روماني سليمان (61 ترنيمة )

١- (صوت العالم مهما بيعلى أو يعلى صوت المحال
صوتك يا يسوع دايماً أعلى بكلمة تغير للأحوال)٢

القرار – (ياللي زرعت في قلبي إيمان هاتحدى بيك المنظور
ياللي كتبت العمر ضمان عمري هاعيشلك وأنا مسرور)٢

٢- (صوت الواقع مهما بيعلن عن ضعف وفشل الإنسان
صوتك أعلى في قلبي بيعلن غالب بيك والدم ضمان)٢

٣- (مش راح أعيش أسير أوهامي مش راح أعيش مكسور للذات
جايلك يا يسوع أنت سلامي وقت الفرح وفي آلامات)٢

القرار - (عظموا الرب معي ولنعلي أسمه نعليه معاً)4
-1 (أبارك الرب في كل حين دائماً تسبيحه في فمي)2
2-(طلبت الرب فأستجاب لي من مخاوفي قد أنقذني)2
3-(ملاك الرب حول خائفيه عنهم يحامي وينجيهم)2
4- (ذوقوا وأنظروا ما أطيب الربَ طوبى للرجل المتكل عليه)2
5- (أتقوا الرب يا قدسيه ليس عوز لمتقيه)2
6-(الأشبال احتاجتاحتاجت وجاعت واللي بيطلبوه كل الخير معاهم)2

القرار- (أنا بالحب اديتك فرح وخير وسلام
جاي تقولي نسيتك وأنا حارسك ما بانام)٢

١- (جايز أسمح بالتجربة مرة جايز طعم التجربة مرة
لكن عمري ما سبتك مرة دايماً كنت معاك
كنت باشوف إيمانك بيَّ محتاج أسمع صوتك ليَّ
ولو دققت يا ابني شوية هاتلاقيني وياك)٢

٢- (عمال تشكي ليل ونهار إني أنا سايبك باستمرار
وإن حياتك دي آتون نار وآلامك بتزيد
ناسي إن كتير علشانك بازرع فرح مكان أحزنك
وإني أخدت يا ابني مكانك إزاي تبقى وحيد)٢

الرب راكب سحابة وجايلك يا مصر
وكلمته تعلى في أرضك وفي كل عصر
يدخل كل مساكن فيكي ينزع كل ألم جواكي
ويفيض مجده وخيره عليكي الرب جايلك جايلك يا مصر
يعلى التسبيح يملا سماكي ويملا أرضك ميلا هواكي
الرب يبارك أراضيكي الرب جايلك جايلك يا مصر
تعرفي اسم الرب فاديكي واسم الرب هايعرف فيكي
ويستجيب ليكي ويشفيكي الرب جايلك جايلك يامصر

1- (العمر عمر واحد لا بيرجع ولا يتكرر
يا أبو قلب قاسي وجاحد قبل النهاية قرر)2
القرار - (عمرك هتعيشوا لمين ماشي الطريق على فين
على فرح ما ينتهيش ولا عذاب وآنين)2
2- (ليه تجري ورا السراب ناسي إلهك ليه
تراب راجع لترب ومعاك هتاخد إيه)2
3- (مادمت لسه حي لسه الرجاء موجود
أفتح عينيك للضي ليسوع أندم وعود)2

1- (حمي أتونك مره أتنين لو حميته سبع أضعاف
ناوي أعيش لإلهي أمين مش هسجدلك ولا راح أخاف)2
القرار - (أنا ليا إله يحميني ينقذني وينجيني)2
2- (عزف ألاتك مش هيأثرعلى ألحان السماء جوايا
والحب اللي في قلبي بيكبر بإلهي وأرفع له غنايا)2
3- (أبداًعمري ما كنت وحيد أصل معايا إله جبار
ماشي معايا الأيد في الأيد حتى ولو في أتون النار)2
4- (اللي عينيك شايفاه بيصون هو إلهي وسر وجودي
ليه سلطان على كل الكون أمر النار فكيت لي قيودي)2

(مش هاتراجع عن طريق أخترته ليا
مش راح أضعف مهما هاج الكون عليا)2
(أنا متمسك بالوعود الساكنة فيا
إلهي وعدني يستخدمني ويعمل بيا)2
(من مجد لمجد همشى ووعده سلاح في إيديا
ولا يعلى صوت في حياتي غير صوتك يا فاديا)2
(أنا مسنود على دم غالي ونعمة غنية
هافضل أجاهد وأشهد له في أيامي الجاية)2

القرار- (محتاجين تلمس جراح المجروحين
محتاجين تكسر قيود المأسورين
محتاجين ترفع عناء الشقيانين
محتاجين تبقى وطن للمطرودين)٢

١-
(إنت بتسد احتياج كل البشر
وأنت معين لكل نفس بتنتظر)٢
تنتفض وتقوم تشب في قلب حرب وتنتصر
(وتاخد مكانها في صفوف الغالبين)٢. محتاجين
٢-
(إنت حصن يضمنا إحنا الخراف
والثمار ترجع تعود بعد الجفاف)٢
ونمسك الأعواد نرتلك ونرفع الهتاف
(والفرح هو طبع الغالبين)٢ . محتاجين

1-(لما تحس بضعف وضيق والقلب يبات مجروح
يبقى الخوف زي الإنسان بيطاردك فين ما تروح)2
(ولما تشوف المية بعينك وبرضو تبات عطشان
وعقلك يتعب م التفكير وتبكي حزين حيران)2

القرار- (ربك هيحلها ربك هيحلها
مهما تصعب عليك ربك هيحلها)2

2-(لما الشمس تدفي الدنيا وأنت في عز البرد
وتتغطى بأوهام اللمة ومافيش جنبك حد)2
(ولما تحس بحزن حقيقي ومافيش دمع بجد
وتشعر إن نهاية الدنيا جاية في أقرب وقت)2

3-(لما بتتغيّر أحلامك وتقودك لسراب
وتقول أنا من أهلي وناسي وأنت من الأغراب)2
(وفي نهاية تقرب توصل فجأة أتقفل الباب
ولما بتفشل كل حلولك وسط طوفان أتعاب)2

القرار - أنا أنا يسوع أنا يسوع الماضي
أنا أنا يسوع أنا يسوع الحاضر
أنا أنا يسوع أنا يسوع (أنا يسوع المستقبل)٢

١- (أوعى تفكر إني نسيتك زي ما قالت صهيون زمان
لو نسيتك تنسى يميني حافظك في أيدي وعيني كمان)٢

٢- (مرضاً لا أضع عليك لأني أنا الرب شافيك
مش ممكن أتخلى عنك طول الرحلة أنا عيني عليك)٢

٣- (أوعى تحول نظرك عني دي غربه صعبه وفيها الآم
ما خلاص هانت بكره تروح وهانسيك هم الأيام)٢