زي النسر (9 ترنيمة )

القرار - (فارد زي النسر جناحي طاير فوق المرتفعات
غالب بيك أنا كل جراحي أصل الوعد ماليني ثبات)2

1- مش متروك لظروفي لوحدي أو لسهام بتطير حواليَّ
دايرة الحرب وفيها تحدي بس انت مسيج حواليَّ
2- عالي بحبك فوق آلاماتي مش هاتأثر فيَّ أتعاب
أنا ضامن فيك انتصاراتي وإني في إيدك مش متساب
3- يا يسوع انت إله جبار وأنا عايش دايماً في حماك
مش هاحني أنا للأشرار اتعلمت النصرة معاك

1- سباني بحبه سبياً عميق فما عدت عنه أطيق انفصال
عزيزٌ عليَّ وأغلى صديق يشاركني صرخي في كل حال
2- جميلة وعذبة وحلوة الحياة وأجمل ما فيها لقاء الحبيب
وعندما عينيَّ قلبي تراه دموعي تفيض ونفسي تطيب
3- أمامه أجثو بكل احترام وأعرض ما بفؤادي الجريح
يزيل همومي ويمحو الظلام وقلبي بجانبه يستريح
4- في عينيه أقرأ حباً عظيم ووجهه حلوٌ يفيض حنان
تمرّ الساعات كمرّ النسيم فلا يبقى للحزن فيَّ مكان

1- ناديتك يا عدرا يا أمي الحنون ناديتك بقلبي ودمع العيون
لقيتك سمعتي كل الكلام جيتيني يا أمي معاكي السلام
ناديتك وهافضل أرنم وأقول شفاعتك معايا يا أمي البتول
2- في وسط الخطية وليل الشرور بنجدة قوية تجيني بظهور
وأنسى بحنانك ضيقات الزمان وأفضل في حضنك يا نبع الحنان
يا أصل الطهارة يا باب السماء يا فخر العذارى يا نبع الرجاء
3- ماليش غيرك إنتِ أشكي له الهموم يا مرسى لسفينتي في بحر الغيوم
يا أم اليتامى اسمعي لي دوام يا بر السلامة يا نور الظلام
حبيتك يا ساكنة في قلبي من زمان واسمك نقشته في صدري بإيمان

القرار – يا غربة الأيام خلص مني الكلام
وعينيَّ بتبكي بتبكي من كتر الآلام

1- وحيد وعايش دنيتي أسير لضعفي وذلتي
وده كله من خطيتي وبعدي عن رب السلام
2- صور لي وهمي إني هاعيش في سعادة وفي راحة سنين
وإن بعد المال مافيش شيء يسعد القلب الحزين
3- نسيت خلاصي وسبت ناسي وعشت ناسي أنا ملك مين
وفجأة لما سلامي تاه مشيت أدور في الحياة
4- وأما قاسيت بعد وناديت مالقتش غير صوت الرجوع
بيقولي ارجع وارتمي في حضني أنا حضن يسوع

القرار - (ورا سورك العالي جهاد القديسين
ورا سورك العالي إيمان راسخ متين)2
ورا سورك العالي باشوف كل الفضايل عايشة على مر الزمن
خالدة طول السنين ورا سورك العالي .. ورا سورك العالي

1- ورا سورك العالي كمان بستان زهور
فيه الإيمان وفيه فضايل ليها نور
بتقولنا ع الإيمان حقيقي نوعى بيه مابينتهيش عطره على مر العصور
ورا سورك العالي
2- سورك يا دير يبعدنا من العالم بعيد
عن شهوته وعن خطية فيه تزيد
لولا صلاة بيرفعها فيه القديسين كان ربنا كرر سدوم ده شيء أكيد
ورا سورك العالي

القرار - مستنيني أقولك آه ادخل قلبي وعيش جواه
لكن حتى في وسط تجاربي بانسى إن إنت أبويا وربي
حتى حنانك أنا بانساه

1- من نعمك يا مجدي امنحني وتملي قلبك مسامحني
وتقولي لا يا ابني محال قلبي هاينسى الابن الضال
مهما يبيعني أو يجرحني
2- مستنيني أقرب ليك وأبقى حنين مرة عليك
وأفتكر التمن اللي دفعته وصليبي اللي بحب رفعته
وجروح المسمار في إيديك
3- أنا دلوقتي بقولك آه أدخل قلبي وعيش جواه
وإن زادت في الدنيا تجاربي أنا مش هاضعف تاني يا ربي
حتى حنانك مش هانساه

القرار- يا آبائي رهبان البرية نفسي أعيش عيشتكم دية
(عيشة صلوات وسهر ودموع)2 بتقدموها للرب يسوع
يا آبائي يا آبائي
1- أبو الرهبان أنبا أنطونيوس وتلميذه الأنبا مكاريوس
(تركوا كل غالي وثمين)2 ليخدموا الفادي الأمين
يا آبائي يا آبائي
2- لما هجموا عليكم البربر ماحدش خاف ولا أنكر
(قلتوا إلهنا هو المسيح)2 اللي يجب له التسبيح
يا آبائي يا آبائي
3- برية شيهيت ميزان القلوب فيها كل شيء محبوب
(فيها الطريق للأبدية)2 وحياة إلهنا البهية
يا آبائي يا آبائي

(يعلو نشيدي وأشدو لك
بصوت هتافي وحمدي لاسمك)2
(فعند شبابي وحتى مشيبي
لك ترنيمي لك وحدك)2