ماحلى القلب التايب (8 ترنيمة )

القرار – (ما أحلى القلب التايب اللي دايماً طالب الله
الروح لا يكون فيه غايب والشر ما يجري وراه)2
1-(أسمح دايماً يا إلهنا لقلوبنا تتغسل
ولا شيء يقدر يأخذنا من حضورك ولا فشل)2
2-(عارفك يا رب تفضل أطهر وأقدس ناس
عايزنا كدة وها تفضل تملانا قوة وحماس)2
3-(فديت نفوسنا بصلبك نفرح بيك باستمرار
بتواضع نقدم مجدك وسبحك ليل نهار

(تحت الشمس وبطول أيامى باشوف أيديك تعمل عجايب
وبروحك أعلى بانغامي وأقول يا رب أنا فيك دايب)2
(والطير بيعلى بصوته بصوته يحمدك
ويقول يا رب أنا شاكر شاكر محبتك)2
(وصوتي بالهتاف يعلى ده أنت فوق الكل أعلى)2 يا يسوع
(هللويا هللويا المجد ليك يا يسوع وحدك
هللويا هللويا ده الكون بيعلن عن مجدك)2
(ليك القوة يا يسوع)


Below the sun & all my days
I watch your hands making me wonders
nd by your Spirit, I’m high with praise
Saying oh Lord! I love you
nd birds are high with prayers prayers to You
Saying Oh Lord! Oh, thank you
Thank you for your goodness

1- (أمور الله عجيبة .. مواعيده عجب العجاب
بيغيَّـر الأزمــان .. ويســـبّب الأسبــاب)2
إذا عدّاني في صحرا .. يفتـح لي ينبوع في صخرة
وإذا اشتدت مجاعة .. يبعت خبزي ويّا الغـراب

القرار- إلهي صخر الدهور .. لا ينعس لا ينام
قدامـه الكل واضـح .. في النــور زي الظــلام
والقدرة في إيده وحده .. والكل يخضع لمجده
ولأني غالـــي عنده.. قلبــي مليــان ســــلام
قلبــي مليــان ســــلام

2- (مـحـبـة الله عجيبة .. تعلا فوق الجبـــال
محـبة كمان قريبة .. ثابتة في كـل الأحـوال)2
يا حبّه يا طـــول أناته .. لكـل ولاده وبنــــاته
أب مـثالــي ورعـــايته .. هـي كـمـال المثــــال
3- (ســلام الله عجـيب .. ويبان وسـط الخطـر
تلقـى المــؤمن يرنـــم .. رغـم الألـم والضـــرر)2
عشــان في قلبه إيمـان .. بـالله رب الأمــان
الناس شايفه جفـاف .. وهـو شـايفـه مطــر

(احفظ بلادنا يارب واملاها من خيرك
جايين بكل القلب مالناش رجاء غيرك)2
1- (احفظها من الحاجة و من الفقر .. ومن جفاف ينابيع النهر
احفظها من الإرهاب والشر.. احفظ بلادنا يا رب)2

القرار – (مجدك يعود ليها يشفى أراضيها
و مذبحك فيها يحفظ بلادنا يارب)2
(احفظ بلادنا يارب واملاها من خيرك
جايين بكل القلب مالناش رجاء غيرك)2

2- (احفظ بيوتك في بلادنا واملك عليها يا سيدنا
احفظ بناتنا وأولادنا احفظ بلادنا يارب)2
3- نطلب حماية لأبوابها عفة وطهارة لشبابها
دم الحمل على أعتابها يحفظ بلادنا يارب

1-(بشوق وحنين وصبر سنين وبكل يقين
وإيمان للسما شاخصين ومنتظرين نشوفك بالعيان)2
القرار – (وتناهى الليل تناهى وتقارب النهار
وعريسنا جاي ياخدنا نستوطن الديار)2
2-(يا غربة خلاص دارت الأيام نهارنا مش هيعود
بانت العلامات هانت الصعوبات ما أحلى اليوم الموعود)2
3- (نصعد بهتاف وبصوت البوق مسيحنا يلاقينا
نغني على طول نهتف ونقول مجداً لك يا فادينا)2
3-(أمين تعال يا حبيبنا تعال أرواحنا بتناديك
حقق وعدك ابسط لطفك ده شعبك مستنيك)2

1-(بتهزِم أعدائك إبليس وجنوده
وتحرر عبيدك وتكسر قيودُه)2

القرار – (انت قلت كلمة و احنا مصدقينك
شايفينك يا ربى بتمِد يمينك)2

2-(تفضح أكاذِيبه .. تكشِف أساليبه
في النور الإلهي تبطل ألاعِيبه)2
3-(ربى وإلهي نسجُد لجلالك
نرفع بسجودنا اسمك على الممالك)2

1-(يا ربي حبك سباني أنا مش هانساك تاني
يا مالي قلبي تسبيح أجمل ألحان وأغاني)2

القرار – (فيض روحك فيَِّ الآن غناك يجري أنهار
أنا لملئك ظمآن ومن دونك هانهـار)2

2-(أرنم لك أغني لك حياتي هدية أهدي لك
تعال أملى قلبي شيلني من ألمي وتعبي)2
3-(شايف نفسي في عينك غالي وقيمتي كبيرة
خلاصي يسوع مين غيرك يوهبني نعمة وفيرة)2

1- (لو مشكلتك جمرة نار شايل الهم ليل ونهار
بتفكر والفكر أحتار ما تخافش.. الله موجود)2
(يجي ويطيب خاطرك يديك الاحتمال والصبر
خليك واثق وأفتح قلبك الله وحده في أيده الأمر )2
وأتمسك بالوعود ما تخافش.. الله موجود
2- (لو فقرك تعبك في حياتك وأيديك مش سادة
احتياجاتك والجوع بيزود ألاماتك ما تخافش.. الله موجود)2
(بسمكتين وبخبزات خمسة أشبع كل الجمع
يسوع حد يكون ليه زي إلهك ويخاف من فقر وجوع )2
ده إلهك بالخير ها يجود ما تخافش.. الله موجود
3- (لو مرضك قاسى ومخيف وشفاءك ده أمله ضعيف
شجرة وبتموت وقت خريف ما تخافش.. الله موجود )2
(عينه عليك شايف أوجاعك وأكيد بالإيمان يختبرك
أتكلم وياه في صلاتك الله وحده يطيب ألمك )2
وألأمك دي مش ها تعود ما تخافش.. الله موجود
4- (لو ناسك بتزيد أوجاعك بتحارب وتزيد في صراعك
وأقرب واحد فيهم باعك ما تخافش.. الله موجود)2
(ها يكون لك كل الأحباب ويعوض زمن الحرمان
ويخفف كل الأتعاب عمرك ما ها تحتاج إنسان)2
والأمان ها يعود ما تخافش.. الله موجود
5- (لو أحزانك بكت عينك والعالم بشروره يهينك
وبيظلم ويزيد في أنينك ماتخافش.. الله موجود)2
(أبداً مش ها تكون وحداني وقت صراع العالم ليك
واللي وهبك فدا مجاني قادر يحرس نفسك فيك )2
وأتمتع بالوعود ماتخافش.. الله موجود