باسم صبحى (25 ترنيمة )

1- (لا بانتهي ولا بتنتهي.. عند الآلامات قصتي
وإن كَتمت عتمتي على حيرتي.. حتمًا تختمها بفرحتي)2

القرار- (أمتلي تسليم لمشورتك.. وف تدبيرك بالتقي راحتي
وأتعزى وتسندني أمانتك.. وتثبتني تتم مسيرتي)2

2- (وأتلملم تاني وتجبرني.. وأتغير في المختبرات
وآهات بتعدي وتتحول.. على شفتي وتطرح غنوات)2

3- (أتاريني في غيبتي عن بيتك.. كنت بتحملني لسنوات
شيلتني وبعدتني عن شيلتي.. وحملت حياتي ببركات)2

4- (ترعاني في غربتي وتقود.. خطواتي حتى النهايات
وإن تقلت ضيقتي بشدتها.. تنشئ تمجيد الأبديات)2

5- (تبتدي تتلألأ كلمات.. في كتابك تحييني بصوتك
واتلفح تاني بنغمات.. تملكني أتملى ف ملكوتك)2
6- (والشتا أهو فات وبتلفت.. ألتقي مركبتي أهي جت رسيت
والنباتات اللي تلفت.. أهي رجعت تاني وابتسمت)2
7- (باختـار بإرادتي وبمشيئتي.. أتقبل هبة الآلامات
وأتجرد وأتصلب إن طلبت.. مشيئاتك كما في السماوات)2

1- (عارفين اللي عمل شمس وقمر وكل الدنيا
واللي نسمة منه تدوّب كل الكون في ثانية)2
(واللي أنفاسه تزلزل أساس الجبل)2
واللي ما يعرف نهايته وبدايته الازل

القرار – (أقدر أقوله يا أبويا أقدر أقوله حبيبي)2
أقدر أقوله إلهي وأبويا وحبيبي

2- (عارفين اللي كان مع موسى وشعبه في البرية
واللي شق البحر سوف وعداهم من الميه )2
(يوسف لما كان في سجنه نجاه من الخطر)2
والفتية عبروا في النار ومعاهم عبر

3- (عارفين لما كان مصيري موت ونار أبدية
نزل وأتصلب بدالي وسحق رأس الحيه)2
(شال عنّي عار الخطية وهو الحمل)2
وصار ليَّ فيه رجاءوهو الأمل

القرار - (انت في العلى أقدر على كل ظروفي هاتقدر)2
مهما كان عجز الإنسان انت في العلى أقدر

1- [(مهما تكون أحمالي واثق إني أنا غالي)2
باتقدِّم وبكل ثقة باعلِن فيك إيماني]2
2 - [(قادر ترفع نفسي من كل حيرتي ويأسي)2
ما انت أبويا وعارف كل أفكاري وهمسي]2
3- [(ليك في الموت مخارج وبقربك قلبي ثابت)2
هامشي معاك ع المرتفعات وعدك ليَّ أنا غالب]2

القرار - آسف حاضر شكراً هم يا دوب 3 كلمات
قولهم تبقى فعلاً فيك أحلى صفات

1- لما في يوم تغلط في حد أو تعمل حاجة تضايق
قول : "آسف".. وقولها بجد هدِّي أعصابك خليك رايق
لما تغلط وكمان تعند كلمة آسف ما بتقولهاش
تلقى صاحبك عنك يبعد روح اتأسف له ما تنساش

2- قول : "حاضر".. لما تسمع نصيحة من حد كبير
لازم تتعلم تخضع والناس تلقى فيك تغيير
تكذب فكرك إنك شاطر بابا يقول : "انت غلطان!"
لازم تسمع وتقول : "حاضر" صلي واطلب الغفران

3- والرب يسوع بيفكرنا نشكر لما ناخد حاجة
وكمان هو بيعلمنا ندي للناس المحتاجة
لازم نفتكر دايماً ربنا عطاياه كتير
قولّه : "ياربي شكراً".. بكل حب وتقدير

1- (انت تقدر على كل شيء ومفيش معاك صعب ورديء )2
لو قابلنا موج بحر عالي انت تصنع وسطيه الطريق

القرار- (انت تقدر أيوه انت تقدر ع اللي نفتكره وأكتر
ولو جبال صعاب تدوب ومهما كان لا انت أكبر)2

2- (بكلمة تغفر كل الشرور تشفي وتداوي وتُجبر كسور)2
ويروح زمان الكسر حالاً وتتملي قلوبنا بسرور
3- (هللويا تهتف قلوبنا وفرحانين حتى بحُروبنا)2
نصرة بدايتها في صليبك ما انت إلهنا و انت ملكنا

القرار - أنا هنا بادعوك تيجي بغناك تشرق على أرضي
قربني ليك أرجوك أعيش في حماك ابرئني من مرضي
عايز مياه .. عايز مياه .. غني ومراحم وروح وحياة


1- ياللي عطشان تعال عندي مياه حتى لو من غير فضة ليك ارتواء
عنده مياه عندي مياه غنى ومراحم وروح وحياة
2- لا يشبعك تعب جسدك ولا فضة راح تغني
لكن ده عهدي اللي يلذذ وكلامي ليك يغني
3- لا طريقي ده زي طريقك ولا حتى أفكاري
راح ألذذك بمحبتي ليك وأكشف لك أسراري
4- دي جبالي في خروجك تفرح وأكامي هاترنم
في طريق رسمته لك تنجح ومشيئتي هاتمم

1- (مش مستحيل وأنا بين إيديك أعلى لفوق
أعبُر سدود وأهدم حصون يملاني شوق)2
(المستحيل إني أعيش من غير إيديك
وأتوه في سكة هناك بعيد من غير عينيك)2
2 - (مش مستحيل وأنا معاك أعبر بحور
مليانه ضيق ويا آلام تبقى لي نور)2
(المستحيل إني أسير من غير خُطاك
وأوقات تفوت من غير وجود قلبي معاك)2
3- (مش مستحيل وأنا معاك أنسى اللي فات
دمك غفر كل الخطايا أحيا اللي مات)2
(المستحيل إني أعيش لحظة بعيد
وأنسى صليب شاله الحبيب حرر عبيد)2
4- (مش مستحيل وأنا معاك أكون سعيد
أدوس أحزان و هَم زمان نصري أكيد)2
(المستحيل إني أعيش من غير رجاء
وانت ضامن لي حياة سعيدة مجد السماء)2

القرار- (دايس على عسلك يا عالم أنا بإلهي شبعان
مُــرَّة المية اللي بتعطيها وعمرها ما تروي العطشان)2
(مهما تحاول تغريني أو من مجدك تعطيني)2
انا يسوعي مكفِّيني و قلبي بحبه مليان

1- أنا نفسي أبيَّة وفرحانة.. (بابن الإنسان)2
بدمه اشتراني وخلاني.. (ملك وسلطان)2
لا فلوسك ولا.. ولا دهبك ولا.. ولا حتى كنوز الدنيا كمان
مش راح اقبلها.. لو كانت على.. عرشك راح بتملِّكني زمان
2- مهما تتزين بعيوني.. (بتبقي عريان)2
إذا فكرك أسجد قدامك.. (انت غلطان)2
ولعلمك أنا.. ما بَسجد أنا.. ولا ركبي بتركع مهما إن كان
أنا قلبي اغتنى.. يوم اللي انحنى.. قدّام اللي بيغني الأكوان

1- (مش عايل الهم وأنا معاه بأحتمي في الدم وفي حماه )2
(وأنا يوم ما أحتاج خيره أمواج بيزيد ويفيض بأبشع بغناه )2
القرار- (ده إلهي في السماء فوق عالي وأنا ابنه
على قلبه غالي والعشرة معاهبتحلالي.. هللوياهللويا)2
2- (أوقات بألقي الخوف يملاني وأفتكر إنه إلهي نساني)2
(لكن على طول بسمعه بيقول في وسط الضيق راح تلقاني)2
3- (فرحان من قلبي وبرنم وأتعلمت لشخصه أسلم )2
(هو بيعول والهم يزول أنا بأعرف منه وبتعلم )2

1- (حبيبي عن وصفه.. يعجز أي إنســـــــــان
أصله بالمجد مكلل.. وليه سلطـــــان)2
القرار- (وأطرح أكاليلي.. عند قدميــــه
و نهاري وليلي.. راح أرنم ليه)2
2- (حبيبي أبيض وأحمر.. ليه اسم عجيب
وجماله بارع بل أكثر.. خالي من العيب)2
3- (لما أذكر موته والإماتة.. وأتأمل فيـــــــه
أتذكر صلبه وجلداته.. وأتعلق بيـــه)2
4- (عنك ما هأحول عيني.. في ضيق أو جوع
وإنت اللي دفعت ثمن فيَّ.. دمــك يا يســوع)2