بيت الخمر (9 ترنيمة )

1- لن أمشي مع المشاه بل سأباري الخيل
إلهي أعطاني النجاح وسط هزيع الليل
القرار- لتكن مشيئتك وليتقدس اسمك
كما في السماء كذلك على الأرض
لتكن مشيئتك وليأتِ ملكوتك
كما في السماء كذلك على الأرض
2- أنا باختار مشيئتك مهما التمن بيكون
أماني في قربك انت حتى في الأتون
3- تعالَ تعالَ تعالَ يا يسوع بمشيئتك تعال

1- في قلبي شوق ويا انتظار للمسة تانية من إيديك
لأرض مليانة بنار نار قداستك نار عينيك
أصل احتياجي المرة دي مش حاجة لي طلبة عادية
احتياجي في آثار عملك الحي في
احتياجي لعمق تاني وقلب تاني في محبتك
احتياجي تكون صلاتي كصلاتك وطلبتك
احتياجي مش مشكلة أو طلبة لي محيراني
احتياجي لشخصك انت وصداقتك أمر تاني
2- مش ناوي أقبل وأكتفي بجزء من طلبي لديك
مش هارضى إلا أتشفي لما عيني تشوف عينيك
أصل احتياجي المرة دي مش حاجة لي طلبة عادية
احتياجي في آثار عملك الحي في
احتياجي يا يسوعي وكل جوعي أسير معاك
احتياجي إني أعرفك إني ألمسك وأنال رضاك
احتياجي مش مشكلة أو طلبة لي محيراني
احتياجي لشخصك انت وصداقتك أمر تاني

1- داخلين قدامك بنصلي وإنت الطلبات
بنسبح اسمك ونعلي ليك أغنيات
نحكي عنك في وسطينا عن عملك الصالح فينا
القرار- أنا قلبي مريض بحب يسوع
ودوايا أكيد قربك يا يسوع
2- قلبي مفتون بجمال حبك مابيشبع بيك
مهما أبقى معاك وبقربك أشتاق تاني ليك
ودوايا شمالك تعانقني ويمينك فوق تحاوطني
3- في عيني قشور اكشفهالي أنا طلبي أراك
في العمق معاك انزعهالي أنا هاستناك
وإن طال الوقت لشفائي حبك مرضي وهو دوائي

1- باجي قدامك وأنا مكسور محتاج لمعونتك سيدي
واثق هاخرج بيك منصور مرفوعة راسي وإيدي
القرار- ما أعظم حبك لي وعمل روحك يا فادي
لولا مراحمك ربي علينا لا مجينا ولا نجينا
2- باجي  قدامك عشمان فيك في مراحمك وحبك لي
هاخطي حدودي ماسك بإيديك بقضيب نعمة مدود لي
3- باجي قدامك مشتاق ليك عيني على النعمة ولمستها
زي ما عندي أنا عيني عليك منتظر المسحة وقوتها
4- باجي قدامك باعلن جوعي لشريعتك وعملك في
إنت طلبتي يا يسوعي شهوة قلبي الحقيقية

القرار- دايب قلبي دايب في العشرة معاك
جايلك ربي جايب طيبي وباترجاك
1- شايفك يا خلاصي تملا بخمر كاسي
فكري وإحساسي دايب أنا فيك
سامعك بتناديني فرفعت عيني
وأنظرك تعطيني أسرار خائفيك
2- قلبي بيك مفتون بيك ربي مفتون
ولحبك مديون نفسي أرد الدين
علمتني هواك توعد وأستناك
أنسى الكل معاك بس احنا الاتنين
3- ها عمري قارورة طيب ليك مأسورة
قدمتها مكسورة عند قدميك
ليتك ترضى بي بالروح تسكن في
وتملك علي رائحتي تفوح بيك

1- أنا طالب أتغير لشخصك أتغير
وإن كان حبي صغير لمستك ترويه
قلبي هايستناك طلبه يكون
معاك حبك لا سواك هو اللي هايشفيه
القرار- أنا طالب حضورك ولذة رضاك
تملاني بنورك في قربي معاك
2- قربك مجد تاني في عشرتك أغاني
حبك لي معاني قلبي بيترجاك
جلسة بين إيديك وسجودي لديك
نظرة من عينيك كل ما أتمنى
3- يا أبرع جمال ليك مجد وجلال
حبك فاق الخيال عنوانه الصليب
ما لم ترى عين أو تسمع به آذان
أو يخطر ببال حبك يا حبيب
4- يا نهر سباحة بيت خمر وراحة
يا محول المناحة في قلبي
لا للركبتين ولا للحقوين
بل بقرب قلبك عبرني إليك

مش خايف على نفسي معاك ولا هاتدارى ولا هاتجمل وأنا وياك
أصل يمينك دي سنداني وعينيك دايمًا بترعاني
مهما بعدت ما بتنساني مهما ضعفت في ضعفي ألقاك
ما إنت أبويا ليه هاتجمل وأنا معاك بتطمني وتقول إيدي دي شايلاك
ماتخاف على شكلك ويايا سلم لي الدفة وارتاح
تضعف تقوى إنت جوايا صورتك قدام عيني نجاح
ما في زيك يا يسوع  قلبي يحبك يا يسوع
أنا مديون لك يا يسوع

القرار- للرب الأرض والسماء صانع كل الكون
يضع يرفع من يشاء يأمر كن فيكون
1- وعدك قال لا تخف لأني إلهك
اتكل علي قادر أن أحميك
أحول لعناتك إلى بركات لك
وأبيد العدو أمامك في الطريق
2- وجهه يسير أمامك هيبتي قدامك
فيرتاع منك كل من عداك
سور نار من حولك وأضمن سلامك
وبسحابة مجدي دائمًا أرعاك
3- أنت الله الكائن أنت من يكون
عالي فوق العالي قديم الأيام
اسمك أذلي اسمك أبدي
اسمك سرمدي يسوع المُقام

القرار- ( اللي صانعني هو .. واللي جابلني هو
واللي حاميني هو .. يسوع بجناحيه
واللي عاطيني قوة .. كالصوان من جوه
حتى في وسط النوة .. قلبي واثق فيه ) 2
1- ( في وسط الأتون بتجيني .. وتسيج عليَّ
وفي وجه الريح بتعديني .. ماسك بإيديَّ ) 2
( رب المجد بنفسه حاميني .. عمانوئيل راعيَّ ) 2
2- ( من قوة لارتفاع .. دايمًا بتهديني
وإن يوم قلبي مال وباع .. ترجع وتنجيني ) 2
( وترد كل اللي ضاع .. وتشدد يميني ) 2
3- ( قلبي مصدق إنك تقدر تأمر .. كن فيكون
وبقوة اسمك أنا أقدر .. أهدم كل حصون ) 2
( مين ربي عليك هايقدر .. وإنت ملك الكون ) 2