أيمن كفروني (49 ترنيمة )

القرار – (لو مهما كانت صعبة ظروفي رح غنيلك
لو مهما كانت أيامي سودا بصليلك)2
(رغم الألم والضيق رح ارفع اسمك بالعالي
و توب الحزن العتيق قلعته عشانك يا غالي)2
(أبداً مش رح يحنيني ضعفي وحزني وأنيني)2
ولا رح تشمت فيِّ ظروفي لو مهما كانت

1-(أنا فخري انه بضعفي قوة إلهي بتظهر
والجبل العالي اللي قدامي على اسمه يدوب ويصغر)2
(مين انت يا بحر الهايج يسوع بييجي ماشي فوقك!
مين انت يا سوري العالي بإلهي بِطلع فوقك!)2
بإلهي بِطلع فوقك
2- (أنا بدي العالم يعرف إنه اللي مطمَّن قلبي
لو بأتون النار وواقف يا إلهي بشوفك جنبي)2
(لا الموت ولا المرض بيقدر يحنيني ويكسر لي راسي
ع سلامي يسوع بيسهر هو ضامن لي خلاصي)2
هو ضامن لي خلاصي

نحنا ما إلنا غيرك بوقت الشد معين
مش ممكن ننسى خيرك اللي لاحقنا من سنين
القرار- (الصحة اللي بجسدنا منك اللقمة اللي بناكلها منك
والنفس الداخلنا منك ومنك فرج المسكين)2
ومنك فرج المسكين
1-(لما الدنيا بتقسى علينا وعدك بيطمنا
بتلف ذراعك حوالينا وأبدًا ما بتهملنا)2
بتجود علينا بإحسانك وبتستقبلنا بأحضانك
بتغمرنا بعطفك وحنانك وع أيديك بتحملنا
2-(من حقك يا رب تسود وتملك بسلطانك
ومن حقك تبقى المعبود وأنت العالي جلالك)2
لو منك نحنا ما كنا ولا كنا بنملك شوعنا
أنت منشأنا وموطنا نموت منحيا لك

(قدوس أنت يا الله قدوس قدوس
الأرض كلها امتلأت من مجدك يا قدوس)2

القرار- (قدوس قدوس قدوس أنت يا الله)2

1- السماوات تحدِّث والأرض أيضاً تُخبر
والفَلَك يُسبح إلهنا القدوس
المحيطات وما فيها والمخلوقات تجاريها
والمسكونة تغنِّيها قدوسٌ قدوس
2- يا ليت لي ألفُ لسانِ كي أدعو القاصي والداني
وأشدو بكل الألحانِ قدوسٌ قدوس
يا كلَّ الأمم رنموا يا شعوب الأرض قدموا
له المجدَ وكرِّموا حمل الله القدوس
3- اهدوا للربَّ المعبودِ سبحاً بالدف وبالعودِ
يا طيور بألحانك جودي غردي واهتفي قدوس
أسمع أصوات الأطفال والرضع تصدحُ بالعالي
ونساءٌ تنبئُ لرجالِ هيا نهتف قدوس

(مصلوب شوفوا يا بشر.. كرمال ذنبي ينغفر)2
القرار- (عريان والجسم انضرب.. والشوك إكليل انضفر)2
بريء مع لص انصلب.. مذلول ومحتقر
كرمالي يا بشر
1- (إذا عارف إنك غلطان.. وناوي التوبة من قلبك
وبدك تحصل ع الغفران.. وحدا يحمل عنك ذنبك)2
(تع وقف جنبي يا خيً.. وأتحرر من ها العبودية)2
ما في غيره بيعطي الحرية.. يسوع اللي انتصر
2- (صدقني إنه حرام.. تبقى عايش بذنوبك
كيف قادر تغفى وتنام.. والشر مغطى دروبك)2
(مش راح يفيدك تأجيلك.. يمكن ها الليلة ينادي لك)2
أنا من قلبي عم أصلي لك.. بدمه تنستر

(الله اللي عم يجمعكن
هوي اللي رح يمشي معكن ع دروب الحياة
ما تخافوا من بكرة الجاي ولا من شي
مصيبة مخبايه بتحملها الساعات)2

القرار- (وهموم العالم كلا هوي وحده بيحلا)2

عنكن مش رح يتخلى رح يستركن بالضيقة
الله اللي عم يجمعكن هوي اللي رح يمشي معكن ع دروب الحياة
ما تخافوا من بكرة الجاي ولا من شي مصيبة مخبايه بتحملها الساعات

1- (يا أختي كلمة الله بتوصيكي إنهُ تكوني وفية بكل الأحوال
خلي يسوع مصور دايماً فيكي الله موصي تا المرأة تطيع الرجال)2
(كوني للعيلة كلا شهادة عن نعمة الله)2
خلي بيتك يبقى كنيسة تا تعيشوا شبه الأبطال أكيلا وبرسكيلا
2- (يا خيي الجازي شركة بين تلاته انت ومرتك ما تنسوا الله الأساس
هو وحده اللي ضامن بكرة الآتي وحده اللي بيخلي بيتك مرفوع الراس)2
(مرتك حبا وداريها ببو عينك خبيها)2
تشبه بيسوع تعلَّم نفسه عن الكنيسة قدَّم حتى بدمه يفديها

القرار- (دايس على عسلك يا عالم أنا بإلهي شبعان
مُــرَّة المية اللي بتعطيها وعمرها ما تروي العطشان)2
(مهما تحاول تغريني أو من مجدك تعطيني)2
انا يسوعي مكفِّيني و قلبي بحبه مليان

1- أنا نفسي أبيَّة وفرحانة.. (بابن الإنسان)2
بدمه اشتراني وخلاني.. (ملك وسلطان)2
لا فلوسك ولا.. ولا دهبك ولا.. ولا حتى كنوز الدنيا كمان
مش راح اقبلها.. لو كانت على.. عرشك راح بتملِّكني زمان
2- مهما تتزين بعيوني.. (بتبقي عريان)2
إذا فكرك أسجد قدامك.. (انت غلطان)2
ولعلمك أنا.. ما بَسجد أنا.. ولا ركبي بتركع مهما إن كان
أنا قلبي اغتنى.. يوم اللي انحنى.. قدّام اللي بيغني الأكوان

القرار – (عجني وشكلني بإيدَيك وعلمني اتكل عليك)2
(ها العالم من حولي قاسي عم يسقيني المر بكاسي)2
ما فيي عيش القداسة والعالم من حولي هيك
عطيني من روحك قدسني وعلمني اتكل عليك

1- (بجرب إني غير حالي عيش منيح وبلا ما اغلط
صار لي مدة على ها الحالة ولا مرة بحاول وبتظبط)2
(مين قادر يشفع فيِّ يخلصني من الخطية؟)2
أنا من قلبي بدي طايعك والطاعة صعبة عليِّ
2-(أنا كنت بـ هالعالم ضايع كانت أعمالي تجرسني
كنت بقيت بشري واقع لو ما بالنعمة تخلصني)2
(أنا خايف ضيع من جديد وارجع عنك صير بعيد)2
أحميني انت امسكني بإيدَيك أنا خوفي شي مش بالإيد

القرار - (إليك رفعت صلاتي وقلبي يهتف بالدعاء
أمامك أسكب ذاتي عيناي ترنو إلى السماء)2
أتيـت باحتياجي وخوفي الشديـد بضيـقـي وانزعاجي فإننـي وحيـد
يا سامع الصلاة استجبت تضرعاتـي (يا مالكاً حياتي بحبك الفريد )2
1-(قد ضاق زمانـي ها إنـي أعانـي كربـاً فـي دروبـي فقـراً في جيوبـي
كثرت أوجاعـي وأنهـار دفاعـي ليـس لـي صديـقاً اليـوم سـواك)2
2-(حـبك يـا إلهـي غيـر متناهـي يحـيا في ضلوعـي في شخص يسـوع
روحك يحيينـي يشفـع لأنيـنـي وقـت الأزمـات ليـس لي سـواك)2

القرار - صوتك ناداني وأمر سمعني أحلى خير احكى لكل الناس قصة خلاص البشر 1- كان الاثم حاكمنا وعن محضرك فاصلنا وعن درب حقك ملنا والشر فينا انتشر خلف الخطية مشينا وكل الوصايا نسينا وما ظل ساكن فينا الا القلوب الحجر عدلك حكم بموتنا وعا قد ما حبيتنا بموت المسيح فديتنا وهيك الغضب عنا عبر من بعد ما مات المسيح لما اندفن جوا الضريح ما ظل ساكن بالقبر غلب الموت قام انتصر 2- صدقني ياللي سامع بالبيت أو بالشارع لعند ربك طالع ذنبك عليك انكتب اسمعني خليني دلك على قدر يحملك ذنبك ويحمل ذلك فوق الصليب الخشب جنبه انطعن كرمالنا وقدم حياته بدالنا بدمه غسل اثامنا واسامينا بكتابه كتب من بعدها مات المسيح لما اندفن جوا الضريح ما ظل ساكن بالقبر غلب الموت قام أنتصر

القرار- دايس على عسلك يا عالم أنا بإلهي شبعان
مُــرة المية اللي بتعطيها وعمرها ما تروي العطشان
مهما تحاول تغريني أو من مجدك تعطيني
انا يسوعي مكفيني و قلبي بحبه مليان

1- أنا نفسي أبيه وفرحانة (بابن الإنسان)2
بدمه اشتراني وخلاني (ملك وسلطان)2
(لا فلوسك ولا.. ولا ذهبك ولا.. ولا حتى كنوز الدنيا كمان
مش راح اقبلها.. لو كانت على.. عرشك راح بتملِّكني زمان)2
مهما تحاول تغريني أو من مجدك تعطيني
انا يسوعي مكفيني و قلبي بحبه مليان
2- مهما تتزين بعيوني (بتبقي عريان)2
وإذا فكرك أسجد قدامك (انت غلطان)2
ولعلمك أنا.. ما بَسجد أنا.. ولا رُكبي بتركَع مهما إن كان
أنا قلبي اغتنى.. يوم اللي انحنى.. قدّام اللي بيغني الأكوان
مهما تحاول تغريني أو من مجدك تعطيني
انا يسوعي مكفيني و قلبي بحبه مليان