عايش بيك (10 ترنيمة )

1- أيوه الجرح زاد جوايا لما شفت ابني ضنايا
فوق صليبه ويا لهيبه يبكي قلبه وتبكي سمايا

القرار- لو بإيدي أفدي حبيبي كنت بروحي أنا أفديه
ابني الغالي صليبه عالي وأنا مش قادرة أوصل ليه

2- يصرخ يصرخ قلبي معاه يبكي تبكي عينيَّ معاه
أسمع صوته ويا سكوته ويا كلامه يقول الآه
3- مد إيديه كتير بالخير وآدي جزاة الخير مسامير
اللي بحبه ورقة قلبه ياما داوى جروح كتير
4- آه من القسوة بكت روحه آه من الدمع اللي في نوحه
يبكي قلبي على ابني اللي سامح رغم جروحه

1- فردت إيديك اديتني كتير قلت لي مخازني كلها ليك
فتحت بيبان السما يا قدير قلت لي يا ابني الخير في إيديك
وهبت لي قلب كبير قلت لي اسكن فيه وحديك
دايماً شاغلك في التفكير نقشت اسمي على كفيك
2- كل دي نعم اديتهالي ولسه كمان ياما بتدي
كل دي نعم بين إيديَّ وأنا دايماً باخد مش بادي
لإمتى هابقى أناني بطبعي ودايماً بافرد ليك يدي
وأرجع أخونك ربي بذنبي وأنسى يوم ما اديتك وعدي
3- ياما زرعت في قلبي محبة لكن قلبي قاسي وعنيد
كل ما ترمي فيه الحبة بيرفض يبقى زرع جديد
أرض قلبي قاسية صلبة وعايزة فاس من حديد
أصل أرض قلبي صعبة وإنت الزارع الوحيد
4- عيد تاني الزرع فيَّ علشان قلبي يرجع ويلين
ارمي بذور النعمة فيَّ يمكن تزيد في غرس التين
وأكيد راح أوصل للمياه بعد ما كنت في يوم تلاتين
وأرجع تاني أرضي حية تطرح حب ويا حنين

1- (لا مش هابكي أغلى حبايبي مهما فراقهم أثّر فيَّ
راضي أنا بنصيبي ونايبي واللي بيقسمهولي فاديَّ)2
(نسمة روحه بتعمل فينا كلنا ملك إيديه و صنيعته
والدمعة ليه تملا عينينا لما بيطلب تاني وديعته؟)2
2- (الأحزان زادت حواليَّ ربي سمح بيها وجربني
كانت تجربة قاسية عليَّ لكن ليه يسوع بتجربني؟)2
(مش راح تبكي في لحظة عيوني ولا يوم الأحزان تأسرني
اللي فاتوني دول وحشوني باطلب من ربي يصبرني)2

1- يا مُحبّاً ماتَ عن جنسِ البشرْ أمحُ إثمي أنت أولى من غفر
كُن مُعيناً فأنا ممّن عَثَر بالخطايا يا حبيبي يا يسوع
2- أنتَ حِصني وإليكَ المُلتجا مِنكَ ألقى بالتجائي الفرج
فأعن ضَعفي ووطّن بي الرَّجا بِخلاصي يا حبيبي يا يسوع
3- أنتَ تَدعو الخاطئ الغرَّ الأثيم لِينَال الخُلد في دار النَّعيم
وأنا مهما يَكُن ذَنبي عَظيم لَك آتي يا حبيبي يا يسوع
4- أنتَ من تُحيي رجاءً في القلوبْ بهداية المجد إن كانت تَتُوب
أنتَ غفّار الخطايا والذُنوبْ فَامحُ إثمي يا حبيبي يا يسوع
5- تِهْتُ في وادي الخَطا فانظُر إلي واهدني طُرق الهُدى وأشفق عليْ
وأنا كُل الثنا ما دمت حي لَك أُهدي يا حبيبي يا يسوع
6- يا كَريماً جاءَ من أعلى سماهْ لكَ حَمدي كُل حينٍ في الصلاة
وإذا ما جاءَني يومُ الوفاة لكَ نَفسي يا حبيبي يا يسوع

القرار – (جريح على أرض الخطاة ذبيح على خشبة صليب)2
(لكن يا ربي رغم الآلام كان احتمالك شيء عجيب)2

1- (الصليب خلى الأنين ع الألم أكبر دليل
بس مين هايشيله مين حد غيرك مستحيل؟!)2
2- (انت شيلت صليبي عني رغم إنه ماكنش ذنبك
انت حبيتني لكني ماستهلش يا ربي حبك)2
3- (كل نقطة دم سالت تدي للأموات حياة
ع الصليب نزلت وقالت اللي مصلوب ده إله)2

القرار – (عايش بيك من غيرك انت إزاي أعيش؟
شايف فيك فرحة وسعادة ماتنتهيش)2

1- (رحمة وحياة طول الطريق وانت معايا
حب وصلاح وانت الصديق ترعى خطايا)2
2- (قلبك بيدّي لقلبي أمان وسط الظلام
بالحب تدّي كل الحنان تشفي الآلام)2
3- (انت راعيَّ إزاي أسيبك وأروح لغيرك؟
تمسك إيديَّ أمشي في طريقك وأشبع بخيرك)2

القرار - عالم بجهلي حاسس بضعفي.. قلبك تملي يسامح ويعفي
ورغم إني خاطي مادد لي إيديك.. مدبر حياتي شايلني في عينيك

1- أبعد بعيد وإنت الوحيد باصص عليَّ فوق من سماك
ومهما يكون قلبي عنيد بتقول لي يا ابني قلبي معاك
2- جهلي وخدني ضعفى ورماني درب خطايا بحر دموع
تاهت حياتي ضاعت آمالي وأنت ما نسيتني يا ربي يسوع
3- محتاج حنانك دايماً يا ربي من غيرك إنت إزاي أعيش
وكل نبضة جوه في قلبي بتقول يا ربي غيرك ماليش

القرار - عندك شبعي وسروري وكلامك هو نوري
بك يرتوي فؤادي ما إنت كل احتياجي

1- وسعادة معاك كل الأيام والحزن في قلبي مالهوش مكان
انكسر النير وصرنا أحرار وروحه لروحي بتحكي أسرار
2- ورحمة وخير طول الأيام معايا ماشيين على الدوام
معايا في الرحلة هو ضمان وبانسى في قربه أي آلام
3- ويرفع عني كل أمراضي ويجدد كالنسر شبابي
وبالأفراح يغمر أيامي ويزيل أحزاني وأتعابي

1- ياللي بتجرح قلب غيرك من غير رحمة أو إحساس
هي دي وصية إنجيلك إنك تجرح كده في الناس
راجع نفسك قبل كلامك وأعرف معنى الكلمة إيه
قبل ما ينطق كلمة لسانك شوف من الكلمة بتقصد إيه

القرار - واعرف إن الرب يسوع حبه بيستر أي عيوب
ليه في الشر تعيش مخدوع اعرف معنى الحب وتوب

-2 تكنز تبني مخازن خيرك كلمة عايز هي ردك
تسرق دايماً حاجة غيرك وتقول حقي ده مش حقك
بكره تقدم كشف حساب قوللي بس هاتعمل إيه
العدل ده طبعه وعمره ما غاب ربي يسوع سهرانة عينيه
3- الحق قدم توبة وتوب قبل ما تلقى مصيرك ضاع
ابكي اندم ع الذنوب عش بالروح وفي اتضاع
قبل ما بكره العمر يفوت مش هايفيد ندم وعتاب
ليه تحرم نفسك من الملكوت وهو فاتح ليك الباب

1- (أنا جيت سلمتك قلبي يا اللي غفرت لي ذنبي) 2
(معاك همومي بتزول أفرح وياك على طول) 2

القرار - (ماقدرش أعيش من غيرك يا راويني يا يسوع من خيرك) 2
(في الجوع ألقاك شبعي في الخوف بتشجعني) 2

2- (أنا ليَّ يد قوية وعين سهرانة عليَّ) 2
(شماله تحت رأسي يمينه تعانقني) 2
2- (ده إنت مهون لي الغربة ومعايا في ظروفي الصعبة) 2
(إنت الدوا لمرضي وإنت القوة لضعفي) 2