أحلى خبر (12 ترنيمة )

القرار- (اِعلن اِعلن واِرفع صوتك قدام الجموع
اِعلن اِعلن واِرفع صوتك بإيمانك بيسوع)2

1- (قول إنه بدمه إعلان فداك وحبه)2
وإنه من السماء جِه بنفسه أنقذك يسوع
2- (قول أعطاني نفسه وشفى آلامي بحُبه)2
و جاي تاني ياخدني لمجده ربي يسوع
3- (قول إنه في ضِلّه لقيت الأمان كله)2
و طَبَعْ على صورتي صورته وأحياني يسوع
4- (قول فخر حياتي وحياة الدهر الآتي)2
اللي راكع له في صلاتي ربي يسوع
5- (قول أعطاني خلاص غافر خطايا الناس)2
وصليبه تاج على الراس حبيبي يسوع
6- (قول ضامن حياة في طريقي ماشي معاه)2
وحامل صليبي و ماشي وراه ربي يسوع
7- (ده اللي فاتح ذراعيه وناقشني على كفيه)2
اللي بقيت أنا مِلك ليه ربي يسوع

1- (عايز أحبك وأعيش لك وانت تكون كل حياتي
مهما يحصلي أكون لك فرحك دايماً يملاني)2
(عايز أعيش بالقداسة اللي بيها أشوفك
وتجيني وتفرحني يا ربي من روحك)2

قرار- (وأكتب اسمك على جبيني وأعلن إيماني بيسوع
اسمك انت اللي يعلّيني وأسجد ليك دايماً يا يسوع)2

2- (رحلة عمري باهديلك كل قيودي انت تكسر
املك قلبي يغنيلك بدمك ربي أتحرر)2
(عايز فرحك يملاني وتغلى دايماً عليَّ
وتيجني وتعلمني أغلب بيك الخطية)2
3- (على مائدة واحدة أعيشلك وأرفض مائدة الشيطان
شخص واحد ربي أكون لك وأحيا بحُبك كل زمان)2
(عايز أترك أحزاني وآخد أفراحي منّك
وتيجي وتعلمني أترك ذاتي وأحبّك)2
4- (من غير ما تقرب ليَّ إزاي قلبي يشوف النور
من غير شِبعك يا فاديَّ إزاي قلبي يعيش مسرور)2
(عايز دايماً أختارك وانت تكون في قلبي
وتيجي وتفرّحني وتثبتني يا ربي)2

1- (عدّاني وأنا ماشي في حمايته وهَلك عدوي ما أنا غالي عنده)2
(ده اللي مُتوّج بالسماوات حَي وقام من الأموات)2
سيّد كل الأرض هوَّ اللي منح القلب ثبات

القرار- (قدامُه كل الشر دابْ.. وبإيدّه رفعني من العذابْ)2
(ده إلهي الحي ورب الأربابْ)2.. قدامه البحر عدّى وغابْ

2-(أرسل إيده وحجز أعدائي صد الشر ما حد أذاني)2
(اللي عمله عشاني الرب شيء دايمًا محفور في القلب)2
هزم كل أعدائي بقوة وماشي معايا طول الدرب
3- (اللي بروحه أعلن وجوده واللي أتعودت على حضوره)2
(ملجأ ليَّ في كل ضيقاتي حُبه ليَّ ده حِصن حياتي)2
وصليبه ساحق رأس الحيَّة هوّ دايماً سر نجاتي
4-(هافضل دايماً فاكر حُبه اللي فداني وأحياني بدمه)2
(تذكار دايماً قدام عيني أشهد بيسوع اللي حاميني)2
اللي أنقذني بإيده هوّ بأملّكه على كل سنيني

1- (يا شمس الأرض غيبي خلّي نفسي تتلاقى
مع راعيها المُحيي الرب اللي فداها)2

قرار- (وأنا مشتاق أبقى معاه)2
وأعيش ويّاه على طول

2- (يا شمس الأرض جمالك من نوره ملِّت عيني
ده مهما يكون بهائك نور الرب سابيني)2
3- (يا شمس الأرض روحي واِنهي زمان الغُربة
يكفى بُكايا ونوحي دي عيشة الأرض مُرّة)2
4- (إمتى وييجي أختطافي وأترك جسد الأموات
ده اللي حمَل أوجاعي هاييجي على السحاب)2
5- (عمرك بخار بيعدي وإلهك مستنيك
وحساب نفسك هاتدّي والأمر متروك ليك)2
6- (عِشت حياتك لنفسك ولا عِشت بوصياه
ده اللي متحمِّل ذنبك عايزك تعيش معاه)2

قرار- (ألوف ألوف تخدمه وربوات ربوات قدامه
هاييِجي مع سُحب السماء ابن الإنسان مع خدامه)2

1- (أُعْطِي سلطاناً و مجد لتعبُده كل الشعوب
كل الأمم والألسنة ملكوتُه على الكل بيسود)2
سلطانه سلطان أبدي ملكوته ما له حدود ابن الإنسان
2- (وجههِ كمنظر البرق عيناه كمِصباحي نار
كلامُه كصوت الجمهور بدمه أصبحنا أبرار)2
لمسته لمسة قوية بيها يغيِّر الأشرار ابن الإنسان
3- (سلطانه إلى المُنتهى ليه الأرض والسماوات
حبني إلى المُنتهى بصليبه شال الآلامات)2
ليه وحده كل الإكرام الساكن في التسبيحات ابن الإنسان
4- (مجد وكرامة وحكمة وسجود إليه إلى الأبد
يمينه مُعتزة بالقدرة قوة إلهنا إلى الأبد)2
للجالس وحده على العرش و للثالوث المُتَحَد ابن الإنسان
5- (أغسل ثيابي في دمك وأخدمك ليلي ونهاري
اقتدتني بقوة يدك وضمنت بدمك حياتي)2
ماسح دموعي الحزينة ضامن في قُربك ثباتي يا ابن الله

1- (صوت الغلبة اللي نده لي غالب كل الشر أمامي
صوت الرحمة اللي طمّني قال لي الدم لذنبك ماحي)2
(قال لي قِيدَك مهما أن كان يُمحى بدمي
قال ما تخافش من الشيطان هزمته بصلبي)2

القرار- قال لي قوم اِغلب وعدّي أي ضيق
قال لي قوم اِغلب دي الحرب ليك

2- (صوت الغلبة اللي شجعني هازم صوت إبليس علشاني
هو يسوع اللي طمّني و بإيده من الضيق نجّاني)2
(قال لي الحرب دي للرب وانت في صفي
وانت معايا يا جبّار بأس ساكن حصني)2
3- (صوت النعمة اللي نده لي خلّى زمان الحب زماني
لما بنفسه يسوع كلمني و روحه غمر قلبي وعلّاني)2
(قال لي الرحمة ليك والحب ده انت ابني
نصرة وحُب ليك من الرب دايماً عندي)2
4- (صوت الحُب اللي أسَرني ماشي معايا في كل أيامي
أشرق نور الله في قلبي بيسوع المسيح إلهي)2
(قال لي صليبه طريق الحق فاتح عينيَّ
لما بروحه شِهد للحق ونوَّر فيَّ)2

القرار- (علّيه علّيه علّي الصليب جوه قلبك علّيه)2

1- (يرفعك فوق كل العالم فوق الضيقات
يكشف لك خِدَع العالم يُعطيك ثبات)2
يُعطيك حياة في إيمانك وتلاقي عنده التعزيات
2- (ويخليك تفرح في حياتك تنول الخلاص
بالنور الساكن في حياتك تِشهد للناس)2
وتقاوم إبليس وتجاربه وصليب الرب للخلاص
3- (يُعطيك القوة في ضعفاتك تغلب أكيد
ويكون الفرحة في صعوباتك تبدأ جديد)2
وتلاقي رجائك في آلامك وتفرح دايماً بالصليب
4- (وإلهك يبقى ساكن عندك ما يكون غريب
دايماً ييجي ويسكن قلبك بدم الصليب)2
يبقى انت مكانه وعشانه تفرح وتشيل الصليب

1-رسالة وعنوانها الخلاص مختومة بختم الدم
مكتوبة بإيد حبيبي وروحه هو القلم

قرار- (يسوع بنفسه كتبها لنا يسوع بدمه قدمها لنا)2
(يا أحلى خبر مالي الدنيا)2يا رسالة المسيح

2- رسالة وعنوانها المحبة فيها محبة الله
ولا غيره يسوع حبيبي علشاني سفّك دِماه
3- رسالة وعنوانها الصليب قوة لقوة من الله
ولا غيره يسوع حبيبي عيشنا النصرة معاه
4-رسالة وعنوانها التواضع أتنازل عن سماه
ولا غيره يسوع حبيبي قبِلنا واحنا خُطاه
5-رسالة وعنوانها النور فيها حقيقة الله
ولا غيره يسوع حبيبي جِه من روح الله
6-رسالة وعنوانها القيامة ضمن لنا الحياة
ولا غيره يسوع حبيبي قام من الأموات
7-رسالة ومضمونها النقاء ولا فيها غِش البشر
ولا غيره يسوع حبيبي جِه بالخير للبشر

1- (لمّا زمانك يقسى عشانك وأبوابه الموصودة تناديك
ثِق دايمًا واغلب أحزانك ده إلهك من الموت يحميك)2

قرار- يسوع يسوع هو اللي فرّحنا اللي جانا وفدانا
يسوع يسوع هو كل أفراحنا اللي بموته أحيانا
ده أنا مهما أبكي هوّ فرحة قلبي وحياتي معاه

2- (مهما قَسيت في حياتك بكيت والظلم شربته ألف كاس
ده اللي خلق الحياة علشانك هو نجاتك وليك خلاص)2
3-(مهما قَسيت ولا أتنسيت كالميت منسي من القلوب
ده اللي بموته جِه لحياتك انت غالي عليه ومحبوب)2
4- (قلبه عليك بدمه شاريك ماسح دموعك وكل دموع
اترك معاه كل حياتك وما ترجع تاني للدموع)2

1-(جاي لك والغالي كتير في حياتي
ولطعم الدنيا مش قادر ألاقي
ضاق بيّ الحال والوقت بانادي
جايلك وأنا واثق إنك تقدر)2

قرار- ولأنك تقدر تغيّرني
ولأنك تقدر تحرّرني
جايلك وأنا بالقي همُومي عليك
لطريقك دايمًا قرّبني
وحقيقتي أرجوك عرفني
(وأوّل خطواتي أنا واثق فيك)2

2- (جاي لك وماليش في حياتي أماني
الحزن نصيبي والحال بيعاني
ضاع مني العمر وكِترت أحزاني
جايلك وأنا واثق إنك تقدر)2
3-(أنا جاي باحط قوتي قدامك
غيَّر مصدرها وعرّفني كلامك
ضاعت كل الأيام في عِنادك
جايلك وأنا واثق إنك تقدر)2
4-(جاي لك مش عارف إية الخطة
لكن في عينيك أنا ليَّ نعمة
انت اللي ترفعني من الحفرة
جايلك وأنا واثق إنك تقدر)2

1-(على الصليب شُفت حبيبي وبالآلام مجروح لأجلي
شُفت طريقي أخدت سلامي وبالسلام قُلت اِملا قلبي)2

قرار- سَألوا الناس منين سلامك قُلت من عند المصلوب
لما صليبه ضمن لي حياتي وبقيت خالي من العيوب
اللي معايَ وبيقول لي دمي عليك دمي عليك حررك من الخطية
دمي عليك دمي عليك حررك من العبودية

2- (على الصليب بدأت حياتي وبالصليب عرفت ربي
لما الفادي جِه خد آلامي وتوّبني وماحي ذنبي)2
3- (على الصليب ربي شفاني دم الصليب طهّر لي قلبي
لما يسوع ضمّد جراحي وبالنعمة بقيت متهنّي)2
4- (على الصليب دم خلاص وبالصليب ساحق عدوّي
لما بدمه طهَّر كياني وبالخلاص بانشِد وأغني)2

1-(غالب بيك ولا أضعف أبداً حابب ربي حياتي معاك
طول ما انت قوة خلاصي منتظرك عايش في حِماك)2

قرار- أنا غالب بصليب يسوع اللي ضمن من أجلي الغلبة
رافع عيني لربي يسوع اللي بِيعمِل فيَّ بنُصرة

2- (ياللي ضمنت بيك الغلبة ودُست إبليس لأني ليك
اتصلبت أنا بيك للعالم وهاعيش كل العمر ليك)2
3-(ياللي اديتني حُب ورحمة ونسيت كل خطية في بُعدك
بعد ما كُنت إنسان مَيِّت احييتني بالغلبة بدمك)2
4-(ألمي لأجلك أعظم نصرة ياللي كان نصرك بآلامك
و صليبك يا يسوعي ده قوة قوة تخلّيني أعيش بسلامَك)2