تامر مجدي (3 ترنيمة )

(أنا أنا ديك ساكن في بستان جميل)2
كان فيه قبر مقفول بحجر كبير
(احكيلنا احكيلنا عن اللي شُفته يا ديك
يوم الحد الصبح يوم قيامة المسيح)2

1- قبل ما الفجر يشقشق قبل ما حد يقوم
شُفت هناك ملاك نوره زي النجوم
(وأنا واقف في البستان بارنم بالألحان)2
(يسوع يسوع يسوع من موته قام)2
2- ويومها بدري بدري راحوا المريمات
في القبر لقوا ملاك وقال لهم كلمات
(جايبين حنوطكم لمين ناسيين وعده الأمين؟)2
(يسوع يسوع يسوع من موته قام)2
3- وبطرس ويوحنا ع القبر جريوا قوام
ودخل الأول بطرس هناك لقى الأكفان
(في مكانها بالترتيب من غير جسد الحبيب)2
(يسوع يسوع يسوع من موته قام)2
4- مريم المجدلية زعلانة في البستان
يا عم يا بستاني على فين أخدوا الحنّان
(مريم يا مجدلية قوليلهم في العُلية)2
(أنا يسوع هاسبقكم للجليل)2
(يسوع يسوع يسوع من موته قام)2

القرار – (لو معاك زيي سمكتين وشوية عيش صغيرين)2
فكرت إنه ييجي يوم تشبع بيهم الجموع

1- ما هي دي حكايتي لما جه التلاميذ عندي
وقالولي هات كل اللي معاك
(الجموع جاعت آهم قاعدين هناك)2

2- كل ده كان غريب عليَّ أخدوا القفة من إيديَّ
حطوها قدام معطي كل طعام
(لكن ماكنتش عارف مين هو يسوع)2

3- كان منظر عليَّ عجيب لما صلي الحبيب
أكلي أنا أصبح كتير شبع الصغير والكبير
(وكمان جمعوا الفايض 12 قفة تمام)2

القرار - (كان عايش زينا لما كان قدنا يسوع وهو صغير كان عايش زينا)2

1- أكيد كان بيته فقير وصغير ماكنش فيه غير يوسف ومريم
ولا كان فيه حاجات كتير فرن صغير لمبة تنور
يمكن حصيرة جايز رحاية جايز كمان فرخة وكتاكيتها

2- أيام كتيرة يقعد يتفرج على الطبيعة من حواليه
شجر عصافير وكمان خرفان وتلاقيه دايماً فرحان
مع أصحابه كان بيلعب بفرح ومحبة وسلام

3- يوسف يدقدق أو يصلح يتعلم يسوع بعد ما يتفرج
ولما كانت مريم تطلب حاجة منه يجيبها على طول ولا كان يتأخر
كل الناس كانت بتحبه حتى وهو فقير وصغير