إديتني إرادة (3 ترنيمة )

القرار- (انت يارب اديتني إرادة كسَّرت محيت كل قيودي
اديتني وبغنى وزيادة نوَّرت مليت كل وجودي)2

1- (كنت زمان عايش مأسور وسط خطية وخلف السور
لما قابلتك انت يا ربي خلَّصتني من كل شرور)2
2- (شكراً ليك على عملك فيَّ أمانة وجود نعمة غنية
اديني أشهد كل حياتي أهتف أقول فيك الحرية)2

القرار- (شكراً ليك يارب شكراً من كل القلب)2
(على صنيعك معايا وإحسانك إليّ)2
شكراً ليك يارب .. شكراً من كل القلب

1- [(شكراً على يوم جديد قلبي فرحان سعيد)2
من يوم ما دخلت عمري واديتني قلب جديد]2
شكراً ليك يارب
2- [(شكراً على خير كتير دايماً قلبك كبير)2
تديني أكتر ما باطلب بسخاء وبدون تعيير]2
شكراً ليك يارب

القرار- (في خيام الصدّيقين يعلا صوت التسبيح
وهتاف المفديين بيمجِّد المسيح)2
(يعلا صوت التسبيح ونمجِّد المسيح)2

1- 1- (تسمع صراخ البار وتنجي باستمرار)2..
2- 2- (تطفي لهيب النار وتنجينا)2

2- (تصنع طريق نجاة تُعطي خبز الحياة)2..
(صخرة تنبع مياه وبتْحيينا)2

3- (معانا في التجارب وانت عنّا تحارب)2..
(ودايماً فينا غالب وتعلّينا)2

4- (بتشدد الأيادي وتقهر الأعادي)2..
(وبكلمتك بتنادي وبتهدِينا)2

5- (يفضل هتافنا ليك نشهد إنك مليك)2..
(نوصل ديارنا بيك تفضل لينا)2