مزاميرو 3 (28 ترنيمة )

أحمدك يا رب إلهي من كل قلبي وأمجِّد اسمك إلى الدهر
لأنك عظيمٌ أنت صانعٌ عجائب أنت الله وحدك أحمدك

القرار - إحنا تلاميذ يسوع زي بطرس ويعقوب ويوحنا
إحنا تلاميذ يسوع زي فيلبس وتوما ومتّى وتداوس
وأخوه يعقوب أندراوس وبرثلماوس
وسمعان الغيور ويهوذا الإسخريوطي

١- هم حبوه أنا عايز أحبه هم خدموه أنا عايز أخدمه
هم عرفوه أنا عايز أعرفه هم تبعوه أنا عايز أتبعه
٢- يسوع علمهم علمني ياربي يسوع قادهم قدني
ياربي يسوع أشبعهم اشبعني ياربي واستخدمهم استخدمني

١- أنا أكتر واحد يعزف على البيانو وكمان باكتب وألحَّن
دايماً عشانه وليل ونهار باسبح ومش هاوقَّف أبداً تسبيح يسوع
٢- أنا عندي فلوت وتاندريم علشان أسبح ربي فاديَّ
أنا عندي صوت عندي إيدين وبصوتي أهتف وأرفع إيديَّ
٣- أنا أكتر واحد يعزف على الكمانجة وصاحبي على الجيتار
وأخويا على الكونجا وجبنا درامز جامد عملنا أحلى فرقة فريق تسبيح يسوع
٤- أنا عندي عود عندي أكورديون وآلاتي تعزف ليه طول اليوم
وكمان إيديَّ هاتصقف ليك وركبي برضو هاتسجد ليك
٥- مش عندي آلات كتير ولا حتى باعرف أعزف لكن هاعلي صوتي
وأهتف كمان وأصقف حتى بتصرفاتي شكري في كل موقف بيزيد تسبيح يسوع

١- القطة بتنونو نياو نياو والكلب بيهوهو هاو هاو
والخروف بيمأمأ ماء ماء والحمار بينهَّق نيها نيها
والحصان يجري وينط يقف ويصهلل نييه
وأنا في حاجة حلوة باعملها بصوتي ليسوع

القرار - أنا باسبح ربي يسوع وأفضل أصقف ليه
وأرنم ليه هللوا وأهتف أحلى الألحان
أنا من خليقة ربي أنا هافضل أهتف ليه
أنا باسبح ربي يسوع وباقول له إني باحبه لما باسبحه

٢- العصفور بيصوصو صيو صيو
والفرخة بتقول كاك كاك كاك كمان
الديك بيكوكو كوكوكوكو والبطة تقول كواك واك واك
والقرد بيتنطط من شجرة لشجرة
وأنا في حاجة حلوة باعملها بصوتي ليسوع

شوفوا ربنا عملني حلو إزاي إلهي خلقني على صورته شبهه
أنا أقدر أصقف وأنا أقدر أمشي إلهي خلقني على صورته شبهه
أنا أقدر أنط عالي لفوق وأنا أقدر أعطس هاتشو إلهي خلقني على صورته شبهه
شوفوا ربنا عملني حلو إزاي أنا أقدر أدب برجلي ألمس راسي
ألمس بطني ألمس رجلي إلهي خلقني على صورته شبهه
شوفوا ربنا عملني حلو إزاي أنا أهتف هللوا يسوع
بيحبني ويراعني ياهو إلهي خلقني على صورته شبهه
شوفوا ربنا عملني حلو إزاي

كانت مرة حوا ماشية وفيه شجر كتير
ده فيه شجرة طعمها خطير لكن سمعت صوت الحية
ومش ممكن تفوت رغم شافتها حوا فرصة حلوة
إنها عارفة الوصية اللي ياكل من الشجرة يموت
إبليس قدم لها خطية بس شكلها فظيع
عمري ما هاكسر الوصية وهابقى ليك مطيع
امشي بعيد يلا يا كداب مش هاسمع إلا صوت الله
هاقرا كلامه في الكتاب وطول حياتي أمشي وراه
إنت الشيطان والشيطان كداب إنت الشيطان وإنت الكداب
You are the devil and the devil is bad
You are the devil and you are bad

١- أنا لسه صغير مابعرفش الكلام هو بيرعاني
ويديني سلام وإن نسيتي ماما وسابتني كمان
هو لسه فاكرني وعليَّ سهران

القرار - حبي ليسوع بيزيد عشان حبه ليَّ ده شيء أكيد
وأنا جوه فصلي أو في امتحان بيقوللي ماتخفشي ويديني أمان
حتى لما أعيط بيقوللي كمان نقشتك على كفي من زمان

٢- ده أنا لما أكبر جداً وأبقى قد بابا هافضل برضه ابنه
وهو برضه بابا ويفضل يرعاني وأنا ماسك في إيديه
ده اللي يمسني بيمس عينيه

يا بابا احكي لي حكاية من الكتاب زي باباك ما كان بيحكي لك
علشان لما يكون عندي أولادي أحكي لهم برضه حكاية من الكتاب
احكي لي عن موسى لما كان في السبت وكان السبت عايم على وش النهر
ربنا إزاي قدر يحمي موسى وطول حياتي بيحميني
يا ماما احكي لي حكاية من الكتاب زي مامتك ما كانت تحكي لك
علشان لما يكون عندي أولادي أحكيلهم برضه حكاية من الكتاب
احكي لي عن يسوع لما كان صغير وراح الهيكل مع مامته وباباه
ربنا إزاي قدر يحميه وطول حياتي بيحميني

القرار - الرب راعيَّ فلا يعوزني شيء
١- في مراعٍ خضرٍ يربضني إلى مياه الراحة يوردني
٢- إنما خيرٌ خيرٌ ورحمة يتبعانني كل أيام حياتي

١- أنا كمانجة بأوتار ومفاتيح وباسبح يسوع المسيح
هللويا بافرح لما أسبح يسوع هللويا بافرح
كمانجة أعزف له كمانجة وأهتف له
٢- أنا جيتار وعندي ست أوتار وباسبح بكوردات كتار
هللويا بافرح لما أسبح يسوع هللويا بافرح
وأعزف له ع الجيتار
٣- أنا أكورديون بمنفاخ وزراير بتسبيحي إبليس حاير
هللويا بافرح لما أسبح يسوع هللويا بافرح
وأعزف له أكورديون
٤- أنا ساكسفون لي طمونات أعزف له أحلى الترنيمات
هللويا بافرح لما أسبح يسوع هللويا بافرح
وأعزف له ساكسفون

١- أنا عندي ربي في قلبي جوه أهتف وأقوله بحبك يا يسوع
القرار - اهتفوا هاي هاي رنموا هاي هاي مجدوا وعظموا يسوع
٢- يسوع هو الطريق والحق والحياة يسوع هو الطريق للنجاة

القرار - باشكرك يا يسوع كل أيام الأسبوع
حد اتنين تلات أربع خميس جمعة سبت

١- هاسبحك من غير ما أشبع ياللي إبليس غلبت
٢- كل وصاياك أتبع علشان إنت اتصلبت

باركي يا نفسي الرب باركي وكل ما في باطني ليبارك اسمه القدوس
باركي يا نفسي الرب باركي ولا تنسي كل حسناته

١- يا أبونا ياللي في السما إنت أحن قلب دايماً
أبداً ما هاتنسانا ما إحنا ولادك يارب
دعيت اسمك علينا وإنت اسمك قدوس
خلينا نقدس اسمك يا مخلص النفوس
٢- املك على كل حياتنا اجعلنا نعيش ملكوتك
مش قلت لنا إنه داخلنا سمعنا يارب صوتك في حياتنا
وكل أمورنا كمشيئتك عايزين نسلك طهِّر
يا رب ضميرنا بالحب علينا تملك
٣- زي ما في السما عايزين نسلك كملائكة يارب ع الأرض
كمان خلينا دايماً يقودنا الحب خبزنا اللي يكفينا
علشان ما نعيش اليوم يارب هاتدينا
من غير ما نشيل في هموم
٤- خطايانا كتير يارب لو تسمح تغفرها لنا
علمنا إزاي بالحب نغفر للي أخطالنا
ماتدخلناش في تجارب ده إنت عارف ضَعفتنا
ياللي عننا بتحارب بصليبك انتصارَتنا
٥- نجينا من الشرير على طول دايماً يحاربنا
علمنا إزاي بكلامك نغلبه لما يهاجمنا
لأن ليك المُلك والقوة كمان والمجد
ياللي اسمك مبارك في السما وكمان ع الأرض