هو اللي بيقبلني (10 ترنيمة )

القرار - أرجوك يا ابني تعال القي عليَّ الأحمال
مافي لحظة أنا نسيتك ما في لحظة أنا نسيت
حزنك أحزنني دمعك ألهبني من أجلك أنا بكيت..من أجلك أنا بكيت

1- ليه تحمل الهموم؟ ليه تلقي عليَّ اللوم؟ وأنا وياك مظلوم وأنا لم أتركك
وليه تنسى الصليب؟ ودمي السكيب؟ وقبري الرهيب؟ وأنا لم أتركك
2- أحميك من الشرور وأجبَّر الكسور وأجعلك فخور أبداً فلا تخاف
منقوش على الكفين محفوظ في نني العين وفي ظل الجناحين أبداً فلا تخاف
3- افرح يا ابني هنا واذكر إني أنا تركت عرش هناك لأمنحك حياة
أُنسيك هم السنين فافرح في كل حين واذكر إني معين إياك طول الحياة

أنا قلبي زي قلب ربنا ملك وكل حاجة عندي
في يوم صحيت بصيت لقيت .. واحدة جميلة
ليها أنا اشتهيت .. وفي فكري زنيت
أيوة مش ملكي لكني نويت
خططت ودبرت و بجوزها غدرت
ومعاها فعلاً زنيت
أنا داود ... أنا الملك ... قلبي زي قلب ربنا
عمري ما كنت أفكر .. إن ده ممكن يحصل
لكني تُهت نسيت .. سِبت ثغرة في السور
دُست على النور .. ولوحدي مشيت
أنا كده انتهيت .. ملك وزنيت
كنت عالي وهويت .. (لكن الله الله سامحني)3
حتى وأنا زاني قبلني ... (انت ابني)2

1- يا ابني حبيبي ياللي عشانك حبي غلبني وجابني صلبني
لما لقيتك في إيدين غيري وفايت حضني .. خايف ليه؟


القرار- جنبي المطعون طهَّر كل العالم مرة
يقدر تاني يطهَّر كل العالم مليون مرَّة .. خايف ليه؟


2- يا خروف تايه سيبت عشانه بقية المية وماسيبتوش
وأما لقيته قوام ضميته وماعاتبتوش .. خايف ليه؟


نفس الأرض بتسمع دبِّة رجل الخاطي مابتزعلش
نفس الأرض بتسمع دبِّة رجل التايب مابتفرحش
(لا بتتأثر بيك الأرض ولا انت بتفرح بني آدمين)2
بس سمايا بتفرح بيك أكتر من تسعة وتسعين واحد م التايبين

(طوبى للذي غُفر إثمه وسُترت خطيته)2
(طوبى لرجل لا يحسب له الرب خطية ولا في روحه غش)2
لما سكت بليت عظامي من زفيري اليوم كله
لأن يدك ثقلت عليّ نهاراً وليلاً
تحولت رطوبتي الى يبوسة القيظ‏
أعترف لك بخطيتي ولا أكتم إثمي
قلت أعترف للرب بذنبي وأنت رفعت آثام خطيتي
(لهذا يصلّي لك كل تقي في وقت يجدك فيه)2
اعلّمك وارشدك الطريق التي تسلكها انصحك عيني عليك
كثيرة هي نكبات الشرير أما المتوكل على الرب فالرحمة تحيط به
افرحوا بالرب وابتهجوا يا أيها الصديقون
واهتفوا يا جميع المستقيمي القلوب
(أنت ستر لي من الضيق تحفظني بترنم النجاة تكتنفني)2

(في المسير .. وسط الطريق أنا محتاج أحب
في المسير .. طول الطريق أنا محتاج أتحب
عاوز حد يهتم بيَّ وأكون ليه أهم حب
فشلت مرة وقلت دي غلطة ده ماكانش حب
كملت الطريق مستني رفيق ماحسش إننا غرب
يمكن ألاقي .. يمكن مفيش أنا موقفي صعب)2
ده يسوع .. حبني أعظم حب
(وحاسس اللي جوايا أكتر من كل الناس
وهو اللي بيقبلني .. يقبلني بكل اللي فيَّ
وأنا واثق إن من أيده .. يديني كل إحتياج)2

1
أنا جيت علشانك أنت وأنا شغلي الشاغل أنت
(مشتاق لرجوعك وأنت في عنادك زي ما أنت)2
القرار
ده مكانك فيَّ تعال للعشرة معايا تعال وايديَّ إليك ممدودة برحمة غير محدودة
بس أوعى تقسي قلبك لتضيع الفرصة منك
2
في بعادك أنادي لك في أتونك أنا أجيلك
(راح أخلي صحراك جنة وبقربي رح تتهنى)2
3
بالجمرة أمس شفايفك بإيمان تقدم شايفك
(ها أسكب على راسك طيبي وأعيد لك تاني سكيبي)2
4
افتدي الوقت يا غالي وادخل وياي حجالي
(راح ألذذ قلبك بيَّ وأخلي كاسك ريا) 2

أنا ماتعودتش أكره حد لأنه بيكدب
أو يجري ورا مصالحه ودايسني
أو لأن صفاته مش دايماً زيي
أو لأن الحلو عنده وحش عندي
لأن يسوع عايزه زي ما عايزني
وبيحب لذاته زي ما حاببني
وزي ما أنا ابنه زي ما أنا
ليه مش هايكون هو ابنه ؟
أنا ماتعودتش أكره حد لأنه قلل مني
أو في لحظة جرحني وماخدش باله من جرحي
طب ما أنا اكيد باجرح ناس وباسيبهم ناسي جرحي
ويسوع ماكرهش لما رموه في عز جرحه

في عيد الميلاد كل الناس بتتقابل وتهادي بعض
في عيد الميلاد كل الناس بتجري عشان تلحق بعض
بهدية أو سلام : " كل سنة و انت طيب "
لكن فيه واحد فقير قاعد هناك مالوش سلام
وفيه هناك واحد وحيد مستني سؤال عليه من زمان
عيد الميلاد موجود عشان طفل فقير جه للناس
ماجاش عشان واحد سليم (لكن جه للتعبان)2

من بين البنين اخترته .. ولأجل جمال قلبه أحببته
طلبت منك أن يكون لي .. قلت ها هو حسنك فأنتِ له
فلك أُهدي ترنيماتي .. فاقبلها مني يا سيدي
شكراً لك يا نجاتي .. شكراً لك يا يسوعي
ما أجملك يا حبيبتي وما أحسنك .. فقد اخترتك لتكملتي
فقد طُيّب جسدي بقلبي الفرح .. فما أبرع يداه لأنه أنشأك
كختام أنتِ على قلبي .. كخاتم أنتِ على ساعدي
فبالحب أعطى يسوعي .. وإليك أهدي حبي
بقلوبنا نشكرك حمداً .. نخدمك مدى الحياة
أعطيت حباً أبدياً .. نحبك حتى الممات

لك القوة والمجد والبركة والعزة
إلى الأبد آمين
عمانوئيل إلهنا وملكنا
لك القوة والمجد والبركة والعزة
إلى الأبد آمين
ياربي يسوع المسيح مخلصي الصالح
(قوتي وتسبيحتي هو الرب
صار لي خلاصاً مقدساً)2