نادر جورج (17 ترنيمة )

القرار- أحبك ياربي يا قوتي
ملجأي حصني وصخرتي
ترسي خلاصي ومُنقذي
أحيا لك بكل إرداتي

1- (فتشت كل مخادع البطنِ
كل العظام بنيتها
وعندما أنا الدنيا أغرتني
نفسك عنّي أسلمتها)2
2- (أكتنفتني حبال الموت
وسيول الهلاك أفزعتني
وقيدتني شباك الشر
لكن يداك أخرجتني)2
3- لا تبتعد يا كل مُنيتني
مرجعي حصني وفرحتي
رُمحي وجيشي وسيدي
اِحيا فيَّ رفيقًا لوحدتي
(ناديت كل أعضاء جسمي
انهضي للربِ هيا نغني
غطِ بالحب كل رسمي
اهتفي للسيد فهو مجدي)2

الرب راكب سحابة وجايلك يا مصر
وكلمته تعلى في أرضك وفي كل عصر
يدخل كل مساكن فيكي ينزع كل ألم جواكي
ويفيض مجده وخيره عليكي الرب جايلك جايلك يا مصر
يعلى التسبيح يملا سماكي ويملا أرضك ميلا هواكي
الرب يبارك أراضيكي الرب جايلك جايلك يا مصر
تعرفي اسم الرب فاديكي واسم الرب هايعرف فيكي
ويستجيب ليكي ويشفيكي الرب جايلك جايلك يامصر

1- (في البُعد عنك قالوا إني عايش
وأنا كنت ميِّت ما أعرف حياة
من غيرك انت كان عمري ضايع
ولا كنت عارف إيه معناه)2

القرار- (انت الحياة انت الوجود .. انت الإله ليك السجود)2

2- (أعلن وأنادي و بأعلى صوتي
إنك حياتي وانت الحبيب
انت اللي خليت للعمر معنى
انت دوايا وأنت الطبيب )2

3- (من غيرك انت يستاهل
إني اديله عمري وانت شاريه
أنا قلبي ملكك ولا يمكن أبداً
ينسى اللي حّبُّه وانت فاديه)2

1- (لما أبعد عنك باتغرَّب
وألقى الدنيا في عيني ظلام
عمري معاك محسوب بثواني
مش بدقائق ولا أيام)2

القرار- هاجري عليك وأنده تسمعني
مين غيرك أنا هاطلب يعني!
أصلك قُلت في كل وعودك
إنك شاري ومش هاتبِعني
(هاجري عليك وأنده تسمعني)2


2- (وأنا تايه في الدنيا لوحدي
الخوف بيحاوِط أفكاري
تجري دموعي من فوق خدي
لا أنا عارف أسكت ولا أداري)2
3- (لما أجري بسرعة وأفارق
خطواتك وفي سكة غريبة
لا أنا قادر أكمِّل ولا قادر
ألقى حياتي في وسط الغيبة)2

1-يا صاحب الحنان يا ملجأ نفسي
أنت هو الضمان في وسط غربتي
(أحتاج إليك)2 أحتاج منك قوة لترفعني
(أنت وحدك)2 أنت تعين ضعفي وترحمني
يا سيدي إني أريد العمق فيك فارويني
وأحيني إني أريد نور حبك يسطع في داخلي

القرار - يا صاحب الحنان ها صرختي إليك
إني إليك راجعٌ راجعٌ إليك
راجعٌ لحضنك راجعٌ لدربك
أنا راجع لنورك يا صاحب الحنان

2- يا صاحب الحنان يا نبع قوتي
أنت وسط الأحزان تُعزي مهجتي
(أتوق إليك)2 أتوق أن تحيا فيَّ يا مالكي
(أنت بروحـك)2 أنت تقـود عمـري و رحـلتي
يا سيدي غيِّر بروحك حياتي وأملكن إرادتي
المس فؤادي وحواسي بل وكل دنيتي

القرار- (متفتت مليون حته متفرق وكل حته في حته)2
(تايه مش لاقي نفسي دوَّرت في كل حته)2

1- (متفتت وأحاسيسي متحيرَّه متعتي بتبقي لحظات قصيرَّه)2
(مش عارف إيه أنا عايز باخسَر و فاكرني فايز)2
بس في حاجه جوايا صغيرة عايزة تكبر بس في مليون حاجز
2- (متفرق ومشاعري متفرقة عايز النجوم وعمري ما طلتها)2
(الشهوة مالكة حياتي كلها وأنا كل ضعف و مستسلم لها)2
بس في حاجه جوايا بتصرُخ رافضة الخطية والشرور كلها
3- (كل ده كان قبل ما أشوفك لما كنت لسه ميت وهالك)2
(قبل ما تلمسني وتملاني بروحك قبل ما تنجيني من المهالك)2
أشكرك يا يسوع على رقة قلبك لقيت لنفسي في الموت مخارج
(جمعتني ولملمتني حته حته
مبقاش ناقص فيَّ ولا حته)2
(لقيت نفسي معاك يا يسوع
مبقتش أدور في أي حته)2

القرار- (المسني طمني دوِّبني في حبك يا يسوع
علمني اجذبني ثبِّتني في كرمك يا يسوع)2
(انت إلهي و مين غيرك أعبد!
انت إلهي و لمجد جلالك أسجد)2
2- (حررني طهرني اغسلني بدمك يا يسوع
شددني أدبني اسندني أنا ابنك يا يسوع)2
(انت إلهي أُملك على روحي وجسدي
أنت إلهي وأبويا وعزي وسندي)2
3- (اسبيني واحميني وأحييني برؤياك يا يسوع
عزيني وداويني و اشفيلي جَرحي يا يسوع)2
(انت إلهي وسر فرحي وسلامي
انت إلهي شايفك دايماً قدامي)2
4- (احملني وحاوطني و افصلني عن العالم يا يسوع
أسمعني كلمني وأغفر لي آثامي يا يسوع)2
(انت إلهي ليك مني كل الحب
انت إلهي ومفيش غيرك في القلب)2

القرار- (إله التعويضات
عوَّض كل اللي فات)2
وبدِّل الأحزان بفرح ويا السلام
وشال كل الآلام
إله التعويضات
عوَّض كل اللي فات
إله التعويضات

1- (مافيش واحد يجي له
يقفل في وشه الباب
ولا واحد بينادي له
هايسيبه في العذاب)2
حبه وحنيته بقلبه ورقته
في الحال هايسمع له
ويعوَّض اللي فات
إله التعويضات
عوَّض كل اللي فات
2- (مافيش واحد حزين
تعبان ودمعته
بتسيل على الخدين
هايسيبه في محنته)2
حبه وحنيته بقلبه ورقته
في الحال هايسمع له
ويعوَّض اللي فات
إله التعويضات
عوَّض كل اللي فات

1-(أنا مستنيك مهما تطوِّل
عيني عليك مش راح تتحول
وأنا في أمان علشان م الأول
سايب في إيديك كل حياتي)2
(تيجي الضيقة أنا مستنيها
اختبارات لازم أعديها
راح أقرب وأوصل لك بيها
بيك انت هاعيشْ انتصاراتي)2

القرار- فوق ضيقتي هاقف وهاكوُن أعلى
كل الصعوبات وياك سهلة
والمُر أكيد هايكونْ أحلى
علشان نعمك بتعزيني
شايف أفراح وسط تجارب
شايف أجناد عني تحارب
وأنا كده أو كده دايماً غالب
طول ما انت معايا بتحميني

2- (مش خايف مهما هايحصَل لي
مهما حصل لي أنا برضو هاصلّي
والخوف أبداً ما هايوُصل لي
إزاي أخاف وانت بتسمع لي!)2
(حاسس بسلام وأنا بانده لك
وأنا عارف أبداً ما استاهلك
ده أنا أشوف أحزان ولا أتجاهلك
أحزاني تزيد طب إيه يعني!)2

1-(هاقبل كل جراح وآلام
إيدك سمحت بيها ليَّ
علشان إيدك هاتعوضني
وتقوِّم نفسي المحنية)2
وتقوِّم نفسي المحنية

القرار- (مش هاتذمر ولا هاتكلم
ولا هاعلن رفضي لمشيئتك
لكن هاصبر ليك راح أسلم
وأتأسف على إني ضايقتك)2
وأتأسف على إني ضايقتك

2- (هاقبل رغم التجربة صعبة
رغم آهاتي وكل آسية
حتى إن كانت تجربة مُرة
إيدك بتسيِّج حواليَّ)2
إيدك بتسيِّج حواليَّ
3- (هاقبل وأشكر وأنا في آلامي
وتجاربي اللي سمحت لي بيها
مش هاتذمر رغم جراحي
ما أنا عارف إنك تشفيها)2
ما أنا عارف إنك تشفيها