صفوت داود (38 ترنيمة )

القرار- (لو تزول السما والأرض ويا الجبال
ولا كلمة من جلاله ترجع ده أمر محال)2
1- (إذا وعد يوفيإذا لمس يشفي
وأنا عايش في خيره ده خيره بيكفي)2
ده خيره بيكفي
2- (إذا أمر يمشي و معاه ما بتعبش
والكل قدامه خاضع ومستني)2
خاضع ومستني
3- (يفتح ولا يقفل يقفل وأمره يصير
وإن مره يتأخر عليَّ كله يكون للخير)2
كله يكون للخير
4- (في النار يعديني على الموج يمشيني
وإن قامت عليَّ حروب ينجيني)2
حروب ينجيني

1- (نرنم وننغم يارب بجبروتك نهتف ونسبح ونعلَّي في ملكوتك)2

القرار – (بإيديه القوية عدانا في المَيَّه)2 وعناية إلهية وسحابة ومظلَّة

2-(نظر من علاه ومد يداه)2 أخرجنا الإله من أرض العبودية
3-(برقص ودفوف ما عاد فينا خوف)2 ورغم الظروف نهتف للمسيا
4-(برقص وهتاف ما عُدنا نخاف)2 ورغم الجفاف خلّى الصخرة مَيَّه
5-(بإيديه الأمينة بيظلل علينا)2 وماسك إيدينا أيامنا اللي جايه

1- (أنا آسف أنا غلطان ونادم قلبي يا سيدي
على الماضي على العصيان ومسمار دقيته بإيدي)2

القرار- (سامحني سامحني سامحني ما كنش قصدي أبعد عنك يا سيدي
سامحني سامحني والعالم كان في قلبي ونسيت حُبك يا سيدي)2
سامحني وخلّي حُبك يغفر كل الذنوب
سامحني وخلّي دمك يستر كل العيوب

2- (سنين ضاعت وأنا في عِناد ماكنتش بسمع لصوتك
سنين راحت أكلها جراد ما قدَّرتش قيمة موتك)2
3- (أنا راجع أنا مشتاق لحضنك الدافي يا سيدي
وقلبي والحنين أشواق لدمك الشافي ياسيدي)2

1- (ما أحلى السجود هنا قدامك)2
(أجي وأرنم ليك)2
(أسجد وأقبّل أقدامك)2
(وأسكب طيبي عليك)2
القرار- قدوس ليسوع رب الحياة
العظمة والبهاء للجالس عن يمين الله
(هللويا)4
والعز في بيت أبويا بيفرّح قلبي بلُقاه
2- (ما أحلى الهتاف ورفع أيدي)2
( تسبيح ليسوع بيزيد)2
(وأفرح وأصقف لحبيبي)2
(أصل حضوره أكيد)2
3- (ما أحلى الفرح ده فرح سيدي)2
(ولا زيه تاني لقيت)2
(لحظة لُقاه بيكون عيدي)2
(علشان كده غنيت)2
4- (تسبيحي يعلى وأفرح بيه)2
(وإبليس ملوهش مكان)2
(طول ما أنا رافع عيني عليه)2
(تهرب كل الأحزان)2

1- (باتت دموعي على الخدين من أحزاني وأنيني
بصيت حواليا شمال ويمين ملقيتش حد يواسيني)2
(لكن في لحظه أفتكرت أنك وحدك بتقدر تحس بيَّ)2
ماهو مش غريبة أصل أنا ابنك وقُلت ارمي الحمول عليَّ
2- (ببكي على حالي ومرضي اللي الأطباء فيه أحتاروا
وسنين طويلة وأنا في ألمي زي اللي يا ما كتير عانوا)2
(لكن في لحظة أفتكرت أيدك يا يسوع دي ياما شفيت كتير)2
ده حتى لو ألمس هدب ثوبك يقف النزيف ويصير تحرير
3- (مش عارف ليه كل الأبواب مقفولة دايماً قدامي
حتى حبايبي والأصحاب ممكن في لحظة تنساني)2
(لكن في لحظة أفتكرت أنك بكلمة تفتح ولا حد يقفل)2
وصرت صاحبي وحبيب لأنك عينك عليَّ ولا مرة تغفل
4- (مالت سفينتي في الميه والموج مكشر أنيابه
والبحر هايج وحواليا عمال بيعلى بأمواجه)2
(لكن في لحظة أفتكرت أنك البحر والريح ده من صَنيعك)2
تقدر بكلمة يا يسوع تقولها الموج وكل الرياح تطيعك

1-(لما أصرخ تجيني وبتمسك يميني)2
ولحضنك تاخدني وحنانك ماليني
(والموج يبقى عالي و الصرخة تعاني)2
والريح بيحاربني وسلامك ملاني

القرار – (أنا ما ليَّ سواك أنا ما ليَّ غيرك
كل عمري معاك ومكفِّيني خيرك)2

2-(عارفك مش هاتنسى لما الدنيا تقسى)2
حضنك ليَّ مرسى ده أنا ابنك حبيبك
(وفي ساعة الأتون و جوه السجون)2
من غيرك حنون مالقاش حد غيرك
3-(لما أجري عليك ترفعني إيديك)2
مالقاش غير حنانك مالقاش غير إيديك
(تلمسني تداويني وتنهي أنيني)2
من غيرك شايلني من غيرك سنيدي

القرار- (إله التعويضات
عوَّض كل اللي فات)2
وبدِّل الأحزان بفرح ويا السلام
وشال كل الآلام
إله التعويضات
عوَّض كل اللي فات
إله التعويضات

1- (مافيش واحد يجي له
يقفل في وشه الباب
ولا واحد بينادي له
هايسيبه في العذاب)2
حبه وحنيته بقلبه ورقته
في الحال هايسمع له
ويعوَّض اللي فات
إله التعويضات
عوَّض كل اللي فات
2- (مافيش واحد حزين
تعبان ودمعته
بتسيل على الخدين
هايسيبه في محنته)2
حبه وحنيته بقلبه ورقته
في الحال هايسمع له
ويعوَّض اللي فات
إله التعويضات
عوَّض كل اللي فات

1- (هو أنا كنت أطول إني أكون من أولادك
ده كتير عليَّ وكفاية أعيش خدامك)2
خدتني من المزابل وجعلتني ملك وكاهن
وسترت كل عيب فيَّ وضمنت لي الأبدية

- القرار -
(ده كتير عليَّ ده كتير عليَّ أنا هاعيشلك من اللحظة ديَّ
عمري ما اسيبك وهاشيل صليبك وكل غالي ليك يا فاديَّ)2

2- (وأنا فيَّ ايه خلّاك تحب واحد زيي؟
ده أنا ماستهلش خاطي من راسي لرجلي)2
لكن مريت عليَّ غيرت كل اللي فيَّ
ومنحتني صك الغفران وجعلتلي في السما مكان
3- (مش عارف اقولك ايه؟ ولا كلمة في حقك توفي
أنا لو هاسجدلك ليل ونهار مش راح أوفِّي)2
احساناتك كتير قدامها قلبي صغير
وجمايلك اللي ما تتعد وحنانك ماله طول ولا عرض

1- (لو شايف غيمة زي كف صغيرة
وقلوب مليانة جفاف وعقول متحيرة)2
(ولو كانت كل الأبواب قدامنا متقفلة)2
يفتحها بكلمة منه ده إله المستحيلات
القرار- (يفتح كوى السماوات وينزل الأمطار
وهتغمرنا البركات ويريح اللي أحتار)2
2- (لو حاسس أنك أرض بور متشققة
وحياتك للبركه والأمطار متشوقة)2
(ولو صارت أحلامك صعبة مش متحققة)2
يضمنها وعده الصادق ويعوض اللي فات
3- (لو كل قوى الشر عليك متجمعة
وبكل آلات وسلاحه عليك متحضرة)2
(ولو قاموا كل الأشرارعليك بمؤامرة)2
يبطلها بقوة دمه يبطل كل المشورات

1-(هاقبل كل جراح وآلام
إيدك سمحت بيها ليَّ
علشان إيدك هاتعوضني
وتقوِّم نفسي المحنية)2
وتقوِّم نفسي المحنية

القرار- (مش هاتذمر ولا هاتكلم
ولا هاعلن رفضي لمشيئتك
لكن هاصبر ليك راح أسلم
وأتأسف على إني ضايقتك)2
وأتأسف على إني ضايقتك

2- (هاقبل رغم التجربة صعبة
رغم آهاتي وكل آسية
حتى إن كانت تجربة مُرة
إيدك بتسيِّج حواليَّ)2
إيدك بتسيِّج حواليَّ
3- (هاقبل وأشكر وأنا في آلامي
وتجاربي اللي سمحت لي بيها
مش هاتذمر رغم جراحي
ما أنا عارف إنك تشفيها)2
ما أنا عارف إنك تشفيها