــسند ترفع تُعلِن حُــــــبك
وقت تحدي المستحيلات)٢

١- (عايزك طول الرحلة معايا
ترعـــــــاني بفيضك وغِناك)٢
(مشتاق ربي تكون دي بداية
لخطوة جديدة باخدها معاك)٢

القرار – (وأسمع وعدك ليَّ يقول
على الأذرع هاتكون محمول)٢
ماتخافشي أنا ليك هاحميك
وفي ضعفك نعمتي تكفيك

٢- (ولا ضعفي ده راح يلغي أمانتك
ولا صورتي هاتصغر في عينيك)٢
(وقت خيانتي مفيش غير حُبك
يقدر وحده ياخدني إليك)٢
٣- (ووعدت بسلطانك ليَّ
وكان دمك عربون لنجاة)٢
(يضمن لي الأيام الجاية
وما أحلاها الحرية معاه)٢

١- (عمري ما هاقدر أوفيك حقك
أصـــــلك فيض نابع فيّاض
ولا يمكن أوصف مدى حبك
اللي حواني وصار لي ميلاد)٢

القرار –(شكراً ليك ع الحب الغالي
اللي ما عـمري في يوم هانساه
شكرا ليك ع الدم الغالي
اللي سترني وكان لي فداء)٢

٢- (مهما أتكلم ما أقدر أعبر
حُبـك فاق كل الكلمات
اللى نطق وهاينطقبيها
قـلبي حييته بعد مامات)٢
٣- (خليني أنسى كل ما بيَّ
وأفضل ناظر ليك قدام
ويفيض نهر سلامك فيَّ
مهما واجهت حروب وآلام)٢

١- (مـن نصر لنصر نقوم غالبين
من فـــــــــرح لفرح ولو في أنين
وبمجد وعــز ندوس عابرين
على كل حصون إبليس قاهرين)٢

القرار– (ضامـنين الـغلبة مع المســيح
رافـعين له رايات التـسبيح)٢

٢- (في الغربة هنا هانعيش في هناء
نستنى لُقاه ده ما أحلى بهاه
ياخـــــــدنا معاه نسكن في سماه
هـــــــو اللي دعانا لمجد الله)٢

٣- (ونعيش أحــــــــــــرار ويا الأبرار
وطــــــــول المشوار ويانا البار
نــــــخطف من النار ده إله جبار
والروح في حياتنا يكون له ثمار)٢

٤- (وجديد في جديد والــــــــفرح يزيد
هانغني ونهتف له بأناشيد
وحـــــــــــــياتنا معاه هاتكون تمجيد
ويـــــنوَّر فينا بفجر جديد)٢

(نحمدك وندعو باسمك
ونخبر دوماً بصنيعك)٢
غنوا له رنـــــــــموا له
قدموا له كل التمجيد
غنوا له رنـــــــــموا له
فيعلوا الهتاف بصوت النشيد
(فليفرح بيه مـــلتمسوه
ولينشدوا له ويمجدوه)٢
(اطلبوا الرب قدموا الحمد
والتمسوا وجهه في كل حين)٢
غـــــــــــنوا له رنموا له
غنوا له رنـــــــــموا له
قدموا له كل التمجيد
غنوا له رنـــــــــموا له
فيعلوا الهتاف بصوت النشيد
(واذكروا ما صنع
مــــن آياتٍ وعجائبِ)٢
(هـــــو الرب إلهنا)٤
(خالق المسكونة سيد الشعوب)٢

القرار – (نحو غنى أمجادك تجذبني أسير
نحو ظلال حبك أدنو أيا قدير)٢

١- (أشتاق أن أراك أعيش في حماك
أبقى جوار صدرك تتكئني يداك)٢
(تحملني يمينك من مهدي للمشيب
تضمني وتبقى لي مدى الدهر قريب)٢

٢- (ترعاني كل أن تشعرني بالأمان
وتضىء شمس برك من حولي المكان)٢
(فأراك ربى عاضداً وبالحب تصون
لضعفي دوماً سانداً ولي أباً حنون)٢
٣- (تقدس للتمام يا مشبع الأنام
تقتاد أنت خطوتي دوماً إلى الأمام)٢
(تغمرني تجبرني تحيي عظمي الرميم
تملأني تدخلني معك دار النعيم)٢

١-(هاتحدى معاك وأغلب وانا بيك
والزمن الصعب معاك هايغيب
ويقوي الروح إن إنت معاي
وضماني إني مضمون فيك)٢

القرار- (وألاقي سلامك جوه عروقي
قوة مش كلمة في خوف تنقال
والحب الساكن جوه ضلوعي
برهان قاطع إنك وياي)٢

٢- (بتعود وبتحيي لما أرجع ليك
راكع ساجد عند قدميك
ويطمن قلبي عهد الحب
اللي ضمنته لما بقيت ليك)٢
٣- (ويقين صارخ فوق كل عيان
يتحدى ويعلن بالإيمان
إني أنا رح أدوس عالخوف وياك
وهاعدي معاك وادي الأحزان)٢

١- (هدفك إني أسيب الغالي
وتبقى حياتي وكل آمالي)٢
وأكون ابنك اللي اختارته
يحيا بحُبك فوق في العالي

القرار – (وأكيد قصدك إني أنا أكبر
في خطة مجدك فيها بيظهر
جاي وباسلم وأخضع عمري
لإيدين كل هدفها تكبر)٢

٢- (يوم عن يوم باكبر وياك
لحظة بلحظة باسير في خُطاك)٢
حُبك ينبض جوه في قلب
كل أماله يفوز برضاك
٣- (خدني بعيد عن كل الناس
خليني ربي أتمسك بيك)٢
وأقدر أبشر بيك بحماس
وأفضل حاطط عيني عليك

١- (يمكن أكون غلطت امبارح
وبقيت كل حياتي ضياع
لكن ثقتي أن أنت تسامح
وتصحح فيَّ الأوضاع)٢

القرار– (يارب اختبرني
واكشف لى ع اللي في قلبي
أرجعلك وتطمني
بوقوفك دايماً جَنبي)2

٢- (يمكن أكون ضعيف جوايا
وعيوبي تعباني كـــــتير
ولا ينفعني ألاقيلها نهاية
غير إني ألجأ لك يا قدير)٢
٣- (يمكن أكون مش قادر أنسى
غـــلطاتي وغلطات الغير
عاوز أتعلم إزاي أنسى
شر أخواتي وأقابله بخير)٢
٤- (يمكن أكون محتاج لأمان
نفسي أحسه ولو لحظات
وأنسى مخاوفي وحزن زمان
وكأنه راح عني ومات)٢