مديون (10 ترنيمة )

1- (عارفك طيب قلبي تطيب عمري معاك فوق الأحزان
شايفك رائع في جمال بارع حُسنك غطَّى الكون ألوان)2

القرار – (يسوع الفادي مين غيره على الكون كله ليه سلطان؟
كريم وغمرنا من خيره و وحده يمنح الغفران)2

2-( سامعك شادي بشوق بتنادي هنا يا ولادي في حضني أمان
شاعرك جنبي رفيقي في دربي لمسة إيدك بحر حنان)2

1- لو عدوي بسهمه رماني لو ألوف سقطوا قدامي
عمر الشر في يوم ما يصيبني وجناح الرب مغطيني
لو بريق الأرض ناداني لو وقعت في ضعف إيماني
لو دروب اليأس طاوتني لازم أقوم وأطرح أحزاني

القرار – (للجبال أنا هارفع عيني عند رب المجد معيني)2
هو لا ينعس ولا ينساني هو حافظني و بيحميني
للجبال أنا هارفع عيني

2- الخلّان يمكن ينسوني وفي أحزاني لوحدي سابوني
لكن هارجع للي فداني اللي حنانه وحبه سبوني
لو سلام النفس أتهدد والأبواب قدامي اتسدت
أو في يوم أحلامي اتهدت لازم أقوم وأرجع من تاني

1-ماعرفش أسْبَحْ والموج هادر
بشراع مكسور والريح غادر
ماقدرش أخلق في الضلمة بريق
ماقدرش أشق الغمر طريق
لكن أنا عارف إن يسوع يسوع قادر

القرار – ماعرفش الخوف ما اعرفش ندم
ماعرفش الموج فين يرميني؟
لو حتى أجوز وياه في ألم
أنا عارف إنه هايحميني

2-وفي أسر الخوف ناس بتعافر
ألمح عصفور حُر مهاجر
أتمنى يكون لي جناح واطير
مش هاقدر وأنا في الضعف أسير
لكن أنا عارف إن يسوع يسوع غافر

3-تايه وفي عز الليل حاير
وحدي في قلب الإعصار داير
وأنا مين يهديني لبر أمان؟
والناس نسيوني بقالي زمان
لكن أنا عارف إن يسوع يسوع فاكر

القرار - مديون للحب أنا مديون لك .. مديون للحب
مديون وأنا طول العمر هاعيش ملكك .. مديون للحب

1- في إيديَّ أعمال تحزنني .. وانت شايفها ومش بتدينني
وتجوز في إيديك النار عنّي .. والدم السايل يغسلني

2- في طريقي الأشواك ياما مشيت .. وانت بأشواق تستنناني
وعشان انت اتجرّح رجليك .. وأنا يفضل بيتك عنواني

3- والأفكار بتسافر وتميل .. لميلاد الشهوة الممنوعة
وانت تشيل تاج الشوك إكليل .. وأنا راسي تفضل مرفوعة

4- يوم ضعفي كنت مغطيني .. وفي حضنك كنت مخبيني
وساترني والجلدة بتنزل .. على ضهرك تجرح تشفيني

1-(مين فداني مين هداني مين بحبه الغالي جاني)2
لأجل ما يرفعني ليه شال ذنوبي ومات عشاني

القرار – (هو رب المجد وحده عايز أقول وأعلن وأذيع
ياللي قضيت سنين في بُعده مش هايرويك غير يسوع)2

2- (مين بيروي مين بيشبع مين في وقت الضيق بيرفع)2
مين بيستناني دايماً لو بعدت لحد ما أرجع

3-(مين يسامح مين يصالح مين يا خاطي ليك هايصفح)2
مين يداوي مين يصلّح قلب المكسور مين يفرّح

4- (مين يحرر مين يغيّر مين من الأثام يطهّر)2
ينزع القلب اللي حجر مين هايزرع قلب أخضر

1- (من الأعماق صرخت يا رب ليتك تسمعني)2
لتكن أذناك مصغيتين لصوت صلاتي فترحمني

القرار - إلهي .. إلهي أرجوك تحنن واغفر لي
إلهي .. إلهي من محرث الصبح إلى الليل
تنتظرك نفسي يا ربي

2- (إن كنت للذنب ترصد يا رب أمامك من يثبت!)2
من أجل اسمك صبرت لوعودك وتمسكت
3- (لأن الرحمة من عندك عظيمٌ حقاً خلاصك)2
يا من فديت عبدك من كل آثامه بحُبك

1-كفاية حزن كفاية آلام كفاية ضعف كفاية خطية
كفاية ذل كفاية هوان (كفاية مر من العبودية)2

القرار - راجعين لما نادانا يسوع البار
راجعين للي فدانا وشال العار
راجعين بعزم بقوة نزيل أسوار
راجعين بنصرة أكيدة بنين أحرار

2- كفاية بُعد كفاية أنين توهة سنين خدعتني الحية
نفسي أعود في القلب حنين (ترجع أيام الحرية)2

3- كفاية جري في شمس لهيب وأنا عطشان ولا نقطة مية
كل ما أخطي ألاقي سراب (مجد العالم أوهام فانية)2

4- ارفع راسك وانسى اللوم قلبه مليان بالحنية
امسك إيده شد وقوم (تلقى معاه افراح أبدية)2

5- كفاية نخجل م اللي يعيّر بفادينا حياتنا هاتتغيّر
يشفي لنا جراحنا وينور (في القلب بتوبة حقيقية)2

القرار - سلمتك قلبي يا سيدي الغالي
سلمتك عمري وكل أمالي
سلمتك الآلام والأحزان والماضي
سلمتك الأيام والأحلام والآتي

1- أسألك العون فمجدافي مكسور والموج تعالى
أدعوك الآن لكي تمسك بالدفة أرجوك تعالَ

2- فسفينتي يجرفها الغمر في ظلمة ليل بغير نهار
وقوايَّ تخور وذا يبدو للعين في قلب الغيث منار

3- ما أقوى ذراعك ما أعظم قدراتك في فن الإبحار
تنتهر الريح فتسكتها وبأمرك ينقشع الإعصار

1-(يارب يا قادر وحاضر في كل وقت وكل مكان
يارب يا خالق ورازق كل حي وكل كيان)2

القرار - يارب أولادك جينالك بين إيديك واقفين بحب
مين سواك نجري له لما نكون تعابى نقول يارب

2- (يارب يا أب وقُريّب للي يدعيك من ولادك
يارب يا حنين وطيب ويا كل الناس عبادك)2
3- (يارب يا عارف وكاشف قلبنا وفكر الإنسان
يارب يا صافح وطارح ذنبنا في بحر النسيان)2

القرار - يسوع إلهنا يسوع ملكنا يسوع فادينا
يسوع حارسنا يسوع حافظنا يسوع حامينا

1-(نبعد بعيد يفضل ينادينا
ولو نعود مش راح يخزينا)2
رغم اللي راح ينسى الجراح
رب السماح حبه مدفينا

2-(وقت الحروب حصنه بيحمينا
وفي الجدوب خيره مكفينا)2
ليه يوم نخاف مهما نشوف
ده احنا الخراف وهو راعينا

3-(ياللي حزين ليه تنسى كلامه
وعده أمين يمنحنا سلامه)2
ليه تبكي يوم ع الدنيا قوم
مش راح يدوم غير حبه لينا