شوق القلب (13 ترنيمة )

١- (أخاف من إيه وإنت
شايلني وشايل شيلتي
هايحصل إيه ما هو إنت
وعدت وقلت هاتوفي)٢

القرار- تدابير بشرية وجهود أرضية
مليانة زيف وخداع وأنين وفشل
معونات سماوية وخطط إلهية
تملى حياتي يقين وإيمان ورجاء وأمل

٢- (حروب وكروب كنت
معايا ترس بيحمي
وأنا وياك عمري ما ظهري
هايكون محني)٢
٣- (مش هاتزعزع واثق
فيك ما أنت راعيَّ
وقت الضيق شط
ومرسى وأحلى معية)٢

١- (إلهي ربي منجدي
معيني سندي منقذي
(في وقت ضعفي تقويني
وفي المسير تقودني)٢

القرار- (فلن أعيش دونك
وعمري يحلو بقربك
فتسمو أنت بداخلي
وأسكن في سترك)٢

٢- فراحتي في قربك
ملاذي فيك أنت وحدك
القائل والآمر كن فيكون
السيرافيم والشاروبيم لك يسجدون
إله أمانة لاجور فيك
من يعادلك بين بنيك

١- هارفع عيوني لشخصك
وأحتمي في ظلك وأبات
كل تنهيدة في سنيني
والدموع ويا الآهات
هاجري وأرميها في ثواني
وأترمي في حضنك قوام
هامسك في وعدك وأصدق
إنه فعل ومش كلام

القرار- (إنت أقوى من ظروفي)٢
إنت فوق كل المحال
إنت أقوى من ظروفي
إنت فوق كل المحال
وإن ملاني في مرة خوفي
(كلمتك بتزيح جبال)٢

٢- هاقضي طول العمر أشهد
عن عنايتك في الطريق
عن عظيم حبـــك وجــودك
ليَّ يا أعظــــــم رفيق
وبإيمــان هاعلـن وأخـــــــــبَّر
عن صلاحك في الحيـــاة
وفي سلوكـي قلبي يعلن
إن فيك كـــــــــل النجـــــاة
٣- إنت في الشدة سنيدي
في الضيقات إنت المعين
تبقى فرحي وكل عيدي
مهما كان شكل السنين
في ضعفي فيك بالقى المعونة
وألقى فيك نعم الشفيع
ستري في أيامي وسنيني
ملجأ القلب المنيع

١- (بنعليك فوق كل الكون
وبنرفع بهتاف أغانينا
ونسلم ليك مهما يكون
مهما تزيد الحرب علينا)٢

القرار- (طول مشوارنا وأنت معانا
روحك يرشدنا في خطاوينا)٢
طول ما رعايتك نبع عزانا
(عمر ما حاجة هاتقوى علينا)٢

٢- (بنسبح اسمك يا مليك
ونقدم ليك أحلى تيجان
بشكر وحمد هانسجد ليك
عالحاضر والآتي كمان)٢

٣- ( صوتك فينا بيعلن لينا
إننا فيك هانكون غالبين
حبك هو النور لعينينا
يعلن قوة دم ثمين)٢

١- لما الكل قصادي بيبهت
ومعنى الحب بيبقى كلام
ألاقي إيديه بالحب اتبدل
سنين أوجاعي وتدي سلام
ولما آلامي تزيد جوايا
وأعيش مش قادر أشوف النور
وتبقى الروح جوايا مطفية
أشوف في ضيائه أمان وسرور

القرار- (ويبقى رجاء بيملى
فراغ قلوب مكسورة
ونور وضياء لوجهه
يجمِّل تاني الصورة
وخير وأمان بيجي
ويبني حطام مكسورة
(ويدي شفاء يحرر
أروحنا المأسورة)٢

٢ وأعيش أفراح السما عالأرض
بخطة عظيمة أعدها ليَّ
ويجي يثبِّت فيَّ إيماني
ويملي حياتي بنعمة غنية
وروحه يحل ويملى المشهد
ونبع سلامه يسود ويبان
على أفكاري وكل حواسي
وأشوفه بعيون الإيمان

١- (ليه تدور على حبك بره
دايرة حب الرب إلهك
مهما تلف وتشوف بره
هاترجع تاني تجوع لمكانك)٢

القرار- (حب وحيد صادق مضمون
يملا فراغ قلبك بسلام
يرجع تاني الحب يكون
مصدر فرح بيدي أمان)٢

٢- (ولا راح تعرف معنى الحب
ولا يمكن تملكه في زمان
ضيّع أسمى معاني الحب
في كره وبغضة وضيق وخصام)٢
٣- (حب بحبه تفيض بمحبة
بعد ما حبه يمس القلب
يومها هاتعرف تعلن حبه
لعالم ناسي لمعنى الحب)٢

القرار- (في ستر العلي مكاني
فيه حصني وكل أماني)٢
(ده ترسي ونبع سلامي
وتحت جناحه هاحيا وأكون)٢

١- (مش خايف ظلام الليل
ولا شر وهلاك ولا ويل)٢
(ده إلهي في ستره حافظني
وماشي معايا صبح وليل)٢

٢- (مش شايل ليومي هموم
عارف لو وقعت هأقوم)٢
(جوه في نني عينه حافظني
ومن غدر الزمان هايصون)٢

٣- (أوجاع وحروب ووباء
تنهيها وتدي رجاء)٢
(لوكان طعم يومي أنين
هالمس تعزيات السماء)٢

١- سامحني يارب ع التقصير
وعالتفكير في ياما حلول بدون داعي
ورغم إني أنا الغلطان
تملّي إنت اللي بتراعي
باغيب اوقات كتير وأرجع
وباعمل ياما مش باسمع
وأروح وأغيب
وأجيلك وقت مـا أحتاجك بدون ترتيب
وردك برضه يبقى عجيب
عجيب دايماً فـي غفرانك، في إحسانك
غريب إنك بتحنو كتير عليَّ اللي كتير زمان خانك

القرار- سكك ودروب
باقضّي العمر كله هروب
وبرضه يا دوب ما أجيلك وأبدأ أتكلم!
ألاقي الرحمة تتكلم بقيت محبوب

٢- وجودك جنبي أصل الخير
وعالتبرير أنا آسف قوي وغلطان
فـي غيبتك دُقت مُر قاسيت
وجيت فقابلتني بأحضان
عرفت إن البعاد ده هموم
فـي بعدك فرحي مش هـايدوم
باشوف وباعيش
وبارجعلك تقول إن إنت مانستنيش
وباسأل ليه؟؟ ترد مفيش
حاببني حتى لو غلطان، ولو ندمان
حاببني وناسي غلطاتي
وجنبك مش بـابات زعلان

١- (شوق القلب إن كان تاه عنك
عمره ما يقدر يبقى بعيد
ده إنت اللي مليت قلبي بحبك
وإنت اللي اديته عمر جديد)٢

القرار- (يبعد جايز يضعف يمكن
لكن عمره ما ينسى إيدين
في سنين ضعفه وبعده وحيرته
ضمته ليها بكل حنين)٢

٢- (فاض القلب بحبك ربي
وابتدى تاني يغني غناك
ورجع يهتف زي الأول
بمباهج عشرته وياك)٢

٣- (هارجع أغني وأمسك قلمي
وأكتب تاني ليك وهاقول
إنك جنبي وشايف أملي
جوه في عينك مهما يكون)٢

القرار- (أبعد جايز أضعف يمكن
لكن عمري ماهانسى إيدين
في سنين ضعفي وبعدي
وحيرتي انتشلتني بكل حنين)٢

١- (نفسي أنمو معاك في النعمة وأعلى فوق كل الشهوات
طول ما أنا ناظر ليك قدامي هاسمو بحبك وأعلى معاك)٢

القرار- (غيرني بإيدك يا إلهي وارويني من الينبوع
أرشدني وزيد فيَّ إيماني وخلي هتافي علم مرفوع)٢

٢- (حبك يضمن ليَّ وجودي في خطة عمر غايتها رضاك
املك فيَّ وفك قيودي وخلي حياتي تهيم في سماك)٢
٣- (دايماً ماشي معايا في الغربة سياج حولي وسور من نار
تسند قلبي وتديني قوة مالي حياتي بفيض أنهار)٢
وتقولي يا ابني لا تخاف وثبت نظرك فيَّ تملي وهاملي حياتك فيض وهتاف

١- (لما يكون قلبك مكسور
وسط عالم مليان أحزان
حتى إن كنت في وقت فتور
هايملى حياتك خير وسلام)٢
(ويحول حزنك أفراح
وتعيش كل الجاي مرتاح)٢

القرار- (ويبقى الفرح في وقت الضيق
وإيده الساندة في كل طريق
ويدي البهجة مع الأفراح
ويجي يداوي كل جراح)٢

٢- (ولو كان يومك طعمه آلام
وتهت مشيت ورا الأوهام
ينوّر عمرك بنور وإيمان
وتلمس روح إله حنّان)٢
(وتلقى الراحة هنا معاه
وترجع تسكن في حماه)٢
٣- (ومهما يكون حواليك في جروح
هايشفي الجرح وهايعزيك
وتقدر يومها تعيش بالروح
وفيض من بركة هايملى عينيك)٢
(وهاتفرح باللي بيديه
وبحبه يسود ويكفيك)٢

١- (ياللي ضمنت حياتي في شخصك
واللي حياتي ارتبطت بيك
شايف عمري بيحلى بقربك
لما باسلم وأخضع ليك)٢

القرار- وتدي نجاح وأشوف أفراح وخير بيعم هنا في أراضيك
يفيض ويزيد بفيض أنهار في عمري أنا عايشه عشان يرضيك

٢- (وتيجي تجدد ليَّ حياتي
معاك راح تحلى وهاتكًون أحلى
ونورك يشرق طول أيامي
يملالي قلبي بفرحة وبهجة)٢
٣- (ويوم هايعدي ويجي التاني
وألاقي إيديك في الضيق سنداني
وأثبت قدمي معاك وأكمل
ويظهر عملك معنى كلامي)٢