ع الأبواب (9 ترنيمة )

1- (علّق أشواقي بسماك اضرمها وخليها هناك)2
واسبيني بمجدك وبهاك ذكّرني بإني زائر

القرار – (على هالأرض ومساكنها عايش فيها ومش منها)2
فكل شمس بتغرُب عنها باتذكّر أني مسافر

2- (يا أرض الشقاء والأتعاب حقك فيّ شوية تراب)2
ما إلك عندي أي حساب بصليبه حاسب عني
يسوع الفادي الرب البار حتى يفديني من النار
دفع حسابي بدمه وصار ساكن قلبي بيملكني
3- (ما بدي أعيش الحياة متمحور حولين الذات)2
ومتعلق بالأرضيات عن هالعالم رفّعني
احميني من شهواتي استخدم عمري الآتي
اظهر مجدك في حياتي و بأشواقك علقّني

القرار - بدي أفهم فهّمني شو عم بتعمل بحياتك
أنت يلي بتسمعني وعم بتضيع أوقاتك
بهالدينا عم تستنى تلبيلك شو بتتمنى
بتفكرها بتتأنى وهي بتخطف حياتك
1- اسمع مني كلمة حق كلنا في إلنا ساعة
وساعة وقتك لما تدق ما بتعرف إمتى الساعة
لا ما تدوّر لا تحتار ما في غيره يسوع البار
لما بتشتد الأخطار بيضمن ساعة حياتك
وهالدنيا لا تستنى شي تعطيك وتتهنى
بتفكرها بتتأنى وهي بتخطف ساعاتك
2- اسمع صوته يناديلك لا تتردد وتقله
مش عارف شو أحكيلك احكي اللي في قلبك كله
هو وعدك راح يسمع لما بتوب وترجع
شو بيمنع هلأ تركع وتسلمله حياتك
وهالدنيا بكفّيها ما فيك تخلد فيها
لا تعلق أملك فيها بتسرقلك أياماتك

القرار - مشتاقين مشتاقين ع سحاب المجد نشوفك
يا يسوع نحنا مشتاقين
مشتاقين مشتاقين نشوفك جاي وبين كفوفك
تخطف شعبك مشتاقين
1- يا ملبّسنا الحلة البيضة مغسلها بدمك
اشتقنا لليوم اللي فينا نشوفك ونضمك
احفظنا من الشر وطهّرنا ثبّتنا وزيد محبتنا
بيكفينا غربة حاجتنا بدنا نشوفك مشتاقين
2- يا منجّينا من الدينونة وساترنا بسترك
ماتت ع صليبك خطايانا اندفنت بقبرك
وحدك أنت الأسد الغالب بتنصرنا وعنا بتحارب
شعبك يا يسوع عم بيطالب بدنا نشوفك مشتاقين

1-أنا جاي وكُلِّي خجل من حالي ومن خطاياي
و ما ظلش عندي أمل وأعمالي سبب بلواي
مش بس مشكلتي العمل مشكلتي في نواياي
أنا فاسد ومن الأصل طهِّرني من جواي
2-أنا خاطي وبِشَرّي أهنتك وحسبتك بين الأشرار
أنا جاني و بإيدي صلبتك علّقتك ع صليب العار
يهوذا أنا بعتك سلمتك زي بطرس خنتك انكرتك
بلساني جلدتك وطعنتك يا قدوس الله البار
3-راجع لك اقبلني استرني غطّيني
من موتي قوّمني وبروحك احييني
باصرخلك غيّرني محتاجك تشفيني
وبدمك طهِّرني وبإيدك خبيني

1- ليش هارب من وجه الرب شغّل عقلك يا إنسان
مبعد عنه وكله حب مش رايدلك غير إحسان

القرار - بكره بيجي يطالب شعبه يا ترى راح يلاقي إيمان
ومكانك راح يكون بقربه ولا ضيعت العنوان

2- شمس الدنيا بدري صحيت وأنت بعدك مش صحيان
أثامك في النور انكشفت وإلهك شايفك عريان
3- من خزيك وين راح تتخبى هوي شايف كل مكان
ثوبك طين ووحل معبّى وضميرك منك تعبان
4- كم مرة وصلك صوته وأنت في طيشك مش سألان
اذكر حبه واذكر موته فيه وحده إلك الغفران
5- يمكن هذي آخر مرة تسمع تحذيره بحنان
يمكن بكره تصبح ذكرى وبكره تلقاه الديّان

١- أنا هاستناك كل يوم لأنك حي حسب الوعود والشهود بأنك جاي
راح أقف قدامك يرويني حنانك وأشوف أمجادك ربي الحبيب
٢- أنا هاستناك بكره كمان ده يوم جديد هاتمتع بيك لما تكشفلي أمر جديد
يدك تطعمني حبك يسندني تشفيلي ضعفي ده انت الطبيب
٣- أنا هاستناك لأن كلامك لا يزول لا ولا قوات ولا سلاطين تقدر تقول
ده كلام أمثال ومالوش برهان ده كان زمان مش راح يعود
٤- ده كلامك حي وفي كل يوم يعطي حياة أموات بتقوم و خطاة بتفرح بالنجاة
وكلامك يرجع يشفي ويرفع يروي ويشبع كل محتاج
٥- أنا هاستناك لأن كلامك روح وحياة اللي يقراه أحشاءه تفيض أنهار مياه
سهران فرحان في نور وأمان نفسه في سلام وفي نصرة كمان
٦- هاستنى فاديّ لما يعود يوم الاختطاف وقلوب واقفين رافعين أصواتهم بالهتاف
صادق وأمين للمؤمنين والمنتظرين والغالبين.. أنا هاستناك

1- ياما في بعدي قرَّب مني وناداني باسمي وحاكاني
وعلى بابي يوقف مستني وما عرفته إنه اللي فداني
ياما كتير سمعت الصوت ومن جهلي ما تركته يفوت
وأنا واقع في حبال الموت متمرمر قلبي في زماني
2- ياما وياما تعبت ليالي وأنا عم فتش وهوي قبالي
بسأل عنه كل الناس ويا مين يجاوب سؤالي
من حيرة قلبي صرختله عرّفني ع ذاتك قلتله
ضاع الأمل وعمري كله خلصني يا ربي ارحم حالي
3- فجأة بنوره فتحلي عينيّ وكشفلي كل اللي فيّ
وعرفت اللي مقسّي قلبي أتاريه مليان بالخطية
بدموع التوبة صلّيت ولأول مرة حسّيت
إني ما بدي غيره يسوع يسود ويتملك عليّ
4- وارتاح القلب اللي محيّر وانفتح الباب اللي مسكّر
حملتني إيده الأبدية وبسلامه الإحساس اتغيّر
بلّش قلبي يدوق الحب شال الحمل وكل الذنب
وأنا سلمته كل القلب وصلاتي سمعها وما أتأخر
5- وهلأ ناطر تنو يرجع ولعنده لبيته رح أطلع
رح شوفه أوقف قدامه وصوته وكلماته رح أسمع
ما عاد الموت يخوّفني داسه يسوع ومنه خطفني
ولا قوة راح توقّفني من حبه رح أروى تأشبع

القرار - ع الأبواب قرب ييجي ع الأبواب
ع السحاب راح يجمعنا ع السحاب

1- تعو نتمسك بالوعود و نتسلح فيها تا يعود
وبرباب ودف وعود نترنمله شيخ وشاب
2- نصحى من وهم العيان نرجع نحيا بالإيمان
نتبع خطواته بأمان نلهج بكلام الكتاب
3- عيوني تاقت لرؤياه و نفسي مَلّت قولة آه
وروحي عطشانة للقاه قلبي عن هالدنيا تاب
4- راجع يخطفنا لدار بإيده صنعها للأبرار
مستنينا يسوع البار يرحب فينا ببيت الآب
5- يا كنيسة جاي العريس اللي اختارك قبل التأسيس
كملي جهازك بالتقديس قرب ييجي ع الأبواب

1- يا ربي أفكاري لسه بالدنيا الزائلة مفتونة
كيف بدي إياها أنسى تا أرفع نحوك عيوني
حب العالم نافس حبك مش قادر أخلصلك حبي
نسّى نفسي متعة قربك جو العالم لوّث قلبي

القرار - يا ربي أحييني بروحك توبني أنت وطهرني
اشفي جراح روحي بجروحك لسما أقداسك أهلني

2- لما أتعرض أنا لتجارب قوة نفسي ما بتسعفني
لما بحر الشر باحارب أضعف موجة عم تجرفني
أنا مسجون جوه شهواتي أنا مش قادر أحسم أمري
والعالم بمتص حياتي وبإيديّ أنا باحفر قبري
3- كيف بدي أصعد لسماك وجذوري في الأرض عميقة
أنا مخنوق وسط الأشواك وحياتك فيّ مخنوقة
أشراك العالم حولي وأنا باوقع فيها بسهولة
بالاقيها بتلتف عليّ وما عندي قوة ولا حيلة