شيري ماهر (3 ترنيمة )

القرار- أخرستوس آنستي أليثوس آنستي
تحية القيامة وفخر مجد كنيستي
1- كنيستي اللي آمنت بالقيامة وبالحياة
وشافت في المسيح فاديها وكل النجاة
قيامة للي آمن بالقوة اللي في الصليب
وغفران الخطايا بدم ربي الحبيب
قيامة للي آمن بالفردوس وبالنعيم
لو الجهاد يوماتي لو الإيمان سليم

علمنا يا خروف الفصح خلوك ليه كده تحت الحفظ
من 10 نسيان لـ 14 من غير شيب ولا عيب ولا جرح
علشان إيه بالليل دبحوك واهتموا بدمك وجمعوه
ع القائمتين جم رشوه ع العتبة العليا وعلوه
الفحم قلب الليل نهار مستنيك تتشوي بالنار
تتاكل على عشب مرار والباقي منك للنار
أنا بعد قرون طويلة مجرد فكرة بسيطة
عن خالق حرر ابنه من بين عبودية مريرة
دبحوه عشان يفدينا كان لينا دمه سفينة
عبرت وعبرنا عليه من موت لحياة تنجينا

1- لما أكلت بإيدي من شجرة قلت لي ابعد عنها بلاش
حزنك كان على قلبي القاسي اللي خوفك فيه مابقاش
يا ريتني كنت سمعت كلامك أما الحية ماسمعتهاش
ما باقتش أشوفك ولا أسمع صوتك وأنا عنك متحاش
القرار- خلصني يا رب وقويني من شر خطيتي نجيني
عارف إنك راح تسمعني وبقوة عظيمة هتحميني
2- فضلت أنا مستني وعودك وفرحت لما شفت إسحاق
وقلت إنك هتنجيني مهما اتغيرت الأسماء
موسى وعصا مليانة بقوة قوة تحرر شعب حزين
بس أنا قلبي حجري يا ربي مش بسهولة كده هايلين