إنت إلهي (6 ترنيمة )

أحلى مكان في حضن أبويا
أحلى مكان عز وأمان
في بيت أبويا عز وأمان
في البعد جوع ومافيش حماية
وباكون أسير
وقت الرجوع فيه الكفاية قلبه الكبير
(أجري وأروح بين دراعيه شوق وانتظار شفت ف عينيه)2
في أحلى مكان في أحلى مكان

القرار-
(أنا اسمي الابن المحبوب على قلب فاديَ المصلوب)2
(قام وكمان قوّمني معاه)2
اسمي بقى في سفره مكتوب أنا اسمي الابن المحبوب

1- (قام وضمن لي الأبدية مش بس اداني حرية)2
(وبقيت هيكل ساكن فيه)2
روح الله ويقود خطاويه أنا اسمي الابن المحبوب
2- (وبقيت ابن وارث وياه كل الخير وكفاية رضاه)2
(نصرة وعزّة اداني سلطان)2
دي وعوده بالنسبة لي ضمان أنا اسمي الابن المحبوب
3- (ف يوم هايجي على السحاب يخطفني أنا والأحباب)2
(بوق وملائكة وعُرس كبير)2
وأشوف بعينيَّ القدير أنا اسمي الابن المحبوب

القرار- (انت إلهي غني وقدير ياما بإيديك اديتني كتير
دايماً تشبع نفسي بخير أنا بافتخِر إن انت إلهي)2

1- (شخصك وحدك هو الصخرة باحتمي فيها أنا يومي و بكرة
وإن هاج من حواليا الريح ضامن فيك أنا كل النصرة)2

2- (وعدك ليَّ ده نور وسراج ولغيره عمري ما أحتاج
هي الكلمة ف إيدي السيف ورعايتك حواليا سياج)2

القرار-
(لو يعرفوك يا إلهي راح يقبلوك في الحال
ما إنت ع الكل بتنادي وقربك بيريح البال)2
1- (لما يجولك راح يشوفوا شخص الفادي اللي بموته)2
(خدنا أحنا حياة وأتبرأنا لما قبلناه بدمه غسلنا
وغفر خطايانا وأثامنا ونعيش من خيره ومن جوده)2
لو يعرفوك يا إلهي
2- (تدخل حياتنا وتغير تدي بساطة طفل صغير)2
(منالظلمة بتنقل للنور وتملا القلب بكل سرور
ومهما الحرب ها تدور عدوي ها يتعب يتحير)2
لو يعرفوك يا إلهي

القرار- (ده في كل ساعة وفي كل ثانية باشوف إلهي هو الأمين
ده ف حضنه راحة وماسك إيديا وبيعلن إنه وحده المعين)2
وحده المعين
1- (ويا التجارب يديني مَنفذ وفي المصاعب ييجي وينقذ)2
(عمري ما بحس إني لوحدي ليل ولّا نهار نُوره بيهدي)2
تحت الجناحين أنا متخبّي طول الزمان.. طول الزمان
2- (يوم ضعفي هو بوعده يشجع يمنحني قوة أقوم وأرجع)2
(يرجع زي النسر شبابي وأحلّق فوق كل أتعابي)2
واتحامى في الجناحين تاني أنسى اللي كان..وأنسى اللي كان
3- (ده ضماني إنه على طول معايا وأماني منه وشبعان رعاية)2
(وقت همومي يلذذ نفسي ينقذني من حفرة يأسي)2
خوفي تحت الجناحين يهرب وألقى الحنان.. ألقى الحنان

1- (عنوان سكني في ستره.. ف ظل القدير ببات
حصني وملجأ حياتي.. في الرحب وفي الأزمات)2
القرار- (وده وعده دايمًا ليَّ.. أتعلق بيه ينجيني
واسمه ده غالي عليَّ.. يرفعني ويعليني)2
2- (من الصياد بيحميني.. تحت جناحه يخبيني
ولا وباء ولا خوف ولا سهم.. يقدر في يوم يإذيني)2
3- (لأن عينيَّ عليه.. ومنقوش في كفوف إيديه
لو يوم الشر يقرب.. من خيمتي أنا باجري عليه)2