مجروح (8 ترنيمة )

1- (نازلين يحرِتوا على ظهرك بالكرباج
قادرين يضربوا ظهر ابن الإنسان)2
(ساكت اتكلم قول بريء
عارف متألم ماشي في الطريق)2
القرار - ضنايا .. حبيبي .. ولدي يسوع
إلهي .. وحيدي .. أسير الدموع
2- (ماشي وشايل على ظهرك الصليب
طال الطريق عليك يا حبيب)2
(كرابيج إيدين مرفوعة عليك
شوك مغروس في راسك يا مَليك)2
3-( أشواك أحزان في قلبي كاللهيب
آلامات وآهات تصرخ يا حبيب)2
(مسامير في إيديك و مدقوقة في رجليك
حربة في جنبك ودموع مالية عينيك)2

1- (مديون بعمري ليك يا قدير قدام محبة وقلب كبير
دايماً بعطفك مالي حياتي بالنعمة ويا الجود والخير)2
القرار – (أصلك أمين رغم عيوبي رغم قساوتي وذنوبي
دايماً معايا مادد لي إيديك إلهي أنت ومحبوبي)2
2-( ده في ضيقي أنت اللي بترفعني ولما بصرخ ليك تسمعني
(ما أنت أبويا وحاسس بيَّ دايماً معايا وبتشجعني)2
3-( مديون و هافضل ليك مديون فكيت قيودي وأنا مسجون
من قلبي ناوي يارب أعيش لك وأمشي في طريقك مهما يكون)2

1- (ياما أخطأت يارب إليك لما حاولت لوحدي أرضيك)2
(لما رميت الحمل عليك لقيتك مادد ليَّ أيديك)2
القرار – (أحمل صليبي و أمشي وراك عند الجلجثة هاكون هناك
زيك حبيبي هاتبع خُطاك مش خايف من الموت مادُمت معاك)2
2- (ثابت فيَّ وثابت فيك عايش فيَّ وعايش ليك)2
(وعدك صادق واثق فيك ياللي ملكش في قلبي شريك)2
3- (موتك عنّي ده ردني ليك حبك ليَّ جذبني إليك)2
(وأنت شايلني في نن عينيك مهما هاعمل مش هاوفيك)2

1- (في وقت فتوري ضللت الطريق وعاد انشغالي بدنيا البريق)2
القرار – (لكنّي أعود بقلبٍ أسير ولحن سجودي وقلبي مرير)2
لكنّي أعود
2-(كأثيمٍ جذبني إليه الظلام وفي الموت عشت في بحر الآثام)2
3- (بقلبٍ أسيرٍ اليوم أعود فأنت في ضعفي بعطفٍ تسود)2
4-( سلكت بجهلي في درب الشرور وعشت أسيراً في أرض الفجور)2
(فأنت إلهي لا أتبع سواك أعيش بقربك وغداً في سماك)2
سأسكن سماك

1- (عارفني وعارف إني ابنك الغالي عليك
وقت أنيني تسمعني من غير حتى ما أهمس ليك)2
(و بتجيني تلاقيني لوحدي أنا مرمي وسط الشوك
تمد إيديك وتشفيني وتقول لي كتافي هايحملوك)2
(عارفني وعارف إني رغم جحودي أنا غالي عليك
عارفني وعارف إني مهما بعدت أنا هارجع ليك)2
2- (عارفني وعارف إني قلبك أنت كبير وطيب
وقت آلامي ودموعي يا يسوعي مين غيرك يطيب)2
(و بتجيني تلاقيني مجروح ومرمي في الطريق
تمد إيديك وتشفيني بالحب يا أغلى رفيق)2
(عارفني وعارف إني لما في يوم أملي يضيع
مالقاش غيرك يا ضامنّي أنت يا أوفى صديق)2

1- (أحزاني يارب تقيلة عليَّ ارفع آلامات نفسي المحنية)2
جايلك مجروح وكلي آسية حررني بلمسة من العبودية

القرار – (مجروح محتاجلك اشفيني وبقوة روحك عَزِّيني
جايلك بخطايا وظلم سنيني عشمان إنك راح ترضيني)2

2- (أنا ياما بجهلي حفرت آبار ونسيت إنك في إيديك أنهار)2
لكن باصرخ من قلب النار وباقولّك قود انت المشوار
3- (اليوم راجع مسنود بوعود والوعد يقول إنك موجود)2
ولو الأحزان عليَّ تسود راح تيجي بلمسة تفك قيود

1- (يا يسوعي قلبي العنيد خدني لأراضي عنك بعيد
تاهت سفينتي في بحر الحياة لكني جايلك بشُق المياه)2

القرار – (جاي من بعيد راجع إليك قلبي العنيد طالب إيديك)2

2- (يا يسوعي قلبك حنون يغفر لي ضعفي مهما يكون
وقت ما نادي معايا تكون كل متاعبي وآلامي تهون)2
3-( يا يسوعي ضعفي أكيد حُبك وعطفك رجايا الوحيد
اقبلني حتى عبد لديك بكل اشتياقي راجع إليك)2

1- (لما تحس العالم ضدك لما تحس بغربة في وطنك
لما تحس إن الأيام جواها آلام بتشدك)2

القرار – (ارفع عينك للسما اطلب معونة إلهك
هاتلاقي حُبه بيرفعك و إيديه بالخير ممدودة لك)2

2- (لما تحس بضيق وهموم لما تحس إنك مظلوم
لما آهاتك جوه سُكاتك يبقى صراخك صوت مكتوم)2
3-(لما يفارقك أغلى أحبابك لما الحزن يدق أبوابك
لما دموعك تنزل منك وتحس بألمك و عذابك)2