كلامك حلو (20 ترنيمة )

مجدوا ربنا سبحوه
عظموا اسمه وارفعوه
احمدوه باركوه واشكروه
اهتفوا لاسمه وأنشدوا
مجدوا ربنا سبحوه
عظموا اسمه وارفعوه
ارفعوه (فوق فوق فوق) .. اهتفوا (بكل الشوق)
(باركوا ربنا كل حين)2

1-أسود أسود كلي خطية في العبودية كنت أسير
كل أيامي صعبة شقية قلبي محتاج للتحرير
لكن لما قبلت يسوع غيرني أعظم تغيير
2-أبيض أبيض صورة بهية في الحرية صرت أمير
كل أيامي حلوة هنية قلبي فرحان بالتحرير
وأنا دلوقتي ها أعيش ليسوع وأخبر عنه صغير وكبير
3-حالاً حالاً أفراح جاية جهزها لي رب قدير
في السماء هاقضي معاه الأبدية قرب يّجي مافيش تأخير
ربي تعالَ فاديا يسوع شوقي إليك يا حبيبي كتير

أُعلمك و أُرشدك وأنصحك لتسلكَ
عيني إليك تنظرُ لتحفَظَك في طُرقك
لذاك سر ولا تخف لا تخف لا تخف
لأني أنا معكَ
أُعلمك وأُرشدك وأنصحُكَ عيني إليك
أُعلمك وأُرشدك وأنصحُكَ فلا تخف

1-(أفراح الدنيا دي لقلبي ما تساوي دقائق معدودة
أقضيها في خلوة مع ربي بمحبة غير محدودة)2

القرار- ساعتها يشاور وأنا أقول حاضر
والغالي يرخص ويهون بجهاد صابر
عن طيب خاطر راح أطيع أمره مهما يكون

2-(أحكي له يسمع لصلاتي وبحبه يجاوب طلباتي
ولصوته هاسمع في كتابه و بشخصه تِسعَد أوقاتي)2
3-(وبربي أفرح وأتلذذ وبحبه يفهمني كلامه
ولصوته ها سمع وأنفذ وأعيش بأمانة قدامه)2

(أنا مبسوط وفلوسي كتير أنا عشار وده شغل خطير
باخد حقي أنا مش بس لكن أكتر منه كتير)2
(يوم قاعد ولقيت فيه هيصة وزحمة فرحت أسأل عشان إيه
قالوا يا زكا.. يسوع في الشارع وكل الناس ملمومة عليه)2
(وكنت سمعت أنا عنه كتيرإنه كلامه وفعله قدير)2
ونفسي أشوفه بنفسي ولكن فيه مشكلة إني قصير
(جاني على طول فكر وإحساسأنا ممكن وسط الزحمة أنداس)2
لازم أفكر فكرة سريعة أطلع بيها فوق الناس
(ولمحت الجميزة وجريت وطلعت فوقيها وبصيت)2
فلقيته يقرب ويقوللي زكا أسرع وأنزل
يا زكا أنزل أنا جاي لك في البيت
قوام قوام ما اعرفش أزاي نزلت وكلي محبة
إليه قبلته في قلبي وبيتي كمان عملت وليمة أرحب بيه
قلت يا ربي أنا راح أدي نص فلوسي للمساكين
(وكمان هابدأ صفحة جديدة أنا راح أبقى في شغلي أمين)2
(والناس مني خلاص ما تخاف هاعمل بأمانة وإنصاف
واللي ظلمته في حاجة زمان راح أردها أربع أضعاف)2
ولما شاف التوبة حقيقة وإني خلاص من قلبي نويت
(فرح ربي)2 وقال اليوم تم خلاص لهذا البيت
أنا فرحان وفرحي كتير ربي حبه لي كبير
قبلني ونضف قلبي تمام وعمل في حياتي تغيير

(يسوع المسيحُ هو هو أمساً
يسوع المسيحُ هو هو اليوم
يسوع المسيحُ هو هو أمساً .. هو هو اليوم
و إلى الأبد)3
هو هو أمساً .. هو هو اليوم .. و إلى الأبد

القرار- يااللي عرفت الوقت وعارف إنه قريب يجي اليوم
لازم تاخد بالك حالاً لازم تصحى قوام م النوم
1-(باب النعمة مازال مفتوح آمن باللي عشان مات
واحتمي في الجنب المجروح أوعى تكون زي الجاهلات)2
2-(أصل الفادي جاي قوام وساعتها يتقفل الباب
والنايم لسه ونعسان يبقى مصيره هلاك وعذاب)2
3-(واللي عرفه وأمن بيه لازم يسهر يستناه
كل حياته تشهد ليه عشان يفرح وقت لقاه)2

(وأما كل الذين قبلوه
فأعطاهم سلطاناً
أن يصيروا أولاد الله
أي المؤمنون باسمه)3

القرار - (هيا افرحوا في كل حين هيا
اشكروا على كل شيء صلوا بلا انقطاع)2
1-(هيا افرحوا في كل حين في الرب افرحوا
فَفرحه قوتكم وأيضًا افرحوا)2
2-(هيا اشكروا على كل شيء في هذه الحياة
بالشكر تعلم طلباتكم لربنا الإله)2
3-(صلوا وكونوا واثقين صلوا بلا انقطاع
فوعده للمؤمنين الكل مستطاع)2
هيا افرحوا في كل حين في الرب افرحوا
هيا اشكروا على كل شيء في هذه الحياة
صلوا بلا انقطاع

(هكذا أحب الله العالم حتى بذل ابنه الوحيد)2
(لكي لا يهلك كل من يؤمن به)2
(بل تكون له الحياة الأبدية)2
لكن الله بين.. محبته.. محبته..محبته لنا
لأنه ونحن بعد خطاه مات المسيح لأجلنا

القرار – ها أقول الحق أنا مش كداب
حتى ولو كان فيها عقاب
لأن الكدب حقيقي خطية
عقابها جهنم ونار وعذاب
(ها أقول الحق)3
أنا مش كداب
1-ها أقول الصدق أنا مش راح أخبي
ها أقول الصدق ومش راح أخاف
وحتى ولو ولا واحد شافني
لأن إلهي سمعني وشاف
2-مش راح أقول دي كدبة صغيرة
ولا دي كبيرة مافيش أحجام
ولا في بيضا أو فيه سودا
لأن الكدب مالوش ألوان
3-لما ها أقول الصدق تملي
يمتلي قلبي وفكري سلام
وأرضي إلهي حبيبي فادي
وأعيش بالحق مدى الأيام

1-(لما كنت صغير عرفت يسوع منين؟
لما قريت كتابه المقدس الثمين)2

القرار- كتابٌ من الله ونافع للتعليم
كل كلامه كذلك للتأديب والتقويم

2-(عرفت إن الخلاص نناله بالإيمان
مش ليَّ أنا وحدي بل لكل إنسان)2
3-(واقرأ فيه كمان حياة الرب يسوع
اللي مات وفدانا مخلِّص الجموع)2
4-(علشان كده دايماً لازم نقرا الكتاب
ونقدمه للناس فَيفرح بينا الآب)2

1-(قبل النوم في سريري أفكر إزاي أمري كله أتدبر)2
ربي حفظني طول اليوم علشان كده أنا لازم أشكر
القرار- (ربي حبيبي اللي فداني هو حافظني وبيرعاني)2
كل طريقي إيده ماسكاني مش ممكن أبدًا ينساني
2-(أول ما أصحى وأبدأ يومي أشكر اللي حفظني في نومي)2
وأطلب منه معونة وقوة وأطرح عنده كل همومي
3-(طول اليوم قلبي مرفوع حمد وشكر لربي يسوع)2
وأعيش كل حياتي لمجده علشان أربح ليه الجموع

1- فرحة وفرحة بتملا حياتي كل طريقي فيه أفراح
فرح خلاصي وفرح نجاتي من العبودية بقيت مرتاح
فرحة هنية بالحرية فرحة تدوم كل الأيام
فرحة تهوِّن لي البرية مهما يكون في طريقي آلام
2- فرحة وفرحة في كل طريقي كلي سعادة وأنا وياك
ماسك إيدي فيعلْى نشيدي ما أحلاها أيامي معاك
فرحة هنية وأحلى هدية إن حبيبي معايا صديق
فرحة تهِّون لي البرية مهما أمُر في ضعف وضيق
3- فرحة وفرحة فوق الأفراح فرحتي إن في يوم هالقاك
دي بترفعني وتشجعني أقضي حياتي باستناك
فرحة هنية حالاً جايه فرحة هاتكمَل يوم لقياك
فرحة تهوِّن لي البرية إني قريب هالقاك في سماك

(طوبى)5 طوبى يعني إيه؟
طوبى: يعني يا بخته يعني يا سعده
أو يا هناه للي بيرضي الرب إلهه وبيعمل رضاه
طوبى للي ما يسلك أبدًا في مشورة الأشرار
ولا في طريقهم أو مجلسهم يحلى له المشوار
لكن في كلام ربه مسرة قلبه ليل ونهار
فيكون زي شجرة مغروسة جنب الأنهار
دايمًا خضرا تمام في ميعادها بتدي أحلى ثمار
كل اللي يعمله ناجح ناجح باستمرار
(طوبى )4 طوبى للأبرار

القرار- (ربي حبيبي كلامك حلو في قلبي راح أخبيه
كل ما أدوق في حلاوته باحبه أكتر وأفرح بيه)2

1-هو سراج رجلي والنور لسبيلي
بينوَّر لي وبيرشدني في كل طريقي
وفي رحلة عمري و طول أيامي
هو ليَّ نور لعينيَّ ولخطوة رجلي
2-هو لي مراية تكشف لي خبايا
شري وضعفي واللي في قلبي أو أي خطايا
ولمجد إلهي تتغيَّر صورتي
ويعلمني ويفهني بروحه جوايا
3-هو لي سلاحي في كل حروبي
حق لوسطي ودرع لصدري وسلام لرجلي
وتُرس إيماني وخوذة لراسي
وسيف الروح اللي بيه أغلب إبليس ده عدوي

القرار - ربي إداني كتاب ثمين ليه عهدين أسفاره ستة وستين
1- عهد قديم أسفاره تسعة وتلاتين بالترتيب
تكوين خروج لاويين عدد تثنية
يشوع قضاة راعوث
صموئيل الأول صموئيل الثاني
وملوك الأول وملوك الثاني
أخبار الأيام الأول أخبار الأيام الثاني
عزرا نحميا أستير أيوب
والمزامير أمثال جامعة نشيد الأنشاد
إشعياء إرميا ومراثي إرميا
حزقيال دانيال هوشع ويُوئيل عاموس
عوبديا يونان ميخا ناحوم حبقوق
صفنيا حجي زكريا وملاخي
2- عهد جديد أسفاره سبعة وعشرين بالترتيب
متى مرقس لوقا يوحنا
أعمال الرسل ورومية
كورنثوس أولى كورنثوس تانية
غلاطية أفسس وفليبي وكولوسي
تسالونيكي الأولى تسالونيكي الثانية
وتيموثاوس أولى وتيموثاوس ثانية
تيطس فليمون عبرانيين ويعقوب
وبطرس الأولى وبطرس الثانية
يوحنا الأولى.. والثانية.. والثالثة
يهوذا ورؤيا يوحنا
**كل الكتاب هو موحى به من الله
ونافع للتعليم والتوبيخ للتقويم
والتأديب الذي في البر لكي يكون
إنسان الله كاملاً
متأهباً لكل عمل صالح

القرار- (أنا ها أسهر وأستناك وأستنى يوم لقياك
تيجي وتاخدي معاك للمجد في أعلى سماك)2
1- ما أحلاه الوعد أكيد راح تيجي وبالتأكيد
تتحق لي المواعيد وأنا ها أفرح وأنا وياك
والعالم مهما يكون في نعيم أو حتى أتون
ها يزول والصعب يهون وأنا باسهرباستناك
2- ياحبيبنا تعال قوام طالت بينا الأيام
وقلوبنا في شوق وهيام تتمنى يوم لقياك
ده العالم كله أنين وقلوبنا فيها حنين
تترجى تعال آمين يا حبيبنا بنستناك

القرار- (السماء والأرض تزول وكلامي مش هايزول
ولا يمكن تسقط كلمة واحدة منه مهما أقول)2
1-(أنا جاي ليكوا يا أحباب ومجيئي على الأبواب
العلامات واضحة تمام وأكيد مش عايزه حساب)2
2-(أخبار مجاعات وحروب في الأرض ضيقات وكروب
والخاطي يراجع نفسه ياريت بسرعة قوام يتوب)2
3-(واللي أخد الإيمان مطمن وفرحان
ورافع راسه بشوق مستني حبيبه كمان سهران)2

1- ربي بحبه جه من مجده ومات عشاني
غفرلي ذنوبي ستر لي عيوبي حمل أحزاني
سدد ديني وجدد قلبي غير كياني
دوقوا شوفوا ربي حبيبي ما أطيبه
القرار- (دوقوا شوفوا)2
دوقوا شوفوا ما أطيبه
2- قلبي اهديله حبي أديله ربي حبيبي
روحي وعقلي وكل كياني هو نصيبي
ها أفضل أخبر عنه أبشر صاحبي وقريبي
دوقوا شوفوا ربي حبيبي ما أطيبه