أيام (12 ترنيمة )

القرار - عينك علينا حارسانا ليل ويا نهار
إيدك حوالينا شايلانا وقت الأخطار
خطاويك سابقة خطاوينا وبتسمع كل أمانينا
احنا ولادك وانت راعينا حبك لينا يفيض أنهار


1- (أيام بتعدي وسنين بتفوت
رحمة وخير بتدِّي بوعود مش بتزول)2 بوعود مش بتزول علشان
2- (البيت اللي بنيته اسمك هايعلى فيه
علشان انت رعيته ثماره حب ليك)2 ثماره حب ليك بتقول
3- (و مادام عايشين في سترك ضامنين كل الأيام
كفايتنا حضن قلبك يفيض حب وسلام)2 يفيض حب وسلام وكمان

(أذوب في محضرك ويضيع جمودي بين يديك
أنسى في حضنك كل دموعي بنظري إليك)2
(فيا نبع الحنان آتي إليك فضمني روحك يحيط بي وحبك يغسلني)2
(آرني وجهك وليلمس جمرك شفتاي فأفرح بك فإذ يداك تمسك يداي)2
(فيا نهر الحياة أسكب بروحك عليَّ
فأشهد لك وليعلو صوت سبحك)2

أيام ضمن الزمان عدت قوام راحت بعيد
شهوات مالية الحياة ضاعت سنين في ضعف وأنين
لكن يا يسوع أنا بين أيديك هاعيش معاك بعهد جديد
وضغوط هم الحياة تضعف رجايا بسر الحياة
أفكار مليانة مرار بتشق قلب أبنك الضال
أنا راجع لأبويا الإله عارف إنه طوق النجاة

(أنا كنت عايش زمان عايش وياك في حماك)2
لكن إبليس جاني في يوم جاني وحاوطني
و سهام إبليس جاتلي ياربي في قلبي صابتني
لكن إبليس جاني في يوم جاني وحاوطني
وسهام الشر جاتلي ياربي وكمان صابتي
لكني خُنتك وهربت منك قربت مني فبعدت عنك
لكني خنتك وهربت منك وسقطت من عند سماك
كانت حياتي حياة سعيدة وأنا في حضنك
لكن دلوقتي الحياة كئيبة في بُعدي عنك
كانت حياتي حياة سعيدة في قلب حضنك
لكن دلوقتي الحياة كئيبة في بُعدي عنك
(من فضل شخصك تعالى عندي ومد أيدك وارفعني)2

1- (بازعل لما باشوفك تبكي ولسه ماندتش عليَّ
بازعل وأنا شايلك في عينيَّ ولسه مش واثق فيَّ)2
القرار – (تعالى يابني ارمي حمولك ده أنا إلهك حاسس بيك
ليه مستني اجري بسرعة تلقاني واقف مستنيك)2
2- (بازعل وأنا مصلوب علشانك والدم سايل من جنبي
بازعل ولسه قلبك قاسي ولسه مش شايف حبي)2
3- (بازعل لما بخبط بابك و لسه مافتحتش قلبك
جرب تفتح بابك مرة أخدك في حضني وأسامحك)2

يسوع بيناديك عايز يمسح دمعة عينيك
هايشيل عنك أحمالك والتُقل من إيديك
يسوع حاسس بيك عايز بحبه يداويك
بس أنت قرَّب منه وارمي همومك عليه
يسوع بيترجاك بيقولك : "يابني تعال"
هو اللي مات بدالك علشان يديلك حياة

أحبك ربي يسوع .. وليس لي سواك
أتبعك ربي دوماً .. أتبعك بلا رجوع
أسبِّح اسمك القدوس .. وليس لي سواك

(نفسي يارب أقولك كلام فيه أحكيلك عن أيام)2
(عِشت فيها مليان أوهام وأتمنيت أعيش في سلام)2
(أيام صعبة مليانة أكاذيب دورت فيها على حد قريب)2
(تعبت كتير من ده زمان ما لقيت مع حد الأمان)2
(في لحظة ياربي وبكل صدق سمعتك على قلبي بتدق)2
(فتحتلك وبكل حب دخلت جوه قلبي يارب)2
(من يومها وأنت جوايا عايش في قلبي ومعايا
(سبب فرحي وعزايا وبقيت ياربي كل هنايا)2

(جايين نرفع اسمك عايزين نعلي مجدك
جايين بقلب خاضع إنه يعبد شخصك)2
(جايين واثقين في وعدك إنك مبارك شعبك
وتكون في وسطينا محتاجاك أوانينا)2
(علشان يارب تملاها أنت من جديد
فِضيّت من اللي ماليها علشان فيها تفيض)2
بحبك وبحنانك مشتاقة يارب لحضنك
بخيرك وبسلامك تغمرها يارب بأمنك
بروحك وبسكيبك (تملاها باللي في قلبك)2
(يارب مجداً لاسمك على عملك وسط شعبك
شايفين أيدك بتبني حِطام كسرت قلبك)2
(جايين واثقين في روحك إنه معانا بوعدك
وتفجر ينابيع فينا محتاجاك أراضينا)2

1- (يا خالق الأكوان يا صاحب السلطان
قلبك مليان حنان سترك نبع الأمان)2
القرار – (يا يسوع يا فاديَّ يا خلاص كل البشر
أنا حر من الخطية دمك سال وانتصر)2
2- (أنا عمري ليك مديون ولا حتى يكفي يكون
رد لحب المسيح مصلوب جنبه جريح)2
3- (يا يسوع مد أيديك وأحيي كل العظام
فيض فيها بروح جديد رجعها جيش أبطال)2

القرار - الرب نوري وخلاصي الرب حصن لحياتي
لذا أرنم ولا أخاف وأسمع صوت الهتاف
1- للرب ينبغي التسبيح فهو مخلصي المسيح
طوبي لمن يختاره دوماً سيسكن قربه
2- طلبت الرب أجابني من كل خوفي أنقذني
فهو يغفر الذنوب يهدي ويخلص من يتوب
يوماً قريباً على السحاب يخطفنا رب الأرباب
حيث لا نعطش أو نجوع ولا مكان للدموع

(أنا جاي بسرعة وهاخدك معايا للسما
هاتكون بين أيديَّ ومعايا للأبد)2
لا بُكا ولا حزن ولا صراخ ولا ألم
هاتكون في حضني دايماً هاتكون طول الزمن
(أنا هاستناك تيجي وتاخدني معاك للسما
وأكون بين أيديك ومعاك للأبد)2
لا بكا ولا حزن ولا صراخ ولا ألم
هاكون في حضنك دايماً هاكون طول الزمن
(لما أشوفك كل شيء ليك هايكون جديد
لما أشوفك تسبيحي ليك يارب يزيد)2
لما أشوفك هاكون في حضنك دايماً هاكون طول الزمن
هاتكون في حضني دايماً هانكون طول الزمن