ساكت ليه (7 ترنيمة )

1- (ساكت ليه؟ ما تقوم اتكلم اصرخ له وارجع إليه
هو يحبك وبينده لك مستنيك ترجع إليه)2

القرار – (لو يضيق الكون حواليك اصرخ له الفرصة في إيديك)2
(عينه عليك سهران يناديك)2 ..(ساكت ليه؟)3 ما تقوم اتكلم

2- (ساكت ليه؟ واليأس ماليك و عينيك مليانة دموع
اطلب وقت الصعب يجيلك يدي لحياتك معنى يسوع)2
3- (ساكت ليه؟ والعمر بيجري وحياتك مُر وسراب
الخوف جوه عروقك يسري فاكر إنك هنا متساب)2

القرار – أول فرحة مرت بيَّ ساعة قلبي أتجدد فيَّ
صغر العالم جوه عينيَّ وبقيت انت الغالي

1- آدي أمارة حبك ليَّ صرت لأجلي عار وخطية
وبموتك نُلت الحرية و اتغيرت أحوالي
2- أنا مش ممكن أسيبك تاني ولا هارتد لعالم فاني
قلبي بحُبك فاض بأغاني وبقيت سر جمالي
3- مين زيك حب وكان حبه أقوى دليل على رقة قلبه؟
واللي يجيلك تغفر ذنبه وتملى قلبه الخالي

(من أنا لتدعوني ابناً لك تفديني بدمك ترسل لي روحك؟)2
جذبتني بحبك العجيب خلصتني من أهوال اللهيب
آتي إليك إليك يا حبيبي أتبعك سأحمل صليبي
أتبعك أشكرك مُكرِّساً نفسي لك طول الأيام
(سيدي أنت هو راعيَّ إن كنت معي فمن عليَّ!
إن كنت ضعيفاً بك صرت قوياً إن كنت معي فمن عليَّ!)2
إذا مُت معك حييت معك إذا صبرت ملكت معك
إلهي مخلصي إلهي مخلصي فيض الأنهار لن يغمرني
لهيب النار لن يحرقني لأنك دعوتني ابناً لك
جذبتني بحبك العجيب خلصتني من أهوال اللهيب
آتي إليك إليك يا حبيبي أتبعك سأحمل صليبي
أتبعك أشكرك مُكرِّساً نفسي لك طول الأيام

القرار – (خارج أسوارك يا أورشليم عند ذا القبر العظيم)2
(لا معنى للحياة)2(إذ كان الموت يمحوها)2
1- (باعك يهوذا باعك هناك بكى وبكت عليك المريمات)2
(وصوت السياط بيعلي بيجرحك)2 و الصرخة تصرخ يا خاطي بتندهك
(باعك يهوذا باعك ومال)2
2- (ضرب الحربه سابق الريح)2(جنب المسيح أصبح جريح)2
(شوك وآلام وعذاب بيزيد وصرخة حزينة في قبر بعيد)2
(ضرب الحربه سابق الريح)2

القرار – (في رحلة الحياة مشيت في دروب كتير
مشيت في درب منهم بابه واسع كبير)2
1- طريق غواني صاحبه بوعود ملهاش مثيل
وعدني أكون وريثه أبداً ما أكون عليل
مشيت مخدوع في وعده لكن طال الطريق
لا في يوم قابلت صاحبي (ولا خلي ولا صديق)2
2- صحيت لاقتني ماشي في طريق مُظلِم وحيد
لا فيه غير خوف بيرعى سوسة في عضمي المريض
ناديت بأعلى صوتي عريان ماليش صديق
بكيت و مين يسمعني (مجروح على الطريق)2
3- يا أبويا محتاج لأيدك مافيش غيرك معين
محتاج تلمس جروحي ما أنا ليَّ غيرك مين
مافيش غيرك يا ربي فداني على الصليب
واثق يا أبويا إنك (لصلاتي هاتستجيب)2

القرار – (لا تهزأي لا تشمتي لا تسخري يا عدوتي)2
(لا تُعيريني بسقطتي حالاً أعود لقوتي)2
1-( حقاً قادتني حماقتي في غربةٍ عن إخوتي
حتى اكتشفت ضلالتي من قسوة تلك الظلمة)2
2- (لا تهزأي بمكانتي فالآن أرفع صلوتي
لأبي فيأتي لنصرتي معه أعود لراحتي)2
3- (من كربي ومن ضيقتي من تيهي ومن شهوتي
ومن الدموع في مقلتي من قيد أحنى هامتي)2
4- (لن أنسى أبداً عطشتي عري شدية جوعتي
لن أنسى طعم الغربة لا لا كفاني مذلتي)2
5-(سيكون ربي مَظلتي وسيف روحي في قبضتي
وصليب يسبق خطوتي فالصليب سر قيامتي)2

1-( يا أبويا سامحني أنا خاطي أنا راجع وبراسي مِطَاطي)2
يا أبويا أنا راجع من همي من حزني وتعبي وضعفاتي

القرار – (ارفعني من بين أحزاني جلّسني في حضنك ده مكاني)2
لبسني ثياب مجدك تاني .. يا أبويا يا أبويا

2- (أنا ياما عِشت مع الخنازير وتركت مكاني مع إني أمير)2
ولكني راجعلك قلبي مرير علشان تسامح يا أبو قلب كبير
3- (في بعادي عنك أنا ضلِّيت وتركت الحب اللي في إيديك)2
مشتاقلك ربي ارفعني إليك أسكن بيتك وأعيش جنبيك