١- جوه كل قلب خاطي في أمل اسمه يسوع
هو سكة لكل تايه هو فرحة في الدموع
في قلوب عايشة صحيح لكن جوه القلب ريح
تطفي كل شمعة قايدة تعصر القلب الجريح
٢- بس لو تفتح عينيك راح تلاقيه بين إيديك
نور ينوَّر كل عمرك يدّيك كل فرحة ليك
نور بيقتل كل ضلمة نور بيظهر في الغمام
جوه قلبك راح تلاقي فرحة بعد حزن دام
٣- عشان تقوم امسك إيديه راح تلاقي النصرة فيه
هو هايشفي كل جرحك هو عايزك تبقى ليه
صدّق إنه راح يكمل عمرك إنت بغمر خيره
وفي كل خطوة هايملى قلبك مش هاتلقى قلب غيره
