مسيحنا هو الله (9 ترنيمة )

القرار – (ازاي ما يكونش يسوعنا إله؟... ده مسيحنا الغالي هو الله)4
ده يسوعنا فادينا وهو الله

1- ده ياما اتحمل علشاني مات عني وبموته فداني
طول عمري ربي ما ينساني وفي وقت الضيق أطلبه ألقاه
ده يسوع فادينا وهو الله
دايماً فى إيديه ع الكون سلطان ع الهوا والبحر وكل مكان
و ادانا نعمة بالغفران علشان يرفعنا لأعلى سماه
2- شال عني ذنوبي بحب عجيب شال عني بحبه آلام وصليب
علشان ألقى فى ملكوته نصيب كان مين يقدر يفديني سواه!
ده يسوعنا فادينا وهو الله
دفنوه فى القبر ثلاث أيام لكن من بين الأموات قام
علشان يوهبنا حياة وسلام ده مسيحنا الغالي هو الله

القرار – (يا عدرا صورتك دايماً معايا
في ضعفي وحيرتي حتى في بُكايا)2
وإن تُهت مرة في ظلام الطريق
ألقى نورك معايا رفيق

1-(حتى في يأسي لا مش بتنسي
قبلي تحسي وتداوي نفسي)2
2-(حتى في بُعدي عنك يا أمي
ألاقيكي جنبي نورك في دربي)2
3-(حتى في غمي بتشيلي همي
في حضنك تضُمِّي حبيبتي يا أمي)2

القرار – (أنت فديتني وشلت ذنوبي فوق صليبك يا مجروح
جايلك ربي بكل عيوبي املأني من فيض الروح)2
1-)تعالى يا ربي فك قيودي أطلقني نحو الأمجاد
طهرني واقبل سجودي اجعلني ضمن الأولاد)2
2-)تعالى يا ربي قوّي إيماني ارفعني فوق الأحقاد
اقبلني ثبّت خطواتي أبرئني من كل فساد)2
3-)اصنع بيَّ يا ربي آيات وعجائب استخدم هذا الأناء
لمشيئتك وأرادتك خاضع اخلق فيَّ نور وضياء)2

1-(راجع أنا باسلم ليك كل حياتي ملك أيديك
أسيب العالم وكل ما فيه وأنسى الماضي وماسك فيك)2
(باجيلك أنت بترفعني ولحضنك تاني ترجعني
خليني أفضل وياك دي العيشة معاك بتفرحني)2
(وماليش غير حضنك الدافي)2 ... ربي وإلهي
القرار – (هافضل وياك وباستناك ولا هأبعد عنك مهما كان
عايش رضاك وماليَّ سواك أكون معاك طول الزمان)2
2-(عمري أنا ما هانسي يوم يوم ما لقيتني أيديك يا حنون
تايه ضايع كلي ذنوب جيت شايل عني كل هموم)2
(حنيت عليَّ يا أعظم أب لقيت فى كلامك كل الحب
دي محبة فاقت كل العقل وشُفت مكاني جوه القلب)2
(وماليش غير حضنك الدافي)2 ... ربي وإلهي

القرار - )الدموع الدموع ليل نهار عايشه في دموع)2
الجراح سِكنت طريقي وأنطفت كل الشموع
الأمل كلمة ودابت والسعادة في قلبي ماتت
وقلبي ويا أحزانه ساكت أيوه علمته الخضوع
1-)أيوه جرحي أقوى مني ما فيأيد ترفعه عني)2
في العذاب عايشة لكنّي قلبي بيصلي بخشوع
2-)تجربة قاسية وقوية حطمت أحلامي فيَّ)2
لو بخاطري وبأيديَّ كنت أطير فوق الربوع
3-(حتى مهما يا دنيا تقسي تكسريني وتبني يأسي)2
للمسيح أنا سايبة نفسي ليَّ مين أنا غير يسوع

القرار
عينيا لسماك بتطلب رضاك وقلبي في نِداك تقوِّي ضعفي
تفرَّح قلبي يا عالي في عُلاك
تحييني وياك معيّشني في حماك واستنى برجاء
علمني الطريق ولا غيرك رفيق عينيا لسماك

1- (في أي زمان وفي كل مكان
بيك انت الخلاص و اديتنا الحياة)2
2- (انت هو نصيبي وفي حضنك داريني
دايماً مراعيني بحنانك ماليني)2

1-قومي يا نفسي وشوفي إلهك دايماً سامع كل كلامك
عايز يسأل ليه خطواتك تاهت منك وزادت آثامك؟
(قومي يا نفسي)3 وشوفي إلهك
2-قومي يا نفسي ودوسي شرورك اندهي ربك والبسي توبك
قومي يا نفسي وزيدي حصونك عودي يا نفسي وسيبي ذنوبك
(قومي يا نفسي)3 ودوسي شرورك
3-قومي يا نفسي وقِيدي شموعك نادي بقلبك ويا دموعك
نادي تلاقي بإيده يداوي كل آلامك عند رجوعك
(قومي يا نفسي)3 وقِيدي شموعك
4-قومي يا نفسي وزيدي صلاتك مين عارف وقت مماتك
قومي ونادي ع اللي فداكي هو مسيحنا هو خلاصك
(قومي يا نفسي)3 وزيدي صلاتك

باسم الآب والأبن والروح القدس الإله الواحد آمين
أبانا الذي فى السموات ليتقدس اسمك
ليأت ملكوتك لتكن مشيئتك
كما فى السماء كذلك على الأرض
خبزنا الذي للغد أعطنا اليوم
وأغفر لنا ذنوبنا كما نغفر نحن أيضاً للمذنبين إلينا
ولا تدخلنا في تجربة لكن نجنا من الشرير
بالمسيح يسوع ربنا لأن لك الملك والقوة والمجد إلى الأبد آمين