تكلم يا رب (11 ترنيمة )

بعد الحزن بقيت فرحان وتمتعت بالغفران)
وفي السما بقا ليَّ مكان وعايش في أمان)2
وفّى ديوني)3 يسوع)

أكتر وأكتر كل يوم باحبه على مر الأيام)
وأكبر وأكبر عايز أبقى زيه زيه بالتمام)2

سألوني لما أكبر أنا عايز أبقى إيه
دكتور ولا مهندس ولا ظابط بباريه
ولّا يمكن مدرِّس الناس تفتخر بيه
ولّا أعمل مدير ويقولوا سعادة البيه
قلتلهم أنا عايز أبقى زيّ يسوع
قلبه مليان محبة وتواضع وخشوع
أعلم التسامح وأمسح الدموع
وأحارب الخطية تمام زي يسوع

1-يوم الأحد فرحان يوم الاتنين سعيد
يوم التلات كمان فرحي عمال بيزيد
يوم الأربع والسبت والجمعة والخميس
لساني عمال يشكر بالتهليل هللو
نعم أنا رايح (أنا رايح للأمجاد)3
أكيد أنا رايح (أنا رايح للأمجاد)2 وأنا فرحان
(هللويا)2 أنا ماشي في طريق طريقي للسما

2-خطوة رجلي قليلة ومشواري طويل
طريقي صعب شوية وفيه نهار وليل
أصغر خطوة تقربني من وطني الجميل
وكل يوم بيعدّي بقرّب للسما
(هللويا)2 أنا ماشي في طريق طريقي للسما

القرار
(أنا لما دخل قلبي يسوع بدأت صفحة بيضا جديدة اتغير حالي مفيش رجوع للصفحة الوحشة القديمة)2

1-(كان سهل عليَّ أعمل خطية كتير أضرب
وأشتم وماسمعش كلام الكبير)2
وألاقي نفسي في الآخر حزين مش عارف أتغير)
وحاسس إني شرير)2
لكن
2-(وكان لساني دايما مش تمام يحكي ويقول كلام أغاني وأفلام)2
(وأقعد أحكي أسرار الناس وأدبّر مكايد ومقالب ومواقف كلها شرّ)2
لكن

بمحبة كبيرة حبيتني واديتني حياة أبديّة متّ وبدمك فديتني قبلت خلاصك يا فاديَّ
طهّرت قلبي الصغيّر من كل خطايا ردية أبسط حاجة إني أقدم قلبي ده ليك هدية)2)
قلبي ده ليك هدية

بنحبكم)2.. بحبّ يسوع.. بنحبكم)
جايين بنقولكم
إنّ إحنا بنحبكم وزي يسوع ما حبنا
إحنا بنحبكم

1-(بداية جديدة مع يسوع ولا للخطية
يطهّر قلبي يحررني وتبقى السما ليَّ)3

1-(لما بأقعد قدام يسوع وأفتح كتابي
بالاقي دايماً كلمته بتغير في حياتي)2
من كل قلبي باقوله يا يسوع)2)

القرار-(تكلم يا رب وأنا عبدك سامع
تكلم يا رب ساعدني أكون خاضع)2
لكل اللي تؤمرني بيه)
عشان إنت وحدك ربي)2

2-(كلمة يسوع دايماً حيّة وكمان فعالة
تقدر تغيّر كل الناس وتكون ليهم مراية)2
باصلي دايماً وأقوله يا يسوع)2)
3-(كلمة يسوع قوية وتقدر تعمل معجزات
تشفي مرضى وتساعد ناس وتقوّم من الأموات)2
باهتف دايماً وأقوله يا يسوع)2)

-هل أنتم الذين بقوة الله محروسون
-نحن الذين بقوة الله محروسون
-عرفتم الآية فين ولا لسا
-في بطرس الأولى 1:5

القرار-(أعمق من بحار هي دي محبة يسوع
أعلى من الجبال هي دي محبة يسوع
أجمل من كل جمال هي دي محبة يسوع
علشان كده أنا قلبي بيهتف ليه)2

1-(لما لقيني تايه حزين
جيه على علشاني ووفى الدين
كان التمن هو الصليب
بحبك يا يسوع)2
2-(في وقت ضيقي بيسرع لي
يجي بروحه يقويني
يشجعني وينجيني
بحبك يا يسوع)2
3-(لما بكون خايف قلقان
يجي ويملا قلبي سلام
سلامه بيخليني فرحان
بحبك يا يسوع)2

1-يا رب ده مفيش واحد بينام جيعان
لو متكًل عليك ومليان بالإيمان
دي حتى العصافير بتلاقي أكلها
علشان إنت عارف هاتأكلها كلها

القرار-يا رب أشكرك.. يا رب أشكرك
دايماً مهتم بيَّ حتى وأنا نعسان
يا رب أشكرك.. يا رب أشكرك
مش لاقي حدّ في حبك ولا زيك في الحنان

2-حتى كمان شعرة راسي تقع بعد استئذان
علشان إنت عارفها وعادِد شعري كمان
يبقى أنا ليه أخاف؟! ويسوع ربي حنان
ده عارف اسمي واسمك وعينيه تجولان
3-واللي يعيش معاك عمري ما أشوفه زعلان
واللي حياته ليك يبقى تملي فرحان
علشان إنت الراعي عينك على الخراف
باشكرك وأنا معاك و بكده مش هاخاف