محبوبين (12 ترنيمة )

(أسكب طيبي عند قدميك
كل حياتي ملكاً لك)٢

جعلتني هيكلاً مقدساً
ومقراً لسلطانك
رفعتني عليتني إلى القمم
سأشدوا دوماً لاسمك
فمن أنا لتهبني حياة
ومصيري كان الموت
لذا طوعاً سيدي
سلمتُ مشييتي
لمن بحبه نجوت

١- لما تمد إيديك بالحب وتشفي عيوني
لما لأول مرة النور بيملا جفوني
لما حنانك يغمر قلبي وينهي ظنوني
قلبي يغني حبيبي لحبك أنا مديون

القرار- (أنا مديون.. أنا مديون
يسوع حبيبي لحبك أنا مديون)٢

٢- لما الرحلة تطول وإيدك تفضل سانداني
لما في وادي الموت تحميني وتبقى أماني
لما حياتي تبقى في إيد رب بيرعاني
قلبي يغني حبيبي لحبك أنا مديون

٣- لما أتغير وأرجع وأنسى كل عهودي
لما هابيعك وإنت الغالي وسر وجودي
وإنت بفيض الحب تقابل كل جحودي
قلبي يغني حبيبي لحبك أنا مديون

(أيوه أنا.. اللي قلبي ضاع وتاه
أيوه أنا.. أنا أول الخطاة)٢
أيوه أنا سمعت النداء وراجع لحضن الإله
بالف عمري وقلبي وارجع للحنان
حبه بيغفر يحتوي حتى اللي خان
رغم إن أنا إنسان ضعيف هو بسلطان
من الحطام يخلق حياة يحيي كيان
أنا راجع للحياة ليسوع رب الأرباب
هاتحرر من اللي فات أنا راجع للكتاب
وهاعيش حياة النور مهما السنين بتدور
هو هايفضل إلهي يسوع صخر الدهور
أيوه أنا

١- اشفي بلدنا من الإرهاب
اشفي نفوسنا من الإحباط
اكشف كل زيف وضلال
و(ابعت مطرك)٢ بالبركات

القرار- وحقك يملا أراضينا وتشوف حضورك نور
يغير حزن أوجاعنا ويعدي كل سور
والفرحة تكسي شوارعنا ننسى سنين الحداد
وخيرك يجي بلدنا ونشوف وقت الحصاد

٢- خلي بلدنا منارة وباب
يشهد عن نور الإنجيل
نملا بيوتنا بالصلوات
(نهتف مجدك)٢ ماله مثيل

٣- امسح أفكارنا بالروح
بالنعمة تشفي الضعفات
نتغير عن أشكالنا
(نشهد عنك)٢ باختبارات

١- بقلوب فرحانة بنعلّي غُنانا لاسم اللي فدانا نرفع تسبيح
هاتوا الأوتار عود ومزمار غنوا الأشعار لاسم المسيح

القرار- (قولوا هللويا هللويا)٢
هللويا هللويا
(لاسم المسيح هللويا)٢

٢- ندخل لحجاله نشبع بجماله نهدي لجلاله أحلى الأناشيد
يملانا نوره يغمرنا سروره نهتف في حضوره حمد وتمجيد

٣- مين زي إلهنا لمقامه رفعنا ومعاه أجلسنا في السماويات
بقى هو فرحنا وهدف أهدافنا ومعاه بعيوننا بنشوف آيات

القرار – (بِيحبِّنِي مِش لأنِّي أنا حَبِّيتُه)٢
(هوَّ الِّلي بَدَا بالحبّ قَبل ما جِيتُه)٢

١- (ولأنِّي خاطي وعبد رفضته وعاديتُه
وللجحيم أنا ماشي وعمري ما ناديتُه)٢
حَوَّطني بالحبّ وأشرق في قلبي النور
خبّط على بابي فتحت له وِملاني سرور
هوَّ الِّلي بَدَا بالحبّ قَبل ما جِيتُه

٢- (يا بَهجِتي بالِّلي دعاني وأنا لبِّيتُه
وقال لي: إنت ابني الغالي اللي حميتُه)٢
في الأرض هدايَة وفي السما أنا عندي ميراث
وكل ما لِيَّ صار مِلكك ما إنت ابني خلاص
هوَّ الِّلي بَدَا بالحبّ قَبل ما جِيتُه

١- رأيتُك في الجلجثة معلقاً مرفوعاً مجروح
ونظرتُ لوجهك حاولتُ ألا أسألك
لماذا اخترتَ طريق العذاب؟
لما اخترتَ العقاب وأنت القدير؟
لما لم تترك خطاةً مثلي أنا للهلاك؟

القرار- (إلهي كيف احتملتَ عني كل هذا العار
حبيبي صليبك فخرٌ ليَّ يا بار)٢

٢- لو كنتُ وحدي شارداً لو كنتُ خاطي الأرض الوحيد
لو كان العالم مليئاً بالأبرار ووحدي قد رفضتك بقلبي العنيد
هل كنتَ ستختار طريق العذاب؟
هل كنتَ ستختار العقاب وأنتَ القدير؟
نعم كنتَ ستأتي ربي من أجلي أنا وحدي

١- (لما صوت اليأس يعلا
مهما صمت الحق طال
لما الشر يزيد ويملا
والأمل يصبح محال)٢

القرار- تيجي في رابع هزيع
تأسر الكل لصليبك
ينسبي حتى اللي رافضك
واللي يفكر يوم يسيبك

٢- لما يملا الزيف حياتنا
والجاني يصبح بريء
لما الظلم يزيد آهاتنا
والبيبان تبدأ تضيق

٣- لما يبان الحب ضعف
وسط دعوى الانتقام
والأمين قصاده ألف
من جنود جيش الظلام

القرار- شايل صليبي
باتبع مسيحي وده سروري
زي حبيبي
قانون الحب دستوري
باتبع حبيبي شايل صليبي

١- ربي مسيحي
جه في صورة عبد علشاني
حامل أحزاني
وبيملا عمري بأغاني
حتى في أوجاعي
إلهي إيده سانداني

٢- حامل سماته
وهدف حياتي أكون شبهه
قلب الوداعة
المتواضع الله رفعه
هو أرسلني
قلبي الباكي أمسح دمعه

٣- غيّر العالم
بالحب هاغيّره معاه
والكل يعرف
ده مفيش مخلص إلاه
لما يلاقوا
ملح ونور أولاد الله

بالحقيقة نؤمن بإلهٍ واحد
الله الآب، ضابط الكل
خالق السماء والأرض
ما يُرى وما لا يُرى
نؤمن بربٍ واحد يسوع المسيح
ابن الله الوحيد
المولود من الآب قبل كل الدهور
نور من نور، إله حق من إله حق
مولود غير مخلوق، مساوٍ للآب في الجوهر
الذي به كان كل شيء
هذا الذي من أجلنا نحن البشر
ومن أجل خلاصنا
نزل من السماء وتجسد من الروح القدس
ومن مريم العذراء
تأنس وصُلب عنا على عهد بيلاطس البنطي
تألم وقُبر وقام من بين الأموات في اليوم الثالث كما في الكتب
وصعد إلى السماوات، وجلس عن يمين أبيه
وأيضاً يأتي في مجده ليدين الأحياء والأموات
الذي ليس لملكه انقضاء
نعم نؤمن بالروح القدس
الرب المحيي المنبثق من الآب
نسجد له ونمجده مع الآب والابن
الناطق في الأنبياء
وبكنيسة واحدةٍ مقدسةٍ جامعةٍ رسولية
ونعترف بمعمودية واحدةٍ لمغفرة الخطايا
وننتظر قيامة الأموات وحياة الدهر الآتي آمين

١- مؤمنين بالفدا ومحبوبين
مش خايفين بالإيمان مش متروكين
مطروحين ومش يأسين
وبجناحك محميين من الشرير

القرار- يا قدير وحدك صاحب السلطان
والمصير في إيدك مش إيد إنسان
وإحنا مش في مهب الريح
إحنا جزء من المسيح القدير

٢- أقوياء بقوة دم الحمل
والإيمان يقدر ينقل الجبل
فيك رجانا والأمل
وإنت تكمل العمل والتحرير

٣- الحصون هانشوفها وهي بتنهار
بعد الليل دايماً هايجي النهار
بالتسبيح تقع الأسوار
إنت يا إلهنا جبار وقدير

يا أحن القلوب خالقنا وفادينا
يا صبرك علينا يا ماحي الذنوب
ومهما قسينا لسه بتنادينا
وباقي علينا جايين لك نتوب
متحمل عنادنا وقلب القساوة
نضيع حياتنا تفديها بغلاوة
يا ربي سامحنا وليك رُد روحنا
وضمد جروحنا يا أحن القلوب