مختارات شرقية (14 ترنيمة )

في وقت ضعفي… باناديلك
في وقت حزني… أنا هاجيلك
وعارف إنك هاتشيلني على الأكتاف
معاك هارتاح... ومش هاخاف
أنا هاجيلك وأحكيلك على اللي فيَّ
أنت المخلص.. أنت فاديَّ
أنا هاجيلك علشان غيرك مافيش
ليَّ هنا في الأرض أو في السما
في محضرك حزني بيهرب مالاقيش
أي تنهد لكن كل هنا
علشان اسمك برج حصين باجري عليه
استرني ربي في دمك اللي عني سال
عشان حبك هو الغطاء اللي أحتمي فيه
ارفعني ربي أنت تصنع المحال

(هل أطرق بابـك بعد ضياع الكـل أو يصلح أن أقتـرب إليك بذلـي
ضيعـت أنا فرحتـي مني بجهلـي قد كنت حبيبي وخلي أنت بل أهلي
وتركتك لكني أعـود فترحمنـي ولا بيدي إلا الوعـد ليسترنـي
والقلب بأحشائي يناديك "اجبرني" أشتاق لحضن الآب وعطفه يقبلني)٢
(جملني فقبحي قد ذهب حتى الأحشاء وسواد الليل تسرب فيَّ انتشر الداء
اشتاق لخالق من عدم يدعو الأشيـاء فيغير قلبـي ويلبسني حللاً بيضاء)٢

١- يا عجيباً في محبته العظيمة ( يا مسيحي )٢
قد حملت الإثم عن نفسي الأثيمة ( تفدي روحي )٢

القرار- يا عجيباً مشيراً إلهاً قديراً يا أباً أبدياً يا رئيس السلام يا يسوع

)2 2- يا قوياً قد غلبت القبر والموت ( حين قمت
بل سحقت الصل والأعداء أشهرت ( وانتصرت )2

)2 3- يا حبيبي حبك يحلو لروحي ( فهو نوري
بل شفاء ودواء لجروحي ( وسروري )2

القرار- (يا رب لــيك كل السجـــود والحمــد يا ربنا المعبــود)2

1- دي نفوسنا تتعلق بشخصك وتلاقيك في كل يوم نور أو ظلام طول الطريق
وبحب أب تضمنا وترفعنا ليك مين زيك أنت في حبه يا أوفى صديق

2- يا يسوع بنورك تنسبي كل العيون نور حياتنا بحب قلبك الحنون
وعشان حياتك فينا كل شيء يهون هانمجدك وهانتبعك مهما يكون

(يا راويني يا يسوع بحنانك حياتي هي رضاك
أنت يا ربي فرحة قلبي أنا عايش هنا باستناك)٢
يا رافع راسي في الضيق يا مجدي يا أغلى صديق
يا حبيبي يا مالي حياتي يا فادي يسوع ما أحلاك
(هللويا هللويا قلبي ثابت وأنا وياك هللويا هللويا أنا لي مكان في سماك)٢

1- ( كيف أنسى سيدي الغالي المسيح
كيف أنسى دم ذا الجنب الجريح)2
من رآني في هواني فأتى طوعًا إليّ
من فداني واشتراني كاسرًا قيد يداي

2- ( كيف أنسى قلبك العافي الكبير
من عفا عني وعن جرمي الخطير)2
فمحا كل ذنوبي وابتدا عهدًا جديدًا
وملا بالروح قلبي فغدا قلبي سعيدًا

3- ( هبني أنسى سيدي ذاتي هنا
فعنادي قد أذاقني العناء)2
وأغني في حياتي عالمًا أني غريب
ذاكرًا أنك ربي سوف تأتي عن قريب

القرار - القِ على الرب همك (فهو يعولك)2

1- عندما يغشاك ليل كل ما فيه ظلام يغدو ذا الليل منيراً بضياء رب السلام
ربك مؤتي الأغاني حتى في وسط الآلام يبدل الحزن بفرح ثابت على الدوام

2- فهو لم يشفق على ابنه بل بذله للفداء هكذا الله أحبك مانحاً لك الرجاء
كيف أيضاً لا يهبك وقت ضيقك العزاء كيف لا يحنو عليك رافعاً فوق العناء

3- فاتكل عليه دوماً واثقاً في وعده مثل طفل يستريح قلبك في حضنه
فهو لم ينسَ رضيعاً قد نُسي من أمه فالجأن إليه تحيا آمناً في ستره

عطشان وقلبي ليه سنين عطشان
والشمس قاسية والحرارة لهيب
والأرض متشققة من كتر ما حميت
والشمس لا بترحم ولا بتغيب
يا شمس يا مولعة زي الحريق
والنار الخضرة يبست ومش باقي سوا الصبار
والأرض نشفت ونشفت مية الأنهار
فينك يا أيام الندى الخضرا يا أم الحنان
يا حلوة يا مطرة
فينك يا ضليلة فين إيدك تغطيني
وتميلي كفك وتسقيني
اطلع عليَّ يا سحاب يا أبيض ابسط جناحك يا سحاب وافرد
وانطر عليَّ ميتك أنهار تبل ريق العيدان المصلوبين في النار
افرد جناحك يا سحاب بالضل
وغطي وجه العيال المطروحين في الظل
واجبر بخاطر العيال العطشانين في الحر
اشتقنا ليك يا مطر اعطف علينا وطل
وآه يا قلبي يا حديد يا خشب يا صلب
يا شقفتين فخار ومتشكل في صورة قلب
عطشان ومحروم وصابر على الضنى
والغلب عايش سنينك بتحلم بالربيع والحب
اطلع وشوف المطر يا قلبي يا عطشان
بانت بشاير الربيع فوق الغصون ألوان
يا قلبي يا تايه ورا وهمك
ودع شقاك واقطع حبال همك
وارسم على صفحتك عصفور وورداية
وزع بشايرك على القلوب واملاها من فرحك
ده الشر يكوي القلوب وبناره يحرقها
والرب يرعى الشعوب وبخيره يرزقها
ولا حد يروي النفوس غير اللي خالقها
وهو يشبع كل أشواقها
يفرد جناحه الكبير ضليلة من فوقها

أنا غـريب وتايـه وعـايش حـزين ووحـيد
مـن بعـد مـا سبـت أبويـا وسافرت بعـيد بعـيد
ودعت البيت يا إخواتي وأخدت انا كل حاجاتي
وهناك ضيعت فلوسي أصبحت في فقر شديد
وهناك بدأت أحتاج تعبان مش لاقي علاج
أصحابي في جوعي سابوني ومع الخنازير تركوني
من بعد العز في بيتنا أصبحت حزين ووحيد
وفي لحظة قلت في بالي أنا ليه مارجعش لبابا
أبكي له أعلن ندمي وأكيد يسامحني أكيد
(مش قادر أبعد عنك رجعني تاني لحضنك)2
محتاج أقرب منك محتاج لقـلب جديد
ورجعت بسـرعة لـبـيـتـنا وعـيونـي ملـيـانـة دمـوع
مكسـوف من نفسي ونادم آسف وكلي خضوع
في طريقي لبيتنا لمحته واقف مسـتني رجوعي
ملهوف مشتاق مـتألم لضياعي وبعدي وجوعي
لمحني بكى بحرارة ودموعي سالت بغزارة
بمحبة وقوة مسكني وفي حضنه الدافي أخذني
ودموعه الغالية بتنطق الليلة دي أجمل عيد

١- بره بيتي وحضن أبويا كنت محسوب من العبيد
كنت ابن وصار نصيبي عبد لي ألف سيد

(صرت أبدد كل مالي بعت كل ثمين وغالي)٢
(بس لما يسوع ناداني صرت ابن وصار لي عيد)٢

القرار- (فرحي كان لما اشتراني فرحي لما يسوع ناداني)٢
صرت حر وصار مكاني جوه عرسه في أورشليم

٢- (كان فتات الخبز أكلي والفتات خبز الأجير كالعبيد
يأسرني ضعفي والنهار إحساس بعيد)٢

(وأما أحتاج أو أجوع والدموع تسبق دموع)٢
(بس لما لاح يسوع صار يسوع فصحي الثمين)٢

٣- (كنت مشتاق إني أرجع وفي طريق البيت
أسير كم أجير عند أبويا قلبه بالنعمة بصير)٢

(نفسي أرجع نفسي.. أقوله لو أجير يقبلني عنده)٢
(وأما جيت وفتح لي حضنه صرت ابن وصار لي عيد)٢

امكث معي يا سيدي
مولاي قد مال النهار وليس للسعي اقتدار
والعمر ولى كالغمام وقد دنا وقت المنام
يا موت أين شوكتك يا قبر أين صولتك؟
قد نلت تاج الظافرين لأن ربي ناصري
إن جزت في وادي البكا أراه مأنوسًا بك
ففي مماتي والحياة إني نذير الإله

1- ( سلامك فاق العقول فينا ومش ممكن يزول
مهما العدو بيقول مالي حياتنا سلام)2

القرار - (سلام سلام لشعب الرب في كل مكان)2

2- ( وحتى إن تاهت رجلينا ده روحك فينا وحوالينا
بيرد نفوسنا ويهدينا ويملا قلوبنا سلام)2

3- ( سلام الله سبته لينا مش زي العالم تدينا
ومدام روحك عايش فينا شعبك دايماً في سلام)2

١- (جايين يا أبانا اسمع لدعانا بتواضع يرجع شعبك
يطلب رحمة من عندك بقلوب محتاجة إليك)٢

القرار- ده رجانا فيك يا إلهنا وهانستنى المواعيد
نحوك نرفع أعيننا وإيمانا فيك بيزيد
بنصدق كل وعودك ده إنت في الوعد أمين
تملا حياتنا من جودك مجداً ليك يا معين

٢- (أرضنا عطشانة بجروح مليانة من فيض حبك
ترويها لمسة إيدك تشفيها تردها تاني إليك)٢

٣- (بنتوب قدامك بنعود لحنانك نعلن ملكك في حياتنا
في بيوتنا وفي اجتماعتنا وقلوبنا بتسجد ليك)٢

القرار- غنوا معايا يا شعب الرب تعالوا نرنم ليه
خلوا هتاف تسبيحنا يدوي ويعلن نصرنا فيه
وليوم مجيئه نكون شعبه اللي مستنيه
ومعاه هناك في سماه نفضل نرنم ليه

1- قلبي بيهتف للي فداني بدمه على الصليب روحي
وعقلي ويا لساني يعظموا أغلى حبيب
بسجود وحمد وعود هامجد اسمه وأعليه
وفي ليل زمان الغربة يفضل قلبي يرنم ليه

2- وسط الحرب ووقت الضيقة بارفع قلبي إليه
وعده يثبت في ايماني يخليني أهتف ليه
دي قيود سجون وجيوش حروب نكسرها بالتسبيح
لما بيعلا هتاف إيماننا مجداً للمسيح

3- مجد الرب في وسط كنيسته بنعلنه بالتسبيح
وبأصوات الحمد بنهتف علوا اسم المسيح
رافعين صليب الرب ده إحنا بدمه مفديين
غالبين جنود الشر باسمه ودايماً منتصرين