مجنون (11 ترنيمة )

1-كل سنة وأنا خدامك أرفع اسمك و مقامك
نفسي ليك يا إلهي ولساني يشهد لجلالك
كل سنة وانت حبيبي تاج لراسي ونصيبي
خاضع ليك يا إلهي ولا يغلى عليك أبداً طيبي

القرار- يوم ورا يوم حاسس بإيديك سانداني و حارساني عينيك
قلبي بيهلل ويقول كل سنة يا يسوع وأنا ليك

2-كل سنة وانت بداية فرحي فيك ما له نهاية
عمري معاك يا إلهي أحلى غنوة ورواية
كل سنة وانت معايا مالي حياتي ودُنيايا
حُبك ليَّ يا إلهي يسبيني ويكون لي كفاية
3-(كل عمري راح أشهد ليك حافظ عهدك ثابت فيك
روحك فيَّ يا إلهي يرويني ويفيض على أراضيك)2

1- (مجنون قولوا يا ناس لكني مش زيكم
أنا قلبي مش مداس لعالم غشكم)2
(قلبي اختار الطريق المليان بالعناء
لكن معايا رفيق يخلّي مُرُّه هناء)2
(مجنون)3 قولوا يا ناس لكني مش زيكم
2- (مجنون قولوا يا ناس ماليش مكان وسطكم
أفكاري طايرة لفوق بعيد عن أرضكم)2
(سايبة أرض الشقاء وكل غش فيها
رايحة أرض الهناء ده يسوع مستنيها)2
(مجنون)3 قولوا يا ناس ماليش مكان وسطكم
3- (مجنون قولوا يا ناس أفراحي مش زيكم
فرحي بحضور إلهي و مستغني عن أرضكم)2
(أفراح الأرض مُرّ تحلى في عين الأسير
وإلهي ولدني حر ووعدني أكون أمير)2
(مجنون)3 قولوا يا ناس أفراحي مش زيكم
4- (فرحان أنا بالصليب مش رافضه زيكم
حتى لو عِشت غريب أو مجنون وسطكم)2
(صليبي هو الطريق لدخول باب السماء
وكل تعب وضيق يبقى مجد وغِنى)2
(فرحان)3 أنا بالصليب مش رافضه زيكم

1- (حبتني محبة أبدية
قدمت حياتك يا فاديَّ
مادد لي إيديك بالحرية
دي محبة عظيمة محبة أب)2

القرار- (حبك أسرني يا حبيب
ومعزيني وأنا غريب
كملت حبك بالصليب
حبك عجيـــــــب)2

2- (بمحبة دعيتني لأحضانك
ووعدت تعيشني سلامك
وفي قلب الخوف شوفت حنانك
دي محبة عظيمة محبة أب)2
3- (وفي زمن الحب أنا جاي إليك
جاي أتوب عند رجليك
أحيا في الحب حبك يا مليك
دي محبة عظيمة محبة أب)2

1-(جيت ورضيت أعيش وسطيكم جيت أخدت شكل العبيد
سِبت المجد اللي في سمايا بديت معاكم عهد جديد)2
(أنت اخترت تمشي في طريق مليان شوك ونهايته موت
ماهانش عليَّ أسيبك يا ابني قُلت عنك أجي وأموت)2

القرار- ما (أنت ابني)3 الغالي عليَّ
(ماترخصّش تمنك يا ابني قدام شهوة ولذة خطية
ده أنا اشتريتك بتمن غالي ودمي كان تمن الحرية)2
ما (أنت ابني)3 الغالي عليَّ

2-(ارجع يا ابني وسيب العالم لسة في حضني ليك مكان
مهما كان حجم الخطية دمي يضمن ليك غفران)2
(وأنا مستني رجوعك ليَّ مهما طال غيابك عني
ما تصدقش إني رفضتك ده أنت حبك ساكن قلبي)2

1-(يارب أنا كلي شوق أكون معاك في السما
خليني يارب أدوق أفراحها في أرض العنا)2
يعزيني عنها الكلام وتقربني منها الآلام
مليتني يارب سلام (ورجاء لأرض الغِنى)3
2-(ماليش هنا في الغربة مدينة تبقى لي
لكنّي طالب وطن باقي في الأعالي)2
طالب يارب بجد وكلي شوق للمجد
وفي طريقي ع الأرض (قويني يا غالي)3
3-(أجمل ما في السما حبيب قلبي يسوع
ورحلتي كلها غايتها أنت يا يسوع)2
(يا إلهي ليك الحمد هتغطيني بالمجد)2
أفراح مالهاش حد (أشبع ولا فيش تاني جوع)3

1-(أرفع عيني إلى الجبال يا إلهي اشتد القتال
وأنت عوني ومنقذي وعليك كل الاِتكال)2

القرار- (يسوع أنت المعين ملجأُنا في كل حين
فاسمك برج حصين وبدمك غالبين)2

2-(أصرخ إليك طالب حماك ترسل إليَّ أجناد سماك
تسحق ألوف وربوات وتنجي ابنك من الهلاك)2
3-(لو قام جيش على ابنك فلن أخاف فاسمك
عمانوئيل في كل جيل تحارب عن شعبك)2

1-لو شكري ليك يقدر يوفيك
هافضل طول عمري شاكر ليك
عملك خلاني أسير حبك
(وأنا قلبي مناه يفضل جنبك)2

القرار- إدّيت لحياتي قيمة ومعنى
وخلقت فيَّ قلب جديد
طاير بانادي بأعلى صوتي
(ساكن في قلبي ربي المجيد)2

2-راح اهلل ليك وأسبح اسمك
عايش في حياتي أعلن مجدك
مش ناسي صليبك وقيامتك
(وباقول للناس إني باحبك)2
3-أسجُد لجلالك وأخضع لإيدِيك
وعيوني تقول مشتاق أرضيك
أنا قلبي رفعته اجذبني إليك
عايش في العالم مكتفي بيك
عايش وكفايتي كلها فيك

بيحبني)3 وبيحس بيَّ حياتي مكشوفة لعينيه)
بيحبني)3 وبيخاف عليَّ م الخطية جذبني ليه .. بيحبني)
أوقات كتيرة خنت عهده قلت أجرب مرة و أرجع)
الحال عجبني ولسه برضه ناسي عهده ورافض أسمع)2
لكن في مرة سمعت صوته شفت دمعة عينه سايلة)
نزلت على خدي دموعه زلزلت كياني فيَّ)2
إن كان ده حاله عشان خيانتي يبقى لازم لازم أرجع
بيحبني)3 وبيحس بيَّ حياتي مكشوفة لعينيه)
بيحبني)3 وبيخاف عليَّ م الخطية جذبني ليه .. بيحبني)

القرار- راجع لك يا ربي راجع لك من تاني
راجع لك بقلبي وضامن مَكاني

1-راجع زي الابن الضال
بعد ما ضيّع كل المال
قال لنفسه أقوم في الحال
وأرجع لأبويا اللي رعاني
راجع مهما الدنيا خدتني
راجع مهما إرداتي خانتني
راجع ليك انت اللي فديتني
عمرك ما هاتنسَاني
2-راجع لك وأنا حملي تقيل
واثق ربي إنك هاتشِيل
كل خطية وظلمة ليل
سكنت في قلبي وكياني
واثق في إنك راح تشفيني
ترفع همي وكل أنيني
جاي ليك ضعيف قوّيني
نوَّر لي عمري من تاني
3-(راجع سايب كل الكون
قدام حُبك كله يهون
حتى إن قالوا الناس مجنون
للعالم مش راجع تاني)2

القرار- (رفعة إيدينا في محضرك جوه بيتك يا قدير
ترفع القلوب وتفرحك وبتهزم الشرير)2

1-(كنيستنا عروسة ليك دايمًا فرحانة بيك)2
(بخور صلوات تسابيح هتافات)2
صرختنا في محضرك
2-(مهما قامت حروب واثقين في المكتوب)2
(نجري ونحتمي فيك بإيمان ننده عليك)2
نصرتنا في محضرك
3-(ترفعنا للسما ونعيش أجمل حياة)2
(بنشوفك يا يسوع وبتمسح الدموع)2
دي صلاتنا في محضرك

1-(يسوع مش بعيد ع الباب مستنينا
وكل يوم جديد بينادي فيه علينا)2
حبه لينا أكيد ثابت مهما قسينا

القرار- (تعالَ يا فادي أنا فاتح بابي)2
ادخل يا إلهي نوَّر حياتي

2-(مش هارفض صوتك تاني ولا يقسى قلبي فيَّ
ده أنا عمري يا دوب ثواني مايضيعش عشان خطية)2
راح أعيش للي فداني دي العشرة معاه هنية
3-(عايش فرحان تملّي ما يسوع ساكن جوايا
وبروحه مخلّي قلبي سما تانية يا هنايا)2
مش هشبع منه أبداً ولا عمري هاقول كفاية