لعبة مش هزار (21 ترنيمة )

١- (لما الدودة كانت دودة وبقيت شرنقة بعد شوية طلعت فراشة جناحاتها مزوَّقة)٢
وبألوانها الجميلة بتطير بين الأزهار تفرح بحياة جديدة في نور شمس النهار

القرار- ساعة الصبحية ساعة الصبحية بركات جديدة منك ليَّ
ساعة الصبحية ساعة الصبحية بركات جديدة ياربي من إيديك ليَّ

٢- (وكمان النملة قد النملة في شغل بتعمله مش بتروَّح أو بتريَّح من غير ما تكمِّله)٢
بتشيل على ظهرها أضعاف وزنها وتخزن للشتاء كل أكلها

القرار- (علمني ازاي أسبحك وأصلّي وأزرع كلامك في قلبي تملّي
حتى لو كنت صغيَّر رغم سني تسبيح قلبي قلبك يقبله مني)٢
حتى لو الناس قالوا مابعرفش كتير وصغيَّر جداً مابقولش كلام كبير
إنت عارف إني عايزك إنت مصدق إني بحبك
أنا متأكد إني ابنك طاب علمني أسبح اسمك

قرار- قلبي فرحان علشان فيه يسوع

١- بتمر ساعات وثواني قلبي بيفرح من تاني
علشان ربي فداني وساكن قلبي يسوع

٢- حتى إن صاحبي ضايقني وفضل تاني يضايقني
أنا هاسامحه من قلبي علشان فيه يسوع

٣- حتى إن مصروفي قليل ويقولوا لسه عيل
هاشكر على اللي عندي ودي من عطايا يسوع

٤- هافرح حتى ببالونة وأبص من البلكونة
نور الشمس يفكرني بنور حبيبي يسوع

٥- حتى إن ماعنديش حاجة أبدًا ولا محتاجة
قلبي هيفضل يفرح ده كفاية معايا يسوع

قلب يسوع مليان بالحب قلب يسوع مليان إحساس
كان بيحب العالم كله كان بيحب جميع الناس
كان بيحب شيوخ وكبار كان بيحب شباب وصغار
لكن حب يسوع كان أكبر لجميع الأطفال لجميع الأطفال

(بالإيمان هنعيش ونصدق إن الله معانا
بالإيمان هنشارك حبه وهو اللي فدانا)٢
يدينا في القلب شجاعة نخدمه ونطيع وصاياه
بالإيمان قلبنا متأكد إنه هياخدنا لسماه بالإيمان بالإيمان بالإيمان

القرار
ده كان في يوم صغير وأما كبر بقى
قميصه مش مقاسه والجزمة ديقه
دي حكاية مش بعيدة حصلت لكل واحد
هيجيب جزمة جديدة وقميص أكبر بواحد
ومن الكتاب هنعرف واحد من بعد واحد

١- كان طفل اسمه موسى زمان في أرض مصر
عايم ع النيل في خوصه هربان من حكم قصر
وعشان حنان إلهه خلى الملوك يحنوا
حتى الملك بجاهه كان عامله زي ابنه
(بقى يسمع الكلام واتعلم باهتمام وكبر وخرج بشعبه من مصر بالسلام )٢

٢- صموئيل ده كان صغير وميز صوت عجيب
وعرف ده صوت إلهه ولقلبه كان قريب
وقاله إني عبدك وكلي تحت أمرك كلمني
لأني سامع مدام الصوت ده منك
وسمع له كل يوم واتقدم في العلوم
بقى قاضي القضاة يأمر وقت اللزوم
ويطيعه الشعب كله ويمشي تحت ظلة
لأن الرب قاله لأن الرب قاله

يا سامع الصلاة هاأنذا أصلي
إليك يا الله ها أنذا أصلي
يا سامع الصلاة هاأنذا أصلي
إليك يا الله يا سامع الصلاة

١- لو اتشنكلت في طوبة وبنطلوني اتقطع
وضحكوا أصحابي علي وقالوا الشاطر وِقع
وقفت ونفضت والشنطة وقعت مني
والشنطة بدل الأزرق بقى لونها بني

القرار- أنا عارف إن الله معايا ودايماً يهتم وماسك
كل أُموري في ايده وليه أعول الهم
ومهما حصل لي في يومي هو عارفني
ده راسم لي خطة جميلة وأنا واثق فيه

٢- لو أشطر صاحب لي كان في الفصل غايب
وكنت ناسي كتاب العربي وواقف متعاقب
ولما روحت القطة عجبها أكلي
وفريقي اللي بحبه خسر قدام الأهلي

القرار- (الله خالق كل شيء الله خالق كل شيء
الله خالق كل شيءهو الهي وبيحبني)٢

١- شفت النملة أد ايه صغيورة والعصفورة أد ايه أمورة
والزرافة أد ايه طويلة الله خالق كل شيء

٢- ربنا حط صوابع في إيدي وكمان حطهم في رجلي
حط رموش علشان تحرص عيني الله خالق كل شيء

٣- ربنا خلقلي أخ بيبي وكبر شويه وبقى يحبي
يكبر جداً وألاقيه يلعب جنبي الله خالق كل شيء

٤- الله هو خالق الموسيقى.. والجبال والبحور العميقة
والنهار والليل وكل دقيقة.. الله خالق كل شيء

القرار- (في ناس بتحب الضلمة ومش بتحب النور
فيه ناس عايشين في الضلمة
وناس عايشين في النور)٢

١- النور بيوريني السكة وفي النور أنا متشاف
أصغر نور يطرد الضلمة بنور شمعة أو كشاف

٢- في النور بشوف كل عيوبي ومرايتي كلام الله
زي الأشعة اللي بتكشف أنا قلبي ايه جواه

٣- يسوع هو النور للعالم جه ينور القلوب
لما الناس هتشوف نفسيها في النور على طول هتوب

( دة يسوع حلو قوي حلو قوي حلو قوي
ده يسوع حلو قوي حلو قوي حلو قوي)٢

١- اللي هيقرب منه مش ممكن يبعد عنه
واللي هيدوق حلاوته يفضل قُريِّب منه

٢- يسوع أخذ مكاني لما اتصلب علشاني
دور عليَّ بحبه وتعب علشان يلقاني

عايز أرنم عايز أرنم من قلبي لحبيبي يسوع
وأفضل أرنم كل حياتي حتى ولو في عينيَّ دموع
حتى طيور السما بتسبح إزاي أسكت طول اليوم
دا إنت خالقني وعلى مثالك لازم أرنم ليك على طول
لو فكرت هارنم ليه أبقى قدامك مكسوف
علشان خيرك مالي حياتي ولو دوَّرت عينيَّ تشوف
تسبيح اسمك يملا حياتي وهاسبح طول ما أنا موجود
لما باسبح يهرب زعلي هللويا لاسم يسوع

كل يوم الصبح بنصبح عليها
كل يوم الصبح نسمع أغانيها
كل يوم بنشوفها في أحلى لبس ليها
عارفين تبقى مين؟ العصفورة الضعيفة
في السما فرحانة طايرة لفوق لفوق
بتقول مش قلقانة من ريح ولا موج
الأكل بيتدبر واللبس كمان
والعناية منك منك ربي الحنان
وإحنا يا أصحابي أفضل بكتير كتير
ربنا بيرعانا زي العصافير
مش ممكن ينسانا عينه دايمًا سهرانة
تحفظنا وترعانا لأنه رب قدير

إذا كنتم بتحبوني احفظوا وصياي
دي لأولادي حماية احفظوا وصاياي
خليها في قلبك عيش بيها أيامك
سكتك هاتنور وكلامي قدامك
وصاياي علشانك تحميك لو بتخبيها
في قلبك وحياتك تفرح لو هاتعيش بيها

عايز زيت في اللمبة لازم أنور
عايز زيت في اللمبة أنا عايز نور
عايز زيت في اللمبة لازم أسهر
لازم أسهر في انتظار يسوع
جاي تاني ربنا يسوع جاي تاني يسوع

1- مش باعرف أكتب اسمي ولا ألون رسمي
ولا باعرف أزرر كمي لكن أنا باعرف أحب
مش باعرف أسوق عربية ولا باروح كلية
ولا باعوم في المية لكن أنا باعرف أحب

قرار- الحب أقوى من كل حاجة تانية
الحب أقوى ويغلب الخصام
حب يسوع لما يغير قلبك
هاتحب الناس ويبقى كله تمام

2- لو قلت إني بحبك لكن سهل إني أخاصمك
وساعات كتيرة باضايقك يبقى مابعرفش أحب

3- لو قلت إني بحبك لكني باغير منك
وأتمنى أبقى أحسن منك يبقى مابعرفش أحب

القرار- أنا ليَّ أصحاب أنا ليَّ أحباب أنا ليَّ جيران
أنا ليَّ معارف وزمايل من كل لسان
وبحب الناس من حوليَّ وفي كل مكان
وبحب الكل ومش فارق عندي العنوان

1- أصحابي الأسود والأبيض والقمحي كمان
وطويل وقصير ورفيع قوي أو مليان
دول زي الورد اللي بيطرح جوه البستان
وبحب الكل ومش فارق عندي الألوان

2- مش لازم صاحبي يكون صورتي أو زيي تمام
أصحابنا كتير وبيختلفوا زي الأنغام
يمكن يختلفوا في أشكالهم وفي أفكارهم
هانحب الكل ونقبلهم مش بس كلام

3- وبكل صراحة هانتفاهم ونعيش في سلام
ونحقق أنا وإنت وهو كل الأحلام
والحب يكون بالفرحة كل الأيام
ومافيش تخبي ومتداري ولا استفهام

مين اللي وأنا زعلان بيفرحني
مين اللي وأنا وأنا تعبان بيريحني
مين اللي عمره عمره ما بيجرحني
غيره هو حبيبي يسوع
لما أصحابي يكرهوني ويعملوا شلة ويضربوني
ويمشوا ولوحدي يسيبوني يبقى أروح لمين
بابا وماما مش فاضيين وإخواتي مش سائلين
طب لما حاجة تضايقني يبقى أروح لمين

القرار- اللي باتمناه وأنا عايش في الدنيا
إني أشوفك يا ربي جنبي كل ثانية

1- وحتى في وسط الضيق بتنورلي الطريق
أعرف إنك دايمًا جنبي وده بيكفيني

2- ولمسة إيدك ليَّ تهون كل ما فيَّ
وأشهد لكل الناس إنك ساكن فيَّ

غاليين عليك غالي علينا خلقتنا وفرحت بينا
حبيتنا وإحنا يارب مين حبك في قلبنا ومالينا
حبيتنا حبيتنا من الأول من قبل حتى ما شافونا الناس
وحتة حتة عملتنا مت عشانا واديتنا خلاص
ولو في حتة فينا باظت أو عن طريقك رجل تاهت
بحب بترجعنا ليك وتصلح كل غلطة فاتت