جوزيف فيكتور (2 ترنيمة )

١- {الله بيبارك شعبه عمله وصنعة إيديه
ويا بخت الشعب الماشي (ونور وجه إلهنا بيهديه)٢}٢

القرار- (بنرنم ليه والحمد يفيض بأحلى الأغاني
ونقول ده إلهنا إله تعويض مهما بنعاني)٢

٢- (الله بيبارك شعبه بسلام فوق العقول
معقول تتهز الأرض وشعب الله ثابت على طول)٢

٣- (الله عمره ما يتغير ولا يعرف إنه يعير
مهما ندور على غيره بنرجعله أكيد من تاني)٢

القرار- (أنا سَهم في إيد جَبَّار
أنا سَهم وليَّ انتِصار)٤

١- أنا سَهم مَبري في إيدين إلَه قَدير
بِيشَكِّل حَياتي بِقوِّة تَغيير
في ضَعفي بيسمَعني دايمًا بيرفَعني
إلَهي بيسنِدني بِطول المَسير

٢- أنا سَهم موَجَّه قُدَّام حُصون الشَّرّ
وباهدِم ظُنون عَليَّ بتمُرّ
في يوم الشَّرّ هاثبَتَ وعُمري ما هاسكُت
دايمًا هاعلِن حَقُّه في وِسط البَشَر

٣- أنا سَهم مُفرَز ومِن قَلبي ناوي
وفي خِدمِة إلَهي هامِدّ الخَطاوي
وأروح لِلخُطاة بِرسالِة حَياة
يَسوع يقدَر يغَيَّر وجروحكُم يداوي