الإصدار الأول (12 ترنيمة )

(مافيش حاجات بتلمع من غير ما بتعكس نور
في ناس كتير بتلمع لكن مش نور يسوع)2..لكن مش نور يسوع
(بنورك يارب تنوَّرنا للقريب والبعيد
لازم للعالم يبان نورك علشان مجدك يزيد)2
احنا نثبّت عينينا عليك وقلوبنا نرفع
ووراك هانشيل صليبنا ولكل قديم ما نرجع

1- (كتير كنت باقول انت فين يا رب الوجود؟
فين ايديك اللي تداوي وتشفي كل الجروح؟
فينك وسط الأحزان؟ وليه جوايا مافيش سلام؟)2
وأتاريني في وسط الضلمة كنت بادور على النور
قاعد وسط دوشة وباقول عايز هدوء

القرار- (عطشان يا ربي سمّعني صوتك عايز أعيش سلامك بقوة روحك)2
(خدني في حضنك أنا خايف من كره وحب زايف)2
نوّر عينيَّ عشان اشوف حبك جوايا يمحي الخوف
ادوس معاك كل الشرور وأعيش فيك حر منصور

2- ده أنا نفسي أقابلك من زمان تبقى أبويا وصاحبي كمان
أشوف في عينك الحياة صوتك يفيض بالأمان
وقلبي يفرح بالسلام حبك يرويني بالحنان أعيش العمر كله ليك
أنا مش هاسيبك مهما كان

1- كنت قاعد أفكّر في يوم في نظرة ربي من فوق الغيوم
ومهما كتروا الناس حواليَّ هو حاسس اللي فيَّ

القرار- ربي شايفني طول اليوم وقت منامي وبعد ما أقوم
ده انت شايلني جوه عينيك ده انت ناقشني على كفيك

2- لما فكّرت أشوفك ازاي و آجي اديلك عمري اللي الجاي
باهدي حياتي كلها ليك وريني العالم كله بعينيك

ربي قليلًا ما أجد أحداً يهتم بي
أقف حزيناً مبتعداً أجدك تهمس لي
إن لم يهتم أحدٌ بك حضني يسعك بكل حب
إن لم يشعر أحدٌ بك قلبي يكمن مشاعره هي لك
كنتُ بعيداً دائماً ولم أشعر بك
كنتُ أمام عيناي ولم أرك
ربي الآن وجدتني أحبك بصدقٍ
كيف لا أحب هذا القلب الرقيق

وسط التجارب في الحياة حاسس إني لوحدي
مش قادر أسمع صوتك هنا باحارب أنا بعقلي
فين الإله اللي عمل من البحر طريق؟
فين الإله اللي هزم أقوى العماليق؟
مهما على موج الحياة غرق السلام
فين الإله اللي وعدني كل الأمان
أنا مشاكلي بسيطة مش زي موسى ولا داود
مع ذلك مش شايفك مش حاسس إنك موجود
عشانك جيت الأرض زمان سبت المجد وسبت الجاه
ضرب وجلد وطعن وهوان دقت من العذاب ألوان

زي الورداية عالشجرة زي السماكية في المية
ده طبيعي مكانه يا ربي لما في قلبك يسكن قلبي
زي المية للعطشانين زي الشمعاية للتايهين
باحتاج لك قوي يا يسوع خليني معاك مهما العمر يطول
زي البحر الأزرق بعد الموج زي السما الصافية لما تروق
إنت أملي إنت سلامي مهما يطول الليل قدامي
زي الضحكة الحلوة بين الخدين
زي الحضن الدافي بين الحبيبين
حبك يكفيني يا ربي خليني معاك مهما العمر يطول

1- أنا ممكن ألعب
wii
أو
play station
أو أروح الكنيسة وألعب كورة
وأقول أنا من زمن الـ
information
وأقدر أعمل كل حاجة بدوسة

القرار- لكن مافيش زي حضنه اقدر على كل حاجة وأنا جنبهالق
باحس بالأمان وأنا وياه بيغرّقني في حبه وأنا معاه.. وأنا معاه

2- من زمان بادور ع الفرحة الحقيقية
وقعدت في كل حتة اجرب
فهمت إن الفرحة مش بره دي فيَّ
وعلى ربي يسوع روحت أدوَّر

مهما العالم شد فيّ أنا مش ممكن أمشي معاه
كل الناس بيقولولي يلا معانا نمشي وراه
أصل أنا طريقي مع يسوعي معاه باحس بالأمان
بالاقي معاه الراحة والفرحة فيه الحب والحنان
مهما الدنيا كانت حلوة عمري ما هابقى بيها فرحان
حياتي مع أبويا أحلى مش ممكن هانام زعلان
مهما حاولوا يسرقوني أنا كنزي مش هنا كنزي هناك مع يسوعي مستنيني في السما

أمل أذنيك يا إلهي واسمع صلاتنا
افتح عينيك يا إلهي وانظر لضعفنا
لأنه لا لأجل برنا بل لأجل مراحمك العظيمة

القرار- (يا سيد اسمع يا سيد اغفر يا سيد اصغِ واصنع)2
واصنع واصنع واصنع..

أخطأنا و آثمنا و فعلنا الشر وتمردنا
وحدنا عن وصاياك وعن أحكامك

مين اللي قال إني ماقدرش أستناه
أسيب الكل ويكون لي هو الحياة
ده ولاد يسوع اتحدوا الشر في أسود وأتون آلام وسجون
مين اللي قال إن الكلام ده خيال
ما في قيود في الوجود تقوى ولا نوره في غيوم تخفيه
صوته الهادي قريب من قلبك بيقول حياتي فداك
مين اللي قال إنه مش واقف ع الباب
في ضيقتنا أقرب من أعز الأصحاب
تبعوه ألوف من غير ما يشوفوا رؤى وأحلام جبال تنشال
مين اللي قال إن الإيمان ده محال

مش هارجع مش هارجع زي زمان
أنا من روحك من روحك أنا مليان
بيك يا يسوع أنا مميَّز وفيك تمييزي يبان

تكون رفيقي في الطريق تكون ليَّ أوفى صديق
أنا سجني خلاص بيك اتهدم اتهدم هاعيش لك حياتي من غير ندم

قلبي أنا قلبي ملك ليك وحياتي وعمري هاعيشه ليك هاسيب العالم كله عشانك هاتقويني يا يسوع وأنا بين إيديك

أنياب ومخالب تعابين وتعالب الكل بياكل الكل والبقاء للغالب
إشاعات كتير فلك وأعاصير وقت الجد هنتّآوى في كهوف أو تحت سرير
المطرة نازلة عاملة زي طبول حروب الكل بيجري في دايرة يظهر مافيش هروب
غيوم عواصف بركان فيضان المواضيع قلبت بجد إحنا جالنا طوفان

جوه الفلك ما يسكن خوف ده يسوع هو القبطان
هو النجاة هو الحياة هو الطريق وما فيه سواه ومعاه لبر الأمان

فلكي فلكك فلكك من نفسك تحبسني في متر وربع وتقولي مصلحتك
أنا حر أنا فاهم ماتخافش يا عم أنا عارف
بس هاقولك هاعمل إيه يلا مرة من نفسك
أنا أطير في السما مين اللي هايمسك فيَّ
تضرب تقلب مش مهم ملكش فيَّ
بعيد بعيد عن أي عين ويوم ما هاتعب هانزل
إيه ده أنا هانزل فين
الكبير كبير والعالم ليَّ عبيد لو حطيتك يوم في دماغي ما تحاولش تروح لبعيد
أنت بس هاتسمع صوتي تتمنى تكون مش واعي أنا التوب أنا البوب الكون ده كله بتاعي
هانعمل إيه يا جامد يا معتد يا قائد المطرة ابتدأت تعلى وهانموت واحد ورا واحد
إنت بتسأل مين ده باعك من زمان قلك يلا نفسي بعديَّ انتفاض
متباع متهان مطيور مغرور اخترلك وحدة فيهم تطلب رأيي في أمور
لو فهمت اللي تقال مستني إيه ما تروح ما تضيعش الوقت الباب لسه مفتوح
اجري اجري أوعى تبص وراك مافيش حد هاينفعك ولا حاجة هاتستناك
ولا بيت ولا فلوس ولا ناس ولا نفوذ هو الفلك لوحده عمره ما هاينساك