إتفتحى يا أبواب (14 ترنيمة )

(قدوس .. قدوس .. قدوس .. ربي يسوع) 2
الملايكة بيسبحوا والكل هايسجدوا
ليك ربي وإلهي القدوس يسوع

1-(غمض عينيك في الصلاة معايا وصلي لربنا)2
من كل قلوبنا نقول ليه يسوع أنت عظيم
(يسوع أنت عظيم )3 .. علشان كده أنا باسجد ليك
2-(ارفع ايدك للسما معايا وسبح ربنا)2
من قلوبنا هانقول ليه يسوع أنت عظيم
(يسوع أنت عظيم )3 .. علشان كده أنا باسجد ليك
3-شكراً ليك يا ربنا إنك جيت لأرضنا
ومت عشانا على الصليب يسوع أنت عظيم
(يسوع أنت عظيم )3 .. علشان كده أنا باسجد ليك

1-ربنا إنت كبير .. ربنا إنت كبير
سماوات .. سمتا السماوات
ما بتشيل إنت .. إنت كبير
2-ربنا إنت عظيم .. ربنا إنت عظيم
سماوات .. سمتا السماوات
ما بتشيل إنت .. إنت عظيم
3-ربنا إنت قدير .. ربنا إنت قدير
سماوات .. سمتا السماوات
ما بتشيل إنت .. إنت قدير

1-مين زيك في الحب يدّي من غير حساب
ويغير لما أفتح يوم ما يخبط ع الباب
مين غيرك يهتم بأصغر الأمور
ده معاك قلبي بيهتف مين زيك يسوع

القرار -مجداً ليك مين زيك باهديك كل اللي ليَّ
شكراً ليك لأنك بتهتم بيَّ
كل حياتي أنا باهتف مجداً ليك .. مين زيك

2-مين غيرك ينقلني من الظلمة للنور
مين غيرك يغمرني فيض سلام وسرور
مين غيرك يشبعني بكلمته ويملاني
ويغير في حياتي مين زيك يسوعي
3-وقت ما يجي الخوف ترفع سفينتي لفوق
وقت ما يجي الحزن بتعزي نفسي بحب
وقت ما تيجي تجارب ألاقيك عني بتحارب
وألاقي قلبي بيهتف مين زيك يسوعي

(بيك أنا باعيش باتحرك وباجري
ليك أنا هاعيش لمجدك من صغري)2
وهامشي وراك يا يسوع على طول الخط
عايز أحفظ وصاياك وأعملها بالظبط
(مين غيرك يا ربي .. مقدرش أعيش)2
ده أنت حياتي .. أنت كل حياتي

القرار - بحبك يا يسوع

1-أنا يمكن أكون صغيّر وناس شايفاني قليل تفكير
لكن بحبك يا ربي وأعيشلك وأخدمك يا قدير
2-بحب أقعد معاك واسمع صوتك يا حبيبي
وأرنم ليك وأشكرك على حبك اللي مغطيني
3-باصلي علشان حبايبي وحتى اللي بيضايقوني كتير
علمتني أحبك ربي وأحب أطلب للناس الخير

القرار -اديني إيمان في قلبي أقدر بيه أنقل جبال
أقول للجبل: امشي .. فيسمع كلامي في الحال

1-يمكن يكون الجبل في حياتي خطايا كتيرة
مش عارف أبطلها وعاملة لي حيرة
لكن إيماني دم يسوع يطهر من كل خطية
(حتى لو كانت جبل)2
2-يمكن يكون الجبل في حياتي مشكلة عويصة
مش راضية تتحل وعاملة لي هيصة
لكن إيماني بقوة يسوع هأقدر ألاقيلها حل
(حتى لو كانت جبل )2

يا رب أنا عندي إيمان هاينقل الجبال
هايغير الأحوال وهايصنع المحال
إنت يا رب بتستجيب وبتعمل التغيير
تعالَ يا رب واسمعني ده إنت ربي القدير

1-مصدق إن يسوع بيغير .. مصدق إن يسوع بيحرر
علشان كده أنا هاتغير .. علشان كده أنا هاتحرر

القرار - لأن يسوع هو الله
يسوع هو الله .. يسوع هو الله .. يسوع هو الله القادر على كل شيء

2-مصدق إن يسوع بيغير .. مصدق إن يسوع بيحرر
علشان كده بيتي هايتغير .. علشان كده بيتي هايتحرر
3-مصدق إن يسوع بيغير .. مصدق إن يسوع بيحرر
علشان كده بلدي هاتتغير .. علشان كده بلدي هاتتحر
4-مصدق إن يسوع بيغير .. مصدق إن يسوع بيحرر
علشان كده الكل هايتغير .. علشان كده الكل هايتحرر

القرار -اتفتحي يا أبواب وارتفعي من قدامنا
وهايدخل ملك المجد يسوع
مين هو ملك المجد .. يسوع المسيح
مين هو رئيس السلام .. يسوع المسيح
مين هو رب الأرباب .. يسوع المسيح
مين هو رب الجنود .. يسوع المسيح
مين بموته سحق الشيطان .. يسوع المسيح
مين بموته أعطانا حياة .. يسوع المسيح
مين هو اللي ليه السلطان .. يسوع المسيح

هتعمل حاجة عظيمة وهتعمل حاجة رهيبة
لأنك إنت يسوع
إنت العجيب .. إنت المشير .. إنت الإله .. إنت القدير